-Hoofstuk 47 -

DIE GEHEIM VAN DIE TIENDE KABINET: DIE SON MET SY HEERLIKHEID. OOR DIE AARD VAN LIG. DIE WONDERS VAN DIE SON WÊRELD. SKOONHEID AS DIE UITDRUKKING VAN VOLMAAKTHEID.

(Die Meester): "Ons staan voor die tiende deur. Praat nou oor alles wat jy hier sien."

(Biskop Martin): "Meester, wat kan ek sê? My oë is verblind deur `n groot helderheid en my ore hoor die mees wonderlike harmonie. Dit is al wat ek tot dusver kan sê. Ek sien net die sterk lig en hoor die hemelse harmonie, wat blyk te kom van die lig. Die lig skyn `n onbeperkte ruimte te vul, want oral waar ek my oë draai, sien ek niks, net die lig. Tog is dit vreemd dat hierdie enorme massa lig nie meer hitte deur die oop deur gee nie. Wat kan dit wees, Meester? Is dit miskien die lig vir hierdie huis? Of miskien is dit selfs die son, `n miniatuur-replika van die werklike son wat lig aan die aarde gee."

(Ek sê): "Ja, dit is reg! Dit is die ooreenkoms binne jou van die ware son. Soos jou oë hulle by die lig aanpas, sal jy ook ander dinge in hierdie lig onderskei. Hou aan soek vir `n rukkie en jy sal binnekort die oorvloed van lig begin prys"

Biskop Martin probeer deur die lig te dring met sy oë, om iets anders behalwe die lig te sien, maar na `n wyle, toe hy nog niks kan sien nie, sê hy: "Meester Jesus, dit lyk hopeloos! Ek het my oë ingespan tot hulle maksimum, maar sien net daardie lig! Alhoewel dit `n pragtige gesig is, begin dit eentonig raak. Nie dat dit regtig saak maak nie, want as ek U sien, het ek nie nodig om enige wonders in hierdie see van lig te sien sweef nie. Maar dit is merkwaardig om hierdie lig te sien en wat `n lig!

My beminde Jesus, wat is lig nou eintlik? In die wêreld is die wetenskaplikes nog steeds aan die stry oor die aard van lig, een het hierdie teorie, `n ander een dat. Maar aan die einde word dit duidelik dat geeneen van hulle iets daaroor weet nie. Ek het baie gelees en gehoor hieroor, maar het tot die gevolgtrekking gekom dat die wetenskaplikes op die aarde op geen onderwerp heeltemal so onkundig is soos wat hulle is oor lig nie. Daarom, as dit U wil is, kan U my `n paar wenke oor die onderwerp gee, asseblief?"

(Ek sê): "Kyk, Ek is die lig oral! Omdat onvermoeide aktiwiteit my primêre essensie is, deurdring en omvou lig My. Waar daar groot aktiwiteit is, daar is ook baie lig, want lig is eintlik niks anders nie as `n suiwer openbaring van aktiwiteit van die engele en die beter menslike geeste. Hoe hoër die vlak van hul aktiwiteit, hoe helderder is hulle lig. Dit is ook die rede waarom die sonne helderder skyn as die planete, want op hulle is die aktiwiteit `n miljoenvoudig groter as op die laaste. So ook is die lig van `n aartsengel helderder as die van `n klein, maar verstandige engelgees; want `n aartsengel moet sorg vir `n hele sonnestelsel, terwyl die klein wyse gees net in beheer is van `n klein gebied op aarde, of selfs net op die maan. Om dieselfde rede is `n diamant veel helderder as gewone sandsteen, want in die diamant is daar `n onvergelykbaar groter aktiwiteit wat dit ook so hard maak. Dit is duidelik dat daar meer by betrokke is in die bewaring van die samehang in `n diamant as in `n sandsteen. In elk geval, waar jy iets sien wat baie helder en blink is, kan jy `n groter aktiwiteit daarin aanneem; want aktiwiteit is die lig en die glans van alle mense en dinge. Die visie van die oog bestaan in die waarneming van hierdie aktiwiteit. As die visie nog onvolmaak is, sal dit net lig en glans waarneem. Maar `n volmaakte visie sien die werklike aktiwiteit in sy wese. Soos jou visie volmaak word, sal jy ook binnekort kennis neem van aktiwiteit in hierdie lig. Daarom, kyk van naderby, want jy sal ongelooflike dinge sien, want ons het nou `n son en nie `n planeet voor ons nie! Kyk daarna en praat dan!" Nadat hy vir `n hele ruk in die lig gekyk het, toon ons Martin tekens van verbasing. Toe Ek hom vra wat dit is wat hom so verbluf, sê hy:

