 |
DIE MELGISEDEK ORDE
VERSKEIE SKRYWERS
Hoofstuk 18
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
DIE NEERDALING VAN DIE NUWE
JERUSALEM 16 Hierdie gedeelte in die Skrif is al soveel male
bespreek en aangehaal, maar wat bedoel die
Vader werklik met hierdie neerdaling van die
Nuwe Jerusalem. Dit is van groot belang vir ons studie van
die Melgisédek-orde, want uit ons voorafgaande gedeeltes,
sien ons dat 144 000 Israeliete die eerstelinge van hierdie
orde is. Ook sien ons in Openbaring 21:12 dat die stad wat
neergedaal het, 12 poorte het met poorte wat die name van
die twaalf stamme van Israel daarop. Ook is daar `n muur
(vers 17) wat 144 voorarm (el) hoog is, wat ook die maat
van `n adamiet (blanke) en `n boodskapper (engel) is.
Hierdie 144 el sal verseker verband hou met die getal van
144 000 eerstelinge. Ons kan dus hieruit aflei dat hierdie
144 000 eerstelinge dus die muur oftewel grens vorm van
die Nuwe Jerusalem, met die 12 Apostels as fondamente
(vers14).
Ons weet uit ons voorafgaande studie dat al 144 000
wedergebore sal wees, dus almal op die berg Sion, die
hoogste vorm van geestelike groei wat op aarde bereik kan
word. Die Berg Sion is dus die muur. Elke een wat die stad
wil binnegaan, sal deur `n poort moet inkom, slegs as hy `n
Israeliet is en staan op die fondament van die leer van
JaHWèshua.
Die muur stel dus die skeiding voor tussen die geestelike
(binne die stad) en die materiële (buite die stad). Dus sal
die 144 000 Melgisédek priesters `n vermoë besit om in die
materiële skepping (buite) te werk, en ook sal hulle
terselfdertyd in die geestelike sfere (binne) kan werk. Hulle
is dus in der waarheid, `n oorgangsorde, `n fasiliteringsorde,
gebou op die leer van die gebooie van ons Meester, gerig
daarop om Israeliete wat in die materie/leuen/dwaling
vassit, te bring na die volle waarheid, wat slegs binne die
geestesfeer bestaan. Kom ons lees wat in die Groot
Johannes Evangelie – Boek 6 Hoofstuk 13 staan.
Bewyse uit die Nuwe Openbaring
Die nuwe ster en die nuwe Jerusalem. Die
voorwaarde vir die ewige lewe
13 Toe vra LASARUS: “Meester, dit is `n onbekende
ster, wat ek nog nooit voorheen gesien het nie! Wat se
ster is dit en wat beteken dit?”
[2] EK sê: “Wees jy maar net rustig, want julle sal almal
hierdie ster dadelik van naderby leer ken!”
[3] Daarop het Ek vir alle aanwesiges vir enkele
oomblikke hul innerlike gesig geopen en die ster het `n
wêreld vol lig geword en in die middel daarvan het `n
nuwe Jerusalem gestaan, wat twaalf poorte gehad het
en die ringmure, wat `n vierkant gevorm het, was uit
eweveel soorte edelstene gebou soos wat daar poorte
in die stad was. Deur alle poorte het engele in- en
uitgegaan; ook was Moses en EliJaH weer aanwesig
met nog talle ander profete. Die Judeërs het hulle
uitermate daaroor verbaas en het begin om My te loof
en te prys omdat Ek aan hulle die groot barmhartigheid
bewys het om hulle dit te laat sien. Maar Ek het hulle
weer in hulle natuurlike toestand teruggeroep en toe het
hulle maar net weer die helder ster gesien, wat steeds
kleiner geword en uiteindelik heeltemal verdwyn het.
[4] Toe die hele skouspel ten einde was, het byna almal
tegelyk vir My gevra wat dit nou was.
[5] EK sê: “Daar was My nuwe leer te sien, wat Ek uit
die hemele aan julle gee. Dit is die ware, nuwe
Jerusalem uit die hemele; want die ou, aardse het
geen waarde meer nie. Die twaalf poorte dui op die
twaalf egte stamme van Israel en die twaalf soorte
edelstene van die ringmure dui op die tien gebooie van
Moses en die boonste twee rye uit diamant en robyn
dui op My twee gebooie van die liefde vir God en die
naaste. Die engele wat by die poorte uit- en ingaan, dui
op die talle waarhede wat vir die mense duidelik word
deur My leer getrou in ag te neem. Diegene wat uit die
stad uit gaan, gee die groot wysheid weer van My leer
en die talle mense wat in die stad ingaan, gee weer hoe
die mense hierdie leer van My as pure liefde ook in
hulle harte moet laat kom en daarvolgens moet handel,
dan sal hulle daardeur tot die ware, geestelike
wedergeboorte kom en daardeur in alle waarheid en
wysheid binnegelei word.
