Verdeeldheid in die sinagoge

49 Nadat Ek dit gesê het, gaan almal slaap, slegs My broers, moeder Maria en Borus is nog in die kombuis besig om vir die komende Sabbat al die noodsaaklike voor te berei. Ook Sarah en Lydia help Maria en werk baie ywerig in die kombuis mee. Wanneer hulle alles in orde het, gaan hulle ook slaap. Soos gewoonlik is Maria vanmôre weer eerste op die been en wek haar helpers al lank voor sonop om alles, wat ons gedurende die dag nodig sal hê, volgens Judese gebruik nog vóór die begin van die Sabbatdag in orde en gereedheid te hê. Borus is ook druk besig, en toe ons uit die slaapkamers stap, staan al die tafels vir die oggendete al klaar.

[2] Buite word oggendpsalms gesing en op die talle tafels onder die vrye hemel wag reeds goed voorbereide visse, brood en wyn op diegene wat daarvan wil geniet.

[3] Ons gaan dan ook aan tafel sit vir die ontbyt en Ek stuur na die maaltyd die bode vir die bewuste aangeleentheid na Jerusalem. Jaïrus wag in groot spanning op die terugkeer van die bode, wat natuurlik slegs solank wegbly as wat hy nodig gehad het om op suiwer menslike wyse met die tempelpriesters te onderhandel. Aangesien die onderhandeling egter tog ongeveer twee uur geduur het, het die bode ook net na twee uur teruggekom, tot groot vreugde van Jaïrus, en bring vir Jaïrus, behalwe die berig oor die verheugde aanvaarding van sy akte van afstand as owerste, ook `n lof- en danksertifikaat vir sy getroue vervulde amp. Tewens word hom die naam van sy opvolger meegedeel, met die versoek daarby om in geval van nood sy opvolger met raad en daad by te staan, indien hy dit nodig sou hê.

[4] Jaïrus is nou baie opgewek en sê aan My: "Heer, ek dank U uit die diepte van my hart vir hierdie wonderbare redding uit `n amp wat my deur sulke God weersinwekkende lewensomstandighede verseker in die hande van satan sou gebring het!"

[5] Ek sê: "Wel, het Ek jou nie gesê nie dat as daar voordelige sake te doen is vir die tempeldienaars, dan kan die Sabbat selfs tydens die offerande enige uur van die dag verbreek word! Daarom kan jy goed sien hoeveel die tempeldienaars vir God en Sy gebod omgee!

[6] Maar nou sal ons ter wille van die volk tog weer die sinagoge besoek en weereens sien wat die fariseërs almal doen en leer; maar ons gaan heel agter sit, sodat die grootdoenerige fariseërs en volksoudstes ons nie so gou sal opmerk nie!"

[7] Jaïrus sê: "Maar ek gaan nie na binne nie, want vir my ken elke seun; as ek in die sinagoge is, moet ek voor by die raad van oudstes plek inneem, en dan sou julle daardeur verraai wees!"

[8] Ek sê: "Moet jou nie bekommer nie! Want as Ek jou iets aanraai om te doen, dan kan jy dit sonder enige sorge doen, en daar sal geen haar van jou geskaad word nie! Dus gaan ons nou saam op pad!" – Toe vertrek ons en bereik spoedig die sinagoge.

[9] Toe ons daar binnegaan, blyk dit baie leeg te wees en slegs die diensdoende fariseërs vul die plek van die raad van oudstes. Geleidelik kom daar heelwat ou Judeërs aan en neem in hul banke plek in om daarin met alle liefde hul oggendslapie te geniet.

[10] Na afloop van die offerande en die dooie aframmeling van die wet, enige toepaslike Psalms en die hooglied van Salomo, klim `n spreker op die verhoog, en begin met `n skorre stem die volgende toespraak: "My geliefdes in ons vaders Abraham, Isak en Jakob! Ons lewe nou in `n baie benarde tyd - byna soos aan die dae toe Noag die ark gebou het en uiteindelik op bevel van JaHWeH homself met sy familie daarin opgesluit het! Ons staan nou op die heilige plek waarvan Daniël geprofeteer het, ons sien die gruwels van die verwoesting aan - soos wat die verbanne slawe van die heidense heks Megera die kwellinge van hul broers moes aansien en smartlik moes wag totdat die mense ook vir hulle in kokende metaal sou lê - en kan ons in geen enkele rigting beweeg nie! Ons staan daar so verlate by soos `n reeds lank afgestorwe boomstomp op `n bergspits, as `n skreiende bewys dat daar eens op die hoogte weelderige bosse gestaan het! Wat kan mens egter daaraan doen? Dit is `n lewensvraag! `n Diamantekroon vir iemand wat in staat is om daarop `n deugdelike antwoord te gee! Maar hy moet goed rekening hou met ons swaar geboeide, en deur alle kettings van die wêreld gekluisterde plek!