(Biskop Martin): "O Meester, o Meester, ter wille van U allerheiligste Naam, kan dit moontlik wees? Hoe is dit moontlik dat U oor al hierdie wonders op wonders kan toesig hou, organiseer en lei? Dit is bo alle menslike en selfs die engele se begrip! O my God, my God, hoe onvoorstelbaar groot is U en daar is geen einde aan U heerlikheid en majesteit nie!"

(Ek sê): "Maar wat is dit wat jy sien wat die verrukking en toewyding veroorsaak het in jou? Praat en vertel my wat jy sien."

(Biskop Martin): "O, Meester, wat sal ek sê wanneer al hierdie heerlikheid en die hemelse skoonheid en majesteit my asem weggeneem het? Dit is eenvoudig onbeskryflik! Die grenslose skoonheid van die mense is die enigste ding wat ek weet wat dit is, alle ander is onuitspreeklik! Ek het nog nooit iets so verhewe gesien nie en die mees aanskoulike verbeelding van die wysste man ooit, kon nie hierdie in vooruitsig gestel het nie! Alles wat ek tot dusver gesien het was baie mooi, maar in vergelyking met wat ek nou sien, word dit baie gering! Eerste van alles, die groot verskeidenheid hier maak dit onmoontlik om alles waar te neem en daarnaas bly nuwe wonders al die tyd ontwikkel - elke een van hulle meer glorieryk as die vorige een! Slegs die mense bly onveranderd, maar hulle skoonheid is so asemrowend dat ek voel om myself in die stof te verberg. Al die ander bly maar verander soos in `n kaleidoskoop. Selfs die landskap verander. Waar die land eers plat was, groei skielik `n hoë berg daaruit en bring daarmee saam groot strome wat die weivelde in see verander. Toe bars die berge en `n aantal wêrelde van vuur word uit die kraters gegooi die eindelose ruimte in, asof gedryf deur `n groot krag. Baie val weer terug uit die ruimte en los op soos sneeu op die warm grond. Ag, watter formidabele verskynsels! Maar die mooi mense lyk nie of hulle aandag skenk aan die gebeure rondom hulle nie! Hulle loop in hul tuine in `n skynbaar geluksalige toestand, bewonder die mooiste blomme wat ook blyk te verander by die aansig van hulle bewonderaars in meer en meer glorieryke vorms. O, Meester, laat ek hierna kyk vir die helfte van `n ewigheid! Ek is seker dat selfs `n aartsengel nooit sy oë van hierdie verhewe gesig kan wegneem nie! Ah, die onoortreflike skoonheid van hierdie mense! Dit is oorweldigend! Die sagtheid van hul volmaak gevormde figure, die witheid en dan die absoluut wonderlike soetheid van hulle gesigte! Dit is te hemels - ek kan dit nie verdra nie!