[6] Dit is die betekenis van hierdie gesig en dit is dan
ook die ware barmhartigheidson vir elkeen wat My
woord hoor en daarvolgens leef en daarin sal ook almal
wat nou en later in My glo, vir ewig by My wees en by
My woon en saam met My alles bestuur en lei wat in
die ewige ruimte geskape is. (die Melgisédek-orde)
Die uitleg van die derde ligverskynsel
Nog `n verdere bewys dat die Nuwe Jerusalem `n nuwe leer
gaan wees, want eintlik die ou leer was, vind ons in die
Groot Johannes Evangelie – Boek 7 Hoofstuk 54. Hier
wys die Messias in `n gesig aan die mense hoe die Nuwe
Jerusalem vanuit die hemel gaan neerdaal.
54 Nikodemus sê: “Majesteit en Meester, dit begryp ek
nou en ek dank U uit die diepte van my hart vir hierdie
baie belangrike lering! Maar omdat U ons nou die twee
ligverskynsels uitgelê het, wil ek U vra om vir ons ook
nog die derde verskynsel uit te lê; want daar moet iets
baie besonders daarin verborge wees.”
[2] Ek sê: “Ja, ja, Ek sal wel die derde verskynsel vir
julle uitlê, maar julle sal dit nie goed begryp nie; want
wat die verre toekoms nog sal bring, sal julle eers
duideliker insien wanneer julle in die gees wedergebore
is. Maar Ek sal tog iets daaroor vertel, luister dus!
[3] Die ligpilaar wat uit die hemel na aarde teruggekeer
het, is Ek in die gees van My lewende woord, wat Ek
in die toekoms in die harte van die mense sal lê wat
My liefhet en aan hulle wat My gebooie sal hou; na
hulle sal Ek Self kom en aan hulle sal Ek My
openbaar. En so sal hulle almal opnuut deur God
onderrig word.
[4] Dat die pilaar in talloos baie dele uiteengaan,
beteken dat die innerlike, geestelike betekenis van al
My woorde en leringe onthul sal word, wat Ek sedert die
begin van die menslike geslag aan die mense by
monde van die aartsvaders, die profete en sieners en
nou Self gegee het.
[5] Uit al die vele gedeeltelike onthullings van die
innerlike, geestelike betekenis van God se woord sal
daar uiteindelik `n ware en groot lig- en lewensleer
ontstaan, en hierdie leer sal dan die groot en nuwe
Jerusalem wees, wat uit die hemel na die mense sal
neerdaal. En wie in die nuwe leer sal wees en lewe,
sal in die nuwe Jerusalem wandel en ewig daar
woon, en aan hulle grenslose salighede sal nooit `n
einde kom nie. Want Ekself sal by hulle wees en hulle
sal die tallose heerlikhede van My Liefde, Wysheid en
Almag aanskou.
[6] Daar sal egter vanaf die ondergang van hierdie ou
stad Jerusalem tot by die tyd waarop die nuwe stad van
God na die aarde toe kom, weinig lig by die mense op
aarde wees; want daar sal maar al te gou `n groot
aantal valse profete en priesters in My Naam opstaan
en valse wonders verrig en die mense mislei en blind
maak. Ja, die Antichris sal sulke dinge met die hulp van
die aardse konings doen, dat selfs My uitverkorenes, as
Ek dit sou toelaat, verlei sou word om hulle knieë te
buig vir die nuwe Baäl. Dan sal Ek weer `n tyd van groot
nood onder die mense laat aanbreek, soos wat daar
nog nooit vroeër onder die son voorgekom het nie. Dan
sal Baäl netsoos die groot hoer van Babel terneergewerp
word, en die lig van die lewende woord in die
harte van vele mense sal dan skyn en sal die mense
wat gebuk gaan onder hierdie nood, oprig en verlos, en
hulle sal hulle almal verheug in die nuwe lig en My
Naam loof en prys.
[7] In die tyd sal die mense dikwels omgang hê met die
rein geeste uit My hemel, wat hulle leraars sal wees
en hulle sal onderrig in alle geheime van die ewige lewe
in God, netsoos dit in die derde verskynsel aan julle
getoon was deurdat daar mense deur die twaalf poorte
in- en uitgegaan het.