[11] Aan die een kant sit die Romeine soos die berg Sinaï byna op ons nek, aan die ander kant die Seun van die timmerman wat opeens, asof uit die hemel gevalle, van `n lummelagtige krulkop jongetjie getransformeer is in `n profeet, soos wat daar sedert Abraham nog nooit een onder die Judeërs geleef het nie. Almal loop Hom na, groot en klein en jonk en oud! As JaHWeH nou Self na die aarde sou afdaal, dan is dit maar `n vraag of Hy groter dinge sou doen of sou kon volbring! Iedere siekte genees Hy deur slegs maar op `n afstand iets te sê, die dooies roep Hy uit die grafte en gee hulle `n volkome gesonde lewe terug! Ook beveel Hy die winde en die golwe van die see en hulle gehoorsaam Hom soos die slawe hul meester! As Hy praat, is alles deurtrek van die diepste goddelike wysheid, en elkeen is in die ban van die mag van Sy woord en volg Hom van die een stad na die ander. Bowendien het Hy die grotes uit Rome heeltemal aan Sy kant, wat Hom as Hy dit nodig sou hê, met hul legioene ten dienste staan. Maar ons staan juis op die rand van die verskriklikste afgrond, en kan elke oomblik verslind word, en het ook nie één sterflike wese aan ons kant nie - behalwe hierdie ou slapers in die sinagoge! Dus vra ek nogmaals: Wat moet ons doen?

[12] Wat het ons nou van Moses en al die profete, waar selfs JaHWeH met Moses en die profete gespreek het, maar ons nou al meer as `n eeu in die diepste moeras laat beland het!? Of ons nou roep sodat `n mens ons tot aan die sterre hoor, tog meld geen JaHWeH Homself nie en Hy laat ons erger in die skandelikste narigheid sit as `n totale ligsinnige bruidegom sy arme, tienmaal verleide en ongelukkig gemaakte bruid! Daarby het ons nog die eer om 'God se volk' te heet, terwyl dit juis die sogenaamde goddelose heidene is wat hierdie hoë aansien het en in besit is van al die mag en al die rykdomme van die aarde, wat JaHWeH aan Sy kneg Dawid volgens die Skrif beloof het - wat egter nooit vervul is nie!

[13] Daar staan met goddelike hoofletters: 'En jou ryk sal in ewigheid nie ophou nie!' Kyk ons nou eers na die ewige ryk van Dawid! O skitterende leuen van `n profeet wat vir Dawid vlei! Hoe dikwels het die ryk van Dawid nie reeds geëindig nie! Hyself het al die genoeë gesmaak om dit aan die sy van sy seun te beleef, en sou die seun nie deur `n eik gevang was nie, dan sou die brawe Dawid nog tienduisend Psalms vir sy liewe JaHWeH kon gesing het, maar dan het Absalom tog op die troon gesit! – Kom ons laat die verlede egter met rus, en kom laat ons die beloofde ewige ryk van Dawid in hierdie tyd beskou! O pragtige ryk! Miskien bevind die siel van Dawid hom in die keisers van Rome, wie se ryk in elk geval nou baie beter daar uitsien om vir ewig voort te duur as die slakkeryk van die groot man na die hart van God! Broers, is dit vir julle nog nie sonhelder dat ons hele ou leer `n pure fabel is nie, wat maar slegs bestaan uit versinsels geneem uit die oertyd?! En ons is nog steeds die dwase, en is daaraan geheg asof daar werklik die een of ander verlossing te verkry sou wees! Watter esel of os in mensgedaante sal nog `n ou, gerafelde mantel aan sy liggaam duld, as hy vir die oue, tien nuwes van die beste kwaliteit kan kry?!

[14] Die geskiedenis en die persoonlike ervaring leer ons sonhelder dat daar aan die hele Mosaïese leer, en aan al die profete niks meer egte betekenis in sit nie as aan `n holle los noot nie - en tog bly ons asof verhongerd daaraan vashou soos aan iets sekers. En van pure, van ouds af ingewortelde, domheid staan ons nog geen tree opsy nie al loop die water al by ons liggaamsopeninge na binne soos die Jordaan in die Dooie See!

[15] Staan daarom op, broers, laat ons onsself ook aansluit by die Seun van die timmerman, dan is ons geborge! Want Hy laat ons dit sien wat die oudstes in hul fabeltjies oor JaHWeH, wat hulle net so min soos ons ooit gesien het, aan ons vertel het! Ek glo met hierdie voordrag deur my het ek die opgestelde moeilike vrae in één klap beantwoord ; doen dit en dan sal dit met ons almal dadelik fisiek en moreel beter gaan!

