Laaste dae - Toekoms - Huidig.

3579 God het aan mense voorspel wat sal gebeur met die aarde in ooreenstemming met Sy ewige plan van Verlossing, want Hy wil nie hê dat hulle die laaste dag onvoorbereid moet ervaar nie, Hy wil nie hê dat hulle skielik verras moet word in hul onvolmaaktheid nie, maar gee hulle genoeg geleentheid om vooraf volmaaktheid te bereik. Hy wil hulle aanmoedig om geestelik te word, Hy wil hulle waarsku teen die gevolge, indien hulle Sy aanmanings gaan ignoreer, en hy wil Syne in kennis stel van al die gebeure gedurende die laaste dae, om hulle geloof te versterk en hulle hoop en vertroue te gee vir hulle verlossing. Hy sal nie toelaat dat enigiets met die aarde gebeur sonder om die mense eers te in kennis te stel nie, sodat hulle Hom sal herken in alle komende gebeure. Maar Hy sal nooit afwyk van Sy ewige plan van verlossing wat Hy in wysheid oorweeg het vir die doeltreffendheid daarvan nie.

Die einde mag wel sy tyd neem, maar dit sal onherroeplik aanbreek, en om daardie rede moet alle profesieë oor die aarde en die tekens van die laaste dae letterlik opgeneem word. En dus kan die mens die einde enige uur verwag, hy moet altyd verwag dat dit kan plaasvind in die teenwoordige tyd, en moet daarom groot belang hê aan die verbetering van homself, sy siel, sodat sy ongedeerd kan uitkom en kan staan voor die aangesig van God op die Oordeelsdag. Sodra die mens glo dat die einde in die toekoms sal plaasvind, raak hy onverskillig en stadig met die werk aan homself.

As hy egter verwag dat God se profesieë in die teenwoordige tyd in vervulling sal gaan, sal hy die transformasie van sy natuur ernstig opneem, en dit is God se bedoeling van die begin af, en Hy dring daarop aan dat mense hul natuur verander. Maar eendag sal sy profesieë die hede word en hulle sal woord vir woord vervul word. En net voor hierdie gebeure gaan plaasvind, sal mense die profesieë die minste glo en dit self sal wys dat die laaste dae aangebreek het. Wanneer niemand die transformasie van die aarde meer verwag nie, wanneer mense alle relevante inligting verwerp, wanneer hulle na al die gebeure kyk uit `n geheel en al aardse en materiële oogpunt en die goddelike Skepper ignoreer, d.w.s. wanneer hulle elke verband tussen die mensdom se lot en die goddelike wil ontken, dan is die uur nie meer ver nie, want dan het die mensdom die graad van volwassenheid bereik wat die einde gaan veroorsaak.