- Hoofstuk 42 -

VERRASSINGS AGTER DIE VYFDE DEUR. DIE WONDER WÊRELD VAN JUPITER.

Ons het reeds deur nommer vyf bereik, wat voor ons oopmaak, en met die eerste oogopslag, gooi Biskop Martin sy hande in die lug van verbasing, en skreeu: "Ter wille van U goddelike Naam, Meester Jesus, Vader - wat `n grootsheid! Die mees hemelse wêreld sonder einde! En daarbo is nog vier ‘wêrelde’, alles gebaai in `n lig wat die mees verbeeldingryke sterflike onmoontlik nie kan voorstel nie. Die heerlikheid en majesteit van hierdie blink paleise en tempels, ook van die kleiner tempels, wat waarskynlik die inwoners van gratis inwoning voorsien. Ag, ek sien ook mere, wie se water blink, soos die mooiste geslypte diamante in die sonlig. Maar daar lyk dit of alles lig uitstraal, want ek kan nie `n bepaalde bron van lig sien nie. O Meester, Vader, hoe onuitspreeklik mooi en verhewe is dit nie! Ek kan amper hierdie skoonheid as heilig beskryf, as ek nie geweet het dat U alleen heilig is nie. Hoe meer ek na alles kyk, hoe meer sien ek. Ek kan al mense onderskei, maar hulle is nog te ver vir my om te sien hoe hulle regtig lyk. Waarskynlik sal hulle skoonheid in ooreenstemming wees met die onbeperkte skoonheid van hul wêreld. Dit mag dalk beter wees as hulle nie te naby kom nie, want miskien sal ek nie in staat wees om hul skoonheid te verdra nie. Ek vind die gesig van hierdie groot, wonderlike wêreld reeds oorweldigend!

Maar Meester, Vader, sou dit enigsins moontlik wees vir enige gees, behalwe Uself, om ooit ten volle die onbeperkte oorvloed, diepte, en omvang van die verhewenheid te verstaan? Dit moet sekerlik onmoontlik wees, vir selfs die grootste engel!"

(Ek sê): "O nee, my liewe seun Martin, alles wat jy hier sien, en nog sal sien, is maar `n klein deeltjie van wat die wyse engele van my Ewige Koninkryk ten volle in elke detail verstaan. Want alles wat jy hier sien, en dit wat jou so diep beïndruk, is eintlik binne-in jou, en dat jy dit sien as `n uiterlike manifestering is net te danke aan jou geestelike visie. Dit kan vergelyk word met die sien van gebiede in jou drome, wat skyn om buite jou te wees maar is eintlik in jou, en jy kyk na hulle met die oë van jou siel. Maar die verskil hier is dat dit werklik is, terwyl in drome sulke tonele gewoonlik net illusies van die siel is. Moet egter nie meer vra oor dit alles nie, want jy sal dit met verloop van tyd verstaan. Die mense van hierdie wêreld sal nie naderkom nie, want in jou huidige toestand sal hul skoonheid beslis ondraaglik wees vir jou. Maar wanneer jy sterker geword het, sal jy in staat wees om alles te sien en dit te geniet in geseënde suiwerheid, wat op hierdie stadium onmoontlik is vir jou, omdat jy nog nie oor die nodige krag beskik nie.

Laat ons nou voortgaan na die volgende deur, waar selfs meer verhewe dinge op jou wag. By hierdie sesde deur, moet jy egter so stil as moontlik wees en net aandagtig luister na wat Ek jou vertel. Jy moet My nie vra hoekom jy so stil moet wees nie, ook mag jy geen vrae vra as jy nie kan begryp wat Ek jou sal sê nie, want mettertyd sal dit alles duidelik word vir jou. Laat ons nou na deur nommer ses gaan. Laat dit so wees!"