Menslike “regstelling” aan boodskappe van bo

1811 Die boodskappe van bo moet onveranderd opgeskryf word, anders versit die menslike wil hom teen die wil van God. Elke boodskap het daarom sy eie doel, ook al herken die mens dikwels nie die doel nie. En omdat die verandering van één woord reeds dikwels aan die boodskap `n ander betekenis gee, sal die oorspronklike doel op hierdie manier gemis word.

God maak Self aan die mense bekend dit wat nie met Sy wil ooreenstem nie, wanneer Sy woord deur menslike onbekwaamheid nie so aangeneem word as wat dit gegee was nie. Die mense het dus geensins die reg om die boodskappe te verander nie, want hulle beoordelingsvermoë is nie in staat om `n werk te toets wat nie net vir die teenwoordige tyd bedoel is nie - maar tye moet oorbrug.

Die mens mag wel die beste wil hê, maar moet tog `n sekere graad van geestelike volmaaktheid besit om oor kennis te beskik wat Hom in staat sal stel om volgens die wil van God korreksies uit te voer. Want menslike kennis alleen maak hom nie bekwaam om die waarheid van die inhoud te toets nie.

Slegs die Gees van God bring die suiwer waarheid voort en solank die siel nie in staat is om van `n menslike middelaar hierdie waarheid woordgetrou oor te neem nie, sal sy denke tog so gelei word dat hy geen dwaling sal neerskryf nie. Die skriftuur mag dan miskien minder volmaak wees, dit is egter nooit heeltemal foutief nie.

Elke menslike regstelling kan egter dwaling in homself berg en is daarom nie volgens die goddelike wil nie. Die Gees van God kan Hom des te suiwerder uiter namate die ontvanger minder weerstand bied by die ontvang van die boodskappe, daarom moet elke vorm van eie interpretasie tydens die ontvang van die boodskap agterweë bly. Slegs om die wil van God te dien is die beste waarborg vir `n suiwer en ongehinderde ontvangs en die ontvanger hoef dan nie te vrees om iets anders neer te skryf as wat in die bedoeling van die goddelike wil lê nie. Hierdie wil behoed die denke van die ontvanger teen dwaling, want wat God na die mense toe wil bring, sal Hy ook daarvoor behoed dat hierdie tipe interpretasies die aardse kinders van die regte weg sou afbring. Dit is waarlik Sy wil om die mensdom die suiwer waarheid te gee en dit op die korrekte wyse te onderrig. Amen.