In die Groot Johannes Evangelie – Boek 9 Hoofstuk 90
vind ons die volgende bevestiging wat nou besig is om te
gebeur in Suid-Afrika ons Vader se toegewyde kinders.
Oor die nuwe tyd
90 Eén van die sogenaamde Judese Grieke sê:
“Majesteit en Meester, sal daar by U tweede koms op
hierdie aarde ook `n leer aan die mense gegee word?
As U weer met hierdie leer by hulle sal aankom, sal
hulle immers ook sê: “O, gaan tog weg met die leer, wat
soveel onheil op aarde aangerig het!"
[2] Ek sê: “Vriend, die leer wat Ek julle nou gee, is God
se Woord en bly ewig, en daarom sal die mense,
waaroor ons nou gesels, ook slegs hierdie leer van
My kry, wat julle van My ontvang het; maar in die tyd
sal dit nie vir hulle in verhulde vorm nie, maar volledig
onthul volgens sy hemelse en geestelike betekenis,
gegee word, en daaruit sal die nuwe Jerusalem
bestaan wat uit die hemele na hierdie aarde sal
neerdaal. In die lig daarvan sal dit vir die mense eers
duidelik word hoe erg hulle voorgangers deur die valse
profete om die bos gelei en bedrieg is, netsoos nou die
Judeërs deur die fariseërs.
[3] Die skuld van al die vele onheil op aarde sal hulle
dan nie meer aan My en My leer in die skoene skuif nie,
maar die uiters selfsugtige en heerssugtige valse
leraars en profete, wie se mentaliteit hulle in die lig van
hulle wetenskappe en vele vaardighede maar al te
presies sal deursien het.
[4] Wanneer die baie helder lig van die nuwe
Jerusalem oor die hele aarde sal skyn, sal die
leuenaars en bedrieërs volledig ontmasker word en sal
hulle die loon vir hulle werk gegee word. Hoe hoër
iemand van hulle meen te staan, des te dieper sal sy
val ook wees. Behoed julle daarom nou al vir die valse
profete! Het julle dit nou ook begryp?”
Dit is dus duidelik bevestig dat die Nuwe Jerusalem `n leer
is wat na ons toe sal kom en nie `n fisiese stad nie. Die
simboliek in Openbaring 21 is in verhulde vorm gegee, en
wel as `n gelykenis, sodat sommige dit nie sal verstaan en
gered word nie (Markus 4:12). Dit is dan ook die simboliek
van “Hy sal kom op die wolke”, wat slegs beteken dat Hy in
verhulde of versluierde vorm sal kom, deur middel van die
innerlike woord in ons harte. Diegene wat die innerlike stem
hoor en gehoor het, is hulle wat die leer ontvang en oordra
aan ons ander. So vind die leer dan ingang in ons harte en
ons word in staat gestel om die dwaalleringe uit die Bybel,
deur vertaling ensovoorts raak te sien, en begin dan eers
die woord in sy volle betekenis verstaan.
Die eerste reeks profete was dan inderdaad Jakob Lorber
en sy tydgenote, ook Bertha Dudde en nou in 2007 verskeie
Boere profetesse en profete. Hierdie leer van ons Meester
JaHWèshua is nou lewend en maak harte lewend. Kyk hoe
mooi staan dit geskryf in die boek Openbaring 21:5-7:
Bewyse uit Openbaring 21
5 En Hy wat op die Troon sit, het gesê: KYK, EK MAAK
ALLES NUUT. (Die Wedergeboorte van die
Melgisédek-orde) En Hy het aan my gesê: Skryf, want
hierdie Woorde is waar en betroubaar.
6 En Hy het vir my gesê: DIT IS VERBY! Ek [is] die Alef
[a] en die Taw [T], die begin en die einde. Aan die
dorstige sal Ek gee uit die Fontein van die water van
die lewe, (dit is die Nuwe Leer) verniet. [Odes van Salomo
30:1]
7 Hy wat oorwin, sal alles beërwe;(belofte van die
Melgisédek-orde) en Ek sal vir hom ’n Elohim wees,
en hy sal vir My ’n seun wees.