En o, `n paar kom baie naby, sodat ek hulle onbeskryflike wonderlike eienskappe kan sien en die volmaakte harmonie van hul liggame kan bewonder. Nou is hulle naby genoeg vir my om met hulle te praat, maar ek sal dit net nie kan verdra as hierdie pragtige hemelse wesens met my moet praat nie. O, Meester, maak dat hulle teruggaan, want om na hulle te kyk, maak my duiselig. Ek voel asof ek glad nie bestaan nie, asof ek in ekstase is! Dit is onbeskryflik! O God, U groot almagtige Skepper, hoe is dit moontlik vir U om so `n eindelose verskeidenheid en skoonheid in die menslike vorm te sit, wat so eenvoudig en basies altyd baie dieselfde is? Ek kan in my verbeelding `n perfekte vorm voorstel, maar dan sal al die ander nie opkom nie. Maar hier is hulle ontelbaar - elkeen op sy eie manier van opperste skoonheid. Ag, Meester, dit is ondenkbaar, totaal ondenkbaar! In die wêreld het ek die uiters dom idee gehad dat daar in die hemelse ryk van die geeste al die salige geeste na mekaar sou lyk, soos die mossies op aarde. Maar ek kan nou sien dat `n werklike menigte hier gevind word, terwyl dit in die wêreld te veel weggesteek was deur die sterflike vlees. Ah, ah, meer en meer heerlikheid! Nog `n paartjie kom nader! Ag Meester, hierdie verlam my brein! Hou my, Meester, dat ek nie ineenstort soos `n leë kous nie! Ag, wat `n vrou! O, my Jesus, wat `n heerlikheid, wat `n onuitspreeklike skoonheid! Dié sagte voete, die goed ontwikkelde figuur, die glans rondom haar en hierdie onuitspreeklike sagte en vriendelike uitdrukking in `n paar oë wat om na reg te beskryf, selfs die aartsengel Michael moeilik sou vind! Ek het reeds heeltemal dom geword, ja, ek is `n volledige gek! Ek wou iets vra, maar... ! Ag, vergeet die vraag! Ek is `n esel, ja, `n dom dier! Hier is ek, starende soos `n bees by `n nuwe hek, amper vergeet ek dat U, Meester, hier saam met my is, in vergelyking met wie al hierdie skoonheid niks is nie! U kan veel groter prag en praal in `n oomblik oproep, as U wil!

Meester, ek het nou die gesig van die hoogste hemelse skoonheid genoeg geniet! Hulle is te suiwer en te heerlik vir my. Laat My iets heel gewoon sien sodat ek myself weer kan vind en na myself kyk sonder dat ek geskok is oor my lelike voorkoms, in vergelyking met hierdie heerlike hemelse wesens. Regtig, as ek na myself kyk, ek lyk soos `n aap in vergelyking met hierdie engele! Ek kan spoeg op my beeld! Waarom is ek tog so vreeslik lelik, hoewel ek `n gees is en `n bietjie beter moet lyk as `n mens op die aarde. Waarom is hierdie mense so mooi en ons as U kinders, lyk soos ape in vergelyking met hulle, veral ek?"

(Ek sê): "Omdat jy my hart is, maar hulle is My vel! Maar, my kinders is ook oneindig mooi wanneer hulle volmaak is. Dit is slegs terwyl hulle nog so onvolmaak soos jy is, dat hulle nie te aantreklik lyk nie. Daarom, werk om jouself te vervolmaak en jy sal gou `n meer hemelse voorkoms hê. Dit is my wens dat jy hierdie groot, suiwer skoonhede sien, sodat in hulle lig jy jouself gouer en makliker kan leer. Daarom, bly `n rukkie langer in die lig kyk en besef die lelikheid van jou eie siel. Dit sal jou help om dit meer soepel en meer volwasse te maak, sodat jou gees kan opstaan daarin om jou te verander in `n nuwe wese. Want kyk, jy sal vir nog `n lang tyd nie wedergebore word in die gees nie. Daarom het ek jou oorgeplaas na hierdie tuin, net soos in `n groot broeikas, om jou wedergeboorte te bespoedig. Maar jy moet My laat sorg vir jou soos `n kosbare plant, verstaan dit: Distels en dorings word nie gekweek in die hemelse tuine en warm huise nie! Nou, kyk verder en vertel My wat jy sien, maar moenie te veel vrae vra nie. Laat dit so wees!"