Kyk daar is ‘n bevrydende blydskap in die wete dat jy geloof en vertroue in My, die toets deurstaan het. “Vrede vir jou wat naby is.” Onthou altyd hierdie woorde: Ek, die Vader, sal jou altyd liefhê en aan jou vrede gee.

Amen

(Hier wil ek, Dirk van Vuuren graag `n getuienis lewer. Hierdie broer van my, wat ons Vader so dringend en in so `n kort tyd waaragtig gesoek het, was reeds met die Gees gedoop toe ek hom met water gedoop het. Ek wou aanvanklik nie, want wie is ek om iemand te doop, wat ons Meester reeds met Gees gedoop het. Maar ter wille van hom en ook die ander wat nie hierdie dinge verstaan nie, het ek hom met water gedoop. Toe hy uit die water opkom, toe ervaar ek die wonderlikste gevoel wat ek nog nooit ervaar het nie. Deur sy hand, vloei toe `n kragtige stroom van Vader se Gees oor na my. Dit getuig ek as waar.)