Geskille van die lewe se genade

2488 Wie vir God gekies het, bly ook in Sy genade. Want elke geskil in die lewe is genade, wat sy weg omhoog moet bevorder. Slegs deur volgehoue stryd kan die mens meer volwasse word, totdat sy lewe `n ononderbroke diening in liefde geword het. Elke weerstand vergroot sy wilskrag wanneer hy dit probeer oorkom. Dit vergroot sy drang om werksaam te wees, waarsonder die lewe `n agteruitgang sou wees, omdat aktiwiteit die omvattende begrip van lewe is. Maar sonder weerstand sou die drang om werksaam te wees ook vervaag en sou die aardse lewe nie tot die resultaat lei wat sy einddoel is nie, naamlik tot die volmaaktheid van die siel, wat slegs in die stryd en in voortdurende werksaamheid volmaak kan word, op voorwaarde dat die werksaamheid `n diening in liefde is en nie in `n vernietigende sin uitgevoer word nie.

Maar wie op God aanstuur, sal nooit die gebod van naasteliefde buite beskouing laat nie en so ook elke geskil van die lewe probeer oorwin, sonder om die naaste skade te berokken. Sy stryd om te bestaan word dus gelei met inagneming van die gebod van naasteliefde. En dit is deurslaggewend, of alle behoeftes en wedervaringe van die lewe, wat God uit genade vir die mens oplê, ook as genade werksaam sal wees, of hulle as toetsstene op die weg van die aardse lewe oorwin sal word en dus voordele vir die siel van die mens sal oplewer. Want die genade moet ook as genade erken word. Maar hy wie God probeer bereik, neem alles berustend aan wat aan hom deur God opgelê word. En vir hom sal elke leed slegs `n bewys van die Liefde van God wees, wat hom die volmaaktheid van siel moet oplewer. Amen.