Goddelike geregtigheid - Inmenging – Ramp

2340 Goddelike geregtigheid sal duidelik word deur die gebeurtenis wat vir die mensdom vooruit bepaal is, want die lande wie se leiers die vlam aansteek wat oor die aarde sal uitbrei, sal swaar getref word. Die skuld van hierdie lande sal geopenbaar word deur die komende gebeurtenis wat die mens nie kan vermy nie, nog kan verminder. Alle mense op aarde sal erken dat die geregtigheid van God niks ongestraf laat nie en dat Hy tussenbeide sal tree sodra die maat van ongeregtigheid bereik is.

God het aan die mens `n vrye wil gegee wat nou so misbruik word dat dit vergelding vereis, sodat regdenkende mense wat reg lewe die hand van God sal erken en dit sal verag wat deur eersgenoemde goedgekeur was. Die konflik tussen nasies sal wyd en ver uitgesprei wees en die vuur sal nie maklik geblus word nie. Daarom sal God hierdie vuur self beëindig deur die mense hul geleentheid te ontneem om die stryd voort te sit, deur `n natuurlike gebeurtenis van onmeetlike omvang. Hy sal dit magteloos maak wat voorheen sterk en magtig was en hy sal bewys dat Sy wil en Sy krag sterker is. En elkeen wat nog nie heeltemal deur die teenstander van God verslaaf is nie, sal insien waar hy verkeerd gegaan het en sal moeite doen om `n regverdige lewe te lei. Amen.