Kinderlike vertroue - "Kom almal na My"

761 Word soos kinders en verwerf daardeur ook die reg om as kind aan die hand gelei te word, en jul weg sal waarlik die korrekte wees. `n Ongekende gevoel van geborgenheid sal julle die lewe makliker laat verdra en as julle jul vol vertroue aan julle God en Heiland toevertrou, sal julle niks ontbreek nie. Want lieflik is Sy woorde: "Kom almal na My, wat vermoeid en belas is en Ek sal julle verkwik".

Wanneer die Heer Self hierdie belofte aan julle gee, dan sal julle in leed slegs maar aan die Heer moet dink en Hy sal jul help om dit te dra, want Sy kinders verlaat Hy nie. Neem hierdie woorde goed ter harte, want die swaar tyd op aarde lê nog voor. En wie hom dan nie vol vertroue aan die goddelike Verlosser oorgee nie, sal onuitspreeklik swaar moet stry. Die werklike troos is te alle tye Sy Woord, in liefde deur Hom aan die mense op aarde gegee. En wie hom daarby hou, sal wonderbaarlik versterk, die swaar leed op aarde kan verdra, want Sy Woord is terselfdertyd krag en sterkte vir die bange hart. En vergeet nie die gebed nie. Bring al jul sorge en nood na die Vader in die hemel, sodat Hy julle betyds hulp kan stuur.

Wie dan ook die weg na die Vader vind, hy sal nie tevergeefs aanklop nie en Sy versoek sal altyd toegestaan word, wanneer dit in alle innigheid na Hom opgestuur word. En wanneer alles rondom jul sal wankel, staan dan stewig en hou vas aan die Woord van God, dat Hy Syne sal beskerm in alle gevare van liggaam en siel. Amen.