- Hoofstuk 57 -

DIE ELLENDIGES KRY VERKWIKKING. HUL DANKBAARHEID EN KLAGTE OOR HULLE ONDERVINDING. TOESPRAAK VAN 'N VERLOSTE GEES EN MARTIN SE ANTWOORD.

Biskop Martin maak nou die deur van die kas oop en tot sy verbasing vind hy dit tot volle kapasiteit gevul met brood en wyn. "God dank," sê hy aan homself, "Ek was al bang dat ek mislei kon word, omdat alles hier bly verander."

(Dan, hardop, aan die groep): "Daar, help julleself, eet en drink na hartelus!" En hulle het almal hulself gehelp. Hulle eet en drink hulle vol, maar dit verminder nie die voorraad nie, inteendeel, dit word sigbaar meer! Diegene wat hulle vol geëet het, loof die gasheer met groot entoesiasme en hulle word lewendiger en meer aantreklik; net hul klere lyk nog baie miserabel. Toe almal geëet het en hul gasheer geprys het, maak Biskop Martin die deur van die kas toe en sê: "Luister, liewe broers en susters, moenie my prys, wat `n onbeduidende persoon is nie. Ek kan nie julle lof geniet nie, want ek is nie die ware gewer nie, net `n slegte verspreider van wat die Meester Jesus self aan my gegee het, alhoewel ek dit nie verdien nie. Dus, as julle iemand moet loof, laat dit Jesus die Meester wees, op voorwaarde dat julle van Hom gehoor het. Ek het nie regtig verwag dat almal van julle het nie, want soos wat ek van julle gehoor het, moet julle vir `n onvoorstelbare lang tyd in die geestewêreld wees. In daardie geval moet julle leer van die enigste God en Meester Jesus!" 

(Een van die groep): "Vriend, jy sou nie praat van die Jood Jesus wat `n skandedood aan die kruis gesterf het, saam met twee rowers en moordenaars nie, sou jy?"

(Biskop Martin): "Dit is presies die Een wat ek bedoel! Hy is waarlik God en mens terselfdertyd. Hy is die primêre bron van alle dinge. Daar is geen ander God in die hele oneindigheid nie, slegs Hy! Glo my, dit kos my `n onuitspreeklike poging om dit te verstaan. Al die aartsengele sou gefaal het om my met woorde daarvan te oortuig. Maar die Meester Jesus self het na my gekom en my geleer deur middel van dade wat God alleen kon verrig, dat dit Hy was, Die Meester van oneindigheid! En nou is ek so sterk in hierdie oortuiging soos wat ek voorheen swak was in begrip van hierdie waarheid. In die lig hiervan dink ek julle sal dit nie te moeilik vind om alles met my te deel nie; die huis, die brood en wyn, sowel as my oortuigings."

(Verskeie van die groep): "Jy is reg! Natuurlik sou ons wil wees soos jy in alles! Nie dat ons veel geloof in Jesus gehad het tydens ons lewens nie en nog minder hier in die geestewêreld, omdat ons lot moeilik was en daar geen spoor van genade was nie. Daar was nie enige sprake van `n Jesus tot nou toe nie, behalwe dat Hy ook iewers kan verval, net soos ons, as `n arme, misleide duiwel en dit betreur dat Hy ooit geleef en geleer het op aarde. Maar as dinge is soos jy, liewe vriend, ons nou net vertel het, is dit alles reg met ons! Wie God mag wees en wat sy Naam is, is van geen belang vir ons nie, solank as wat daar een is op wie ons kan vertrou. Daar is net een ding wat ons nie kan verstaan nie: Hoe kon jou goeie Jesus ons arme duiwels vir so `n lang tyd rondjaag sonder kos en drank? Regtig, vriend, dit is nie heeltemal `n bewys van liefde en medelye nie! Natuurlik is alles nou reg, maar ons moet nie dink aan al die lyding wat ons deurgemaak het nie, anders kan ons nie regtig die ewige jagter van siele liefhê nie! Dit is waar dat in die wêreld almal van ons net ons begeertes gevolg het sonder om gepla te wees oor Sy godsdiens. Maar andersins was ons eerlike mense uit die beste families. Ons het `n goeie opvoeding gehad en het dienooreenkomstig geleef. `n Wyse God moet weet dat geen mens in staat is om homself te omskep en te leer op die manier waarop hy dit wil hê nie. Maar die rondjaag het tot `n einde gekom, daarom sal Jesus vir alles wat Hy aan ons gedoen het, vergewe word."

(Nog een stap vorentoe en sê): "Eintlik is jy reg, want dit is beter om te vergewe as om te soek na wraak. Maar ek sal nie te haastig wees om heeltemal te vergewe nie, want jy weet nie hoe dit was gedurende die duisend jaar wat ek tussen twee gloeiende rotse ingedruk was en my gebede en vloeke meer in getal was as wat daar sand in die see is. En as jy nie `n groot poging aangewend het om ons te red nie, sou ek nog steeds in daardie onuitspreeklike pynlike posisie gewees het. `n Almagtige Meester Jesus sou nie hierdie helse marteling in die minste verlig het nie. So iets is geen grap nie en jy kan dit nooit vergeet nie. Ek is nie regtig `n wraakgierige gees nie, want dit sou uiters dwaas wees vir `n beperkte gees om wederstrewig teen `n almagtige God te wees. Maar jy vergeet nie so iets nie. Jy verstaan wat ek bedoel met nie vergeet nie."

(Biskop Martin): "Ja, natuurlik, jy is reg. Ek het ook sulke dinge in my gedagtes gehad en het nog steeds dinge wat my redelik sterk prik. Maar die waarheid is dat die Meester Jesus niks daarmee te doen het nie, dit is net hom wat dit aangaan, maar waarskynlik is dit meer die Meester se hemelse amptenare, wat soms in die baie vreemdste maniere optree. Maar op die lang duur word dit geregverdig deur middel van wysheid, maar wee hom op wie sodanige wysheid van toepassing is! Daarom moet die Meester altyd verskoon word en hoogs geprys word indien hy inmeng met die arbitrêre optrede van sulke geeste en hulle beskaam in hulle wysheid. O, julle sal nie glo hoe hardkoppig hierdie hemelse engele kan wees wanneer hulle op hul eie is nie! Maar wanneer die Meester kom, trek hulle onmiddellik hul horings in en tree so sag en versigtig op en maak `n groot vertoning van hul sagmoedigheid. Ek weet al hierdie dinge en ek hou al hoe meer van die Meester Jesus as gevolg daarvan. As julle dieselfde sou doen, sal ons deur alle ewigheid met mekaar oor die weg kom. Ons slagspreuk moet wees: "Die Meester Jesus alleen is liefdevol en sag! Al die ander is net gemors; selfs Petrus en Paulus is nie die moeite werd nie. Maar een ding moet julle my vertel: Wanneer het julle die aarde verlaat? Ek kan aflei uit ons praat dat julle nie voor Christus gelewe het nie, want dit lyk of julle sekere inligting oor Hom het, asook oor die Roomse kerk. Dus is dit duidelik dat julle na Christus in die wêreld geleef het. Daarom, as julle nie omgee nie, sal julle my vertel wanneer julle daar geleef het? Die konsep van tyd soos ons dit ervaar hier in die wêreld van die geeste is so onbetroubaar, want `n uur kan voel soos `n miljoen jaar vir `n arme sondaar, soos ek myself dit te duidelik ervaar het."