[16] Roban, ons oudste, het ons met `n goeie voorbeeld voorgegaan; laat ons doen soos hy, dan kan daar met niemand van ons iets fout gaan nie! Miskien is juis hierdie, tot nog toe weinig aandagtrekkende, timmerman Jesus, heel geskik daarvoor om die ongelukkige, sogenaamd ewige, ryk van Dawid ten minste vir `n oomblik weer te herstel! Want met Sy onbegryplike magiese mag, waarmee jy Hom met geen mag ter wêreld kan meet nie, is dit net moontlik om die baie bygelowige Romeine sodanige respek in te boesem dat hul magtige legioene daardeur maar al te gou duisend voete sou kry om op loop te gaan."

[17] Nou gaan die oudstes, die skrifgeleerdes, fariseërs en leviete staan en sê: "Jy verstaan die Skrif sleg as jy so `n ketterse toespraak kan hou. Vanuit `n bepaalde aardse standpunt skyn daar weliswaar iets waars in te sit, maar vanuit `n hemelse standpunt is Hy `n donker misdaad teen die onmiskenbare majesteit van God. Ons is daardeur verplig om jou ter wille van ons verlossing uit ons geselskap te druk en by die heidene te rangskik!"

[18] Die spreker sê: "Dink julle dalk dat julle my daarmee straf? O, dan vergis julle julle geweldig! As julle dwase wil bly en verhonger, doen dit dan maar en bly in julle ou nag en duisternis! Ou domkoppe, gee my eers `n voorbeeld van `n getuie van God, wat `n dooie uit die graf teruggeroep het soos hierdie Timmerman van ons!"

[19] Die oudstes sê: "Dit sal God op die jongste dag doen!"

[20] Die spreker sê: "Julle elohim sal julle op die jongste dag sien kom! Geen mens weet ook maar iets of God, soos wat ons Hom uit die Skrif ken, ooit `n mens uit die dood in die lewe teruggeroep het nie! Omdat geen mens dit ooit beleef het en aan die einde van sy kort aardse lewe slegs maar die sekerlike dood voor oë het, word hy baie bang en begin met `n bedroefde gemoed angstig te vra: 'Wat is ek, en wat word van my as die lewe eindig?' En omdat aan die sogenaamde knegte van God, wat ons die bespotlike slegte eer het om te wees, nooit ontbreek het nie, moes dit as troos dien vir die talle vraendes, en moes ten bate van hul eiebelang tog iets uitdink wat die talle moeilike vraestellers ietwat rustiger sou maak. So ontstaan dan die opwekking op die jongste dag, wat die hemel waarskynlik nooit sal laat aanbreek nie. Ons denkende dwase laat ons daarmee ook nog vir die gek hou, en is daardeur blind vir die ongelooflike dade en gebeurtenisse wat voor ons oë, neuse en ore plaasvind! Is dit dan werklik so iets groots vir `n man, as hy hom as grysaard nog steeds nie kan losmaak van die reeds algeheel beskimmelde kindersprokies nie?

[21] Wat wil julle dan verder nog met die ou handelinge van die Judeërs, wat met die huidige verligting van die volke geen halwe eeu meer sal kan uithou nie? So gek sal ek in elk geval nie wees om die einde van hierdie blinde leer af te wag nie, wat slegs bestaan uit inhoudlose geskiedkundige feite, of ook welmenende en sprokiesagtige fabels, wat die bakkers wel uit die vuis aan hul suigelinge sal vertel, en waaruit die volgroeide suigelinge dan `n pragtige godsdiens van alles saamgeflans het, waarin geen sisteem en geen vonk van die een of ander Griekse logika te ontdek is nie!

[22] As JaHWeH nie eens so logies kan praat en leer soos `n armsalige Griekse filosoof nie, dan moet Hy eerder eers by die Grieke gaan lesse neem, vóórdat Hy Sy volke, wat sekerlik nie almal op hulle agterkoppe geval het nie, die waarheid, orde en wysheid gaan leer!

[23] Maar dit is van die ewigheid ver van my af om my JaHWeH nie wyser voor te stel as `n profeet wat deur sy kinderjuffrou gevorm is nie, wat by al sy domheid nog net genoeg gesonde verstand oor het om `n so duistere leer te bedink dat hy dit self volstrek nie verstaan en nie kan verstaan nie, en wat ook aan sy bedoeling beantwoord omdat die leer dan deur elke ander mens nog minder verstaan sal kan word! - Sê my maar niks meer oor julle JaHWeH nie! Waarlik, as eerlike mens moet ek my nou eers regtig gaan skaam dat ek ooit so `n onmenslike dom leer kon aangehang het!

[24] Gestel egter dat daar aan die leer van Moses in die begin iets was, dan is daardie 'iets' nou seker so verdraaid deur die laagste menslike gemeenhede dat ons daarvan nou wel niks anders meer besit as die miskien wel heel verkeerd uitgesproke Naam nie!

[25] Daarom word ek vandag nog `n leerling van die timmerman Jesus! Hy is goed, en sal `n eerlike man soos ek sekerlik nie afwys nie!"