 |
DIE MELGISEDEK ORDE
VERSKEIE SKRYWERS
Hoofstuk 9
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
DIE SOUTVERBOND VAN NUMERI 18 7 Saam met die vredesverbond kry ons nog `n ewige
verbond wat met die Levitiese priesters aangegaan
is, naamlik die soutverbond. Ons lees die eerste keer
in die Skrif hiervan in Numeri 18:1, 19 en 20 en Levitikus
2:13.
1 EN JaHWeH het vir Aäron gesê: Jy en jou seuns en
die huis van jou vader saam met jou moet die skuld
met betrekking tot die Apartheids-plek dra; en jy en
jou seuns saam met jou moet die skuld met betrekking
tot julle priesteramp dra.
19 Al die skenkings van die Aparthede wat die kinders
van JisraEl aan JaHWeH afgee, gee Ek aan jou en jou
seuns en jou dogters saam met jou as ’n ewige
Insetting. Dit is ’n ewige Soutverbond voor die
Aangesig van JaHWeH, vir jou en jou saad saam met
jou. [MattithJaHûW 5:13; 2 Kronieke 13:5; Markus 9:50]
20 Ook het JaHWeH vir Aäron gesê: Jy sal in hulle
Aarde nie erwe nie, en jy sal geen deel onder hulle hê
nie. Ek is jou deel en jou Erfenis onder die kinders
van JisraEl.
Levitikus 2:13 En jy moet al jou aanbiedings en
spysbydrae met sout berei, en jy mag die sout van die
Verbond van jou Elohey by jou spysbydrae en
aanbiedings nie laat ontbreek nie; by almal moet jy
jou sout naderbring. [MattithJaHûW 5:13]
Omdat die Levitiese orde `n skadu van die toekomstige
Melgisédek-orde was wat sou kom, kan ons hieruit aflei dat
hierdie verbond se inhoud ook betrekking sal hê op die
Melgisédek-orde. Hier staan die Levi priesters in vir die
skuld en ongeregtighede van die volk. Hulle moes sekere
slag- en bloedsprinkel gebruike waargeneem het. Alles wat
met bloed en offers te doen het in die Levitiese orde, was `n
heenwysing na die bloed van ons Messias wat gestort sou
word. Hoekom moes Sy bloed gestort word en waarom
moes sy vlees so ontsettend ly (geslag word)?
Omdat ons mense se siele onrein geword het deur die
sonde, en deur Sy bloed kon dit weer gereinig word. Ook
sien ons dat hulle erfdeel JaHWeH Self is. In ons bedeling
vandag beteken dit dat die vleesgeworde Vader, JaHWèshua,
nou ons erfdeel is, of anders gestel, Hy is die hoof
van die nuwe Melgisédek-orde en ons kan priesters en
konings word saam met en in Hom. Dit is ons erfdeel
eendag, indien ons Hom so sou liefhê. In 2Kronieke 13:5
koppel die Vader ook die koningskap aan die Soutverbond
en word dit ewig aan Dawid en sy seuns gegee, alhoewel
hulle uit die stam van Juda was, die stam waaruit die
Messias gebore sou word.
5 Behoort julle nie te weet dat JaHWeH, die Elohey van
JisraEl, die koningskap oor JisraEl aan Dawid vir
ewig gegee het, aan hom en sy seuns as ’n
Soutverbond nie? [Númeri 18:19; MattithJaHûW 5:13; Markus
9:50]
So sou die soutverbond dus die ewige Priesterskap en die
ewige Koningskap verenig in ons Meester JaHWèshua.
In die nuwe Testament lees ons die volgende oor die
soutverbond.
Matthéüs 5:13 JULLE is die sout van die Aarde,
maar as die sout laf geword het, waarmee sal sy gesout
word? Sy deug nêrens meer voor as om buite gegooi
en deur die mense vertrap te word nie. [Levítikus 2:11-13;
Númeri 18:19; 2 Konings 2:20; 2 Kronieke 13:5; Markus 9:50]
Markus 9:49 Want elkeen sal met Vuur gesout word
en elke Slagdier sal met sout gesout word.
50 Die sout is goed, maar as die sout souteloos word,
waarmee sal julle Hom smaaklik maak? Julle moet
sout in julle hê en Vrede hou met mekaar. [Númeri
18:19; 25:12; 2 Kronieke 13:5]
Tydens die bergpredikasie kom JaHWèshua en Hy gee al
die vereistes wat nodig is om `n priester in Sy Melgisédekorde
te wees, naamlik, armes (bedelaars) in die gees,
treurend, sagmoedigheid, honger en dors na geregtigheid,
barmhartigheid, suiwer van hart, vredemakers, vervolging
en belediging (Matthéüs 5:1-12). As elkeen van ons al
hierdie eienskappe in homself kan hê, word ons eers geskik
om die titel, “Julle is die sout van die Aarde” te kry. Dis
nie vir enigiemand anders nie, NET vir hulle wat so is.
In Markus 9:49-50 sê Hy dat ons met Vuur gesout sal word,
waar die Vuur die Gees van Liefde is wat oor ons sal kom
en dat die Slagdier (JaHWèshua Self) met sout gesout sal
word. Om die evangelie, naamlik die vlees van JaHWèshua
te eet, moet dit gesout word. Sout het twee eienskappe, dit
maak smaaklik en dit preserveer. Dit is ons grootste doel op
aarde, naamlik om die evangelie, die vlees van JaHWèshua,
te verkondig in sy oorspronklikste suiwer vorm, maar
ons moet die smaaklik aanbied vir ons medemens. Ook
moet ons die Vrede met mekaar hou (die Vredeverbond van
Apartheid), met sout in onsself, wat beteken dat ons die
naasteliefde moet beoefen, met die Vuur van die liefde (die
sout) brandend in onsself. Die skuld wat die Levitiese
priesters sou dra met betrekking tot die Apartgestelde
gawes dui op die Melgisédek-orde wat sal instaan om die
valsgeworde evangelie deur vertalers en verdraaiers, te
kom regstel aan die einde van die tyd, net soos wat die
eerste apostels die Nuwe Evangelie moes uitdra by die
aanvang van hierdie nuwe Melgisédek tydperk.
|
|
|
 |
|