Dit is die begin van die lewende muur van die Nuwe
Jerusalem wat nou gebou word. Hoe opwindend dat dit nou
in ons tyd plaasvind! Ons word dus deur die Nuwe Leer of
Woord omvorm tot nuwe mense, oftewel word ons wedergebore
en ons word self Woord. Die Woord word dus in ons
herbore. Ons kan dit dan vergelyk met die geboorte van `n
klein seuntjie, `n klein Woord. Dit bring ons dus by die
volgende deel van die Boek Openbaring in die Skrif naamlik
Openbaring 5:
Bewyse uit Openbaring 5
5 EN ek het in die Regterhand van Hom wat op die
Troon sit, ’n Boekrol (Die Nuwe Leer) gesien, van binne
en van buite beskrywe en met sewe seëls goed verseël
(Verseël deur die Liefde Self). [Openbaring van Henog 13:56]
2 En ek het ’n sterk Boodskapper gesien wat met ’n
groot stem uitroep: Wie is waardig om die Boekrol oop
te maak en sy seëls te breek?
3 En niemand in die Hemele of op die Aarde of onder
die Aarde kon die Boekrol oopmaak of daarin kyk nie.
(Was verborge vir bykans 2000 jaar)
4 En ek het baie geween, omdat daar niemand waardig
bevind is om die Boekrol oop te maak en te lees of
daarin te kyk nie.
5 Toe sê een van die oudstes vir my: Moenie ween nie;
kyk, die Leeu wat uit die stam van JeHûWdah is, die
Wortel van Dawid, het oorwin om die Boekrol oop te
maak en sy sewe seëls te breek. [JeshaJaH 11:10; DaniEl
7:13; 2 Ezra 6:20]
6 En ek het gesien, en kyk, in die middel van die Troon
en die vier lewende Wesens en in die midde van die
oudstes staan daar ’n Lam asof Hy doodgebloei is, met
sewe Horings en sewe Oë, wat die sewe Geeste van
Elohim is wat uitgestuur is oor die hele Aarde. [2
Makkabeërs 12:22; Psalm 82:1]
7 Hy het gekom en die Boekrol geneem uit die
Regterhand van Hom wat op die Troon sit;
8 en toe Hy die Boekrol neem, val die vier lewende
Wesens en die vier-en-twintig oudstes voor die Lam
neer, elkeen met siters en goue bekers vol reukwerk,
wat die gebede van die Apartes is.
9 Toe sing hulle ’n nuwe lied en sê: U is waardig om
die Boekrol te neem en sy seëls oop te maak, want U
is doodgebloei en het ons vir Elohim met U bloed
gekoop uit elke stam en taal en volk en nasie, [JeshaJaH
53:7]
10 en het ons konings en priesters vir onse Elohey
gemaak, (Die oprigting van die Melgisédek-orde) en
ons sal as konings op die Aarde heers.
Hierdie boeke was vir bykans 2000 jaar verseël, en
ongeveer 170 jaar gelede het die seëls van die verborge
waarheid een na die ander begin afkom. Slegs die Messias
Self is waardig om die boeke in jou gees te open, sodat jy
hierdie kennis kan inneem en wedergebore word. Dan sing
jy `n nuwe lied en niemand wat nie hierdie boeke onder oë
gehad het nie, kan saam met jou praat en jubel nie. Hulle
verstaan nie, en is nog self blind.
Koningskap en Priesterskap van die Melgisédek-orde is dus
direk gekoppel aan die nuwe leer wat uit die hemele
neergedaal het, dus die Nuwe Jerusalem. Hier is `n groot
verborgenheid. As jy die Nuwe leer verwerp, kan jy nie `n
Melgisédek priester en koning word nie, so eenvoudig as
dit. `n Verdere bevestiging hiervan vind ons in Openbaring
10 en wel in die verhaal van die boekie wat Johannes moes
eet.
Bewyse uit Openbaring 10
10 EN ek het ’n ander sterk Boodskapper uit die
Hemele sien neerdaal, bekleed met die Wolkkolom, en
’n reënboog was oor Sy hoof, en Sy aangesig was soos
die son, en Sy voete soos pilare van vuur;
2 en in Sy Hand het Hy ’n geopende Boekie gehad,
en Hy het Sy regtervoet op die see gesit en Sy
linkervoet op die land;
Dit is nie toevallig dat die gedikteerde Nuwe openbaring aan
Jakob Lorber deur die Vader genoem word die “Groot
Johannes Evangelie” nie. Dit is die geopende Boekie wat
Johannes verborge moes hou tot aan die einde, in 1740,
toe dit gedikteer was aan Lorber. Daarna sou sewe profete
(sewe donderslae) begin praat, maar dit moes ook verseël
gebly het tot die einde. Sien volgende twee verse.
