Die blus van die bosbrand deur `n stortbui. Satan se aanmatiging teenoor die Heer.

29 En dadelik dank Henog Abedam in die diepte van sy gemoed en strek sy hande uit en spreek met uitgestrekte arms:

2. "Luister jy, helder lug! Laat deur jou geeste en winde `n bewolking wat swaar is van reën hierheen saamtrek, sodat die brand deur `n ryklike neerslag, in die vorm van groot druppels, gesmoor en geblus word; en nie voor die laaste vonk geblus is, sal daar `n einde aan jou werk wees nie, in die Naam van JaHWeH! Amen."

3. En Henog het die Amen nog nie uitgespreek nie, of daar kom reeds enorme hoeveelhede reënwolke saamgetrek wat in `n magtige stortbui neerval oor die hele, uitgestrekte streek waar die brand woed.

4. Maar bo die wolke was dit helder en mens kyk onbelemmerd daaroor uit en baie spoedig bemerk mens op die oppervlakte van die bewolking `n kragtige werweling, wat soos die kronkels van `n groot slang lyk.

5. En die werweling kom nader en nader, en hierdie werweling was die Satan, hy neem dadelik `n verligte gedaante aan, stel hom voor Abedam op en vra Hom:

6. "Wat het Jy hier in my eiendom te maak? Weet Jy dan nie meer welke termyn Jy my gegee het nie?

7. Verdwyn daarom van hier en laat my ongehinderd swelg in my eiendom; want ek, nie Jy nie, is meester en meester van hierdie skepping!"

8. Maar Abedam sê vir hom: "Satan, tot hier toe en nie verder nie! As jy hierdie heilige skeidsmuur tussen My en jou sal oorskry, sal jy ook teregstaan en op hoogs pynlike wyse tot die ontdekking kom wie die Heer is en wie sedert ewigheid van die ewighede God is!

9. Gaan nou hiervandaan en besef waarvoor hierdie tyd jou gegee is! Amen."

10. En die Satan laat `n vreeslike gebrul uit en stort woedend in die diepte neer.

11. Hierop sê Abedam: "Sien, die vuur is geblus, die sondaars het op die vlug geslaan; laat ons dan in vrede van hier weggaan!

12. Vir Adam moet dit egter voorlopig verswyg word! Amen."