3 en Hy het met ’n groot stem uitgeroep soos ’n leeu
wat brul, en toe Hy uitgeroep het, het die sewe
donderslae hulle stemme laat hoor. [Boekrol van Henog 20:2]
4 En toe die sewe donderslae hulle stemme laat hoor
het, wou ek skrywe; maar ek het ’n Stem uit die Hemele
vir my hoor sê: Verseël wat die sewe donderslae
gespreek het, en skryf dit nie op nie.
5 En die Boodskapper wat ek op die see en op die land
sien staan het, het Sy hand na die Hemele opgehef,
6 en Hy het gesweer by Hom wat tot in alle ewigheid
lewe, wat die Hemele geskape het en wat daarin is, en
die Aarde en wat daarin is, en die see en wat daarin is
dat daar geen tyd meer sal wees nie;
7 maar in die dae van die stem van die sewende
Boodskapper, wanneer Hy begin blaas, dan is die
verborgenheid van Elohim volbring, soos Hy die
goeie nuus verkondig het aan Sy diensknegte, die
Profete.
8 En die Stem wat ek uit die Hemele gehoor het, het
weer tot my gespreek en gesê: Gaan, neem die
geopende boekie in die hand van die Boodskapper
wat op die see en land staan.
9 En ek het na die Boodskapper gegaan en aan hom
gesê: Gee my die boekie. Toe sê Hy vir my: Neem en
eet haar op, en sy sal jou maag bitter maak, maar in
jou mond sal sy soet wees soos heuning. [JeségiEl 3:1]
Nou aan die einde van die tyd, word hierdie profesieë
geopen en ons neem dit in, eet dit geestelik en dit is
wonderlik om te lees, maar sodra die woord in ons
geestelike mae beland en ons dit moet verwerk, oftewel
doen, raak dit bitter. Dit is dan nie meer so maklik nie, en dit
kos deursettingsvermoë en werk om die instruksie daarin te
volg, wat maar uiteindelik slegs die gebooie van die liefde is
wat nagekom moet word.
10 Toe neem ek die Boekie uit die hand van die
Boodskapper en eet haar op, en in my mond was sy
soet soos heuning; maar toe ek haar geëet het, het my
maag bitter geword.
11 En Hy het vir my gesê: Jy moet weer profeteer oor
baie volke en nasies en tale en konings.
11:1 EN ’n riet soos ’n stok is aan my gegee, en die
Boodskapper het gestaan en gesê: Staan op en meet
die Tempel van die Elohim en die Altaar en die wat
daarin aanbid. [Psalm 68:29; Boekrol van Henog 61:2; JôWel 2:17]
Met hierdie kennis van die Nuwe Openbaring in die lede
van die Melgisédek-orde se harte, voorgestel deur
Johannes, word die kennis `n riet meetstok waarmee die
tempels (harte) van Vader se kinders gemeet sal word.
Soos alreeds voorheen gesê, sal die Nuwe Openbaring en
dit alleen, die norm wees om deel te word van die Melgisédek-
orde. Verwerp die Nuwe Jerusalem Leer en jy sal nooit
kan ingaan nie.
Openbaring 11 volg nou hierna wat niks anders is as die
getuienis van die twee getuies nie. Hierdie twee getuies
bestaan uit twee olyfbome en twee gemeentes (kandelare).
Hierdie getuies is die eerstelinge van die 144 000
eerstelinge op aarde. Dit is hulle wat eerste die innerlike
woord begin hoor het, soos hierbo beskryf as die koms van
die Seun van die mens in `n wolk (verborge in die harte) en
wat getuig van die Nuwe Jerusalem (Nuwe Leer) wat
neergedaal het na die mense. Hierdie skrywe sal egter nie
verdere aandag gee aan die verhaal van die twee getuies
nie, aangesien dit `n boek op sy eie regverdig. Ons verwys
dus net vlugtig hierna en u kan ook in Sagaria 4 meer
hieroor lees.
Bewyse uit Openbaring 12 en Jesaja
66
Om die volgende verse in Openbaring 12 te verstaan, is dit
noodsaaklik om Openbaring 11:19 saam te lees daarmee:
19 En die Tempel van die Elohim het in die Hemele
oopgegaan, en Sy Verbondsark is in Sy Tempel
gesien, en daar was weerligte en stemme en
donderslae en aardbewing en groot hael.
Die Verbondsark in die Melgisédek-orde ken ons mos nou.
Dit is onse Verlosser, JaHWèshua. Waar is Sy tempel? In
ons harte, natuurlik. Wanneer vind hierdie gesig plaas? Die
laaste deel van die vers verklaar dit vir ons. Aan die eindtyd,
ten tye van die groot natuur kataklisme waarvan
Openbaring 6 en 8 praat. Nou kan ons oorgaan na
Openbaring 12:1 en van daar af verder lees.
12:1 EN ’n groot Teken het in die Hemele verskyn: ’n
Vrou wat met die son bekleed was, en die maan was
onder Haar voete, en op Haar hoof ’n Kroon van twaalf
Sterre; [MattithJaHûW 24:30]
2 en Sy was swanger en het uitgeroep in Haar Weë en
barensnood.
Hierdie vrou is in die hemelse sfeer, bedoelende dat sy
alreeds besig is om die aardse in haarself af te sterf en is
besig om EEN te word met die ware Verbondsark, JaHWèshua.
Sy is bekleed met Hom (die Son as Sy Waarheidsgees)
en die Wysheidsgees (maan) en sy dra die
kroon van die Waarheid op haar kop wat die 12 stamme
van Israel voorstel, soos beskryf in Openbaring 7, naamlik
12 000 gekies uit elke stam van Israel soos daar gelys.
Hierdie vrou stel dus Sion aan die eindtyd voor, wat Hy ook
noem, die Dogter van Sion, verwysend na die nuwe
Sionsvolk. wat 357 jaar gelede aan die Suidpunt van Afrika
geplant is. Hulle is op die berg Sion soos in Openbaring 14
beskryf, saam met die Lam. Sy was swanger, beteken sy is
in die proses om wedergebore te word in die gees, of soos
vroeër in hierdie boek gestel, sy is besig om deur die
voorhangsel heen te beweeg, na die Allerheilige (haar
gees) toe, wat ook ons Meester se Gees is, dus totale
eenwording van gees.
3 En ’n ander Teken het in die Hemele verskyn, en daar
was ’n groot vuurrooi Draak met sewe koppe en tien
horings, en op sy koppe sewe krone;
4 en sy stert het die derde van die Sterre van die
Hemele meegesleep en hulle op die Aarde gegooi. En
die Draak het gestaan voor die Vrou wat op die punt
was om te baar, sodat hy Haar kind sou verslind sodra
Sy gebaar het. [JeshaJaH 21:3]
Hierdie stel die bose voor, wat aan die eindtyd met alle mag
en demone uit die hel, gaan poog om hierdie vrou se
wedergeboorte teë te staan. Hierdie Sterre is die hoofduiwels
in Lucifer se orde wat aan die eindtyd losgelaat
word oor die Dogter van Sion in Suid-Afrika en die res van
Sion in die wêreld. Hierdie aanslag gaan uit niemand
anders uit voortgaan nie, as uit die valse kerke in Suid-
Afrika. Die Antichris gaan kragtig deur hulle (sogenaamde
Christene) werk om die ware Sion te vernietig.
5 En Sy het ’n manlike Kind gebaar, wat al die nasies
met ’n Septer van Yster sou regeer; en Haar Kind is
weggeruk na die Elohim en Sy Troon.
Hierdie manlike kind is die geestelike, die finale
wedergeboorte van die Dogter van Sion, oftewel die
vorming van die laaste Melgisédek-orde op aarde. Hierdie
wedergebore kind (menslike gees) verenig met ons
Verlosser op die berg Sion, maar is fisies nog teenwoordig
in die persoon se liggaam. Dit word nie uitgeruk nie, anders
sterf die persoon. Die kind bly dus steeds deel van die vrou,
of anders gestel; hierdie wedergebore kinders van Sion sal
nog steeds deel bly van die vrou, Dogter van Sion. Hulle sal
die voorlopers/leiers wees van die vlugtende vrou op aarde,
vir 1260 dae, waar hulle apart onderhou sal word deur ons
Meester Self.
6 En die Vrou het na die wildernis gevlug waar Sy ’n
plek het wat deur die Elohim gereed gemaak is, dat
hulle Haar daar sou onderhou duisend-tweehonderd-en
-sestig dae lank. [JeHôWshua 4:17; 2 Konings 8:1; JeségiEl 19:10]
In hierdie hemelse sfeer sal daar dan `n geestelike en
fisiese oorlog gevoer word deur hierdie twee groepe, die
MikaEl-groep wat sal staan vir en in die Melgisédek-orde en
die Draak-groep wat die kerke onder leiding van die
Antichris sal verteenwoordig.
7 En daar het oorlog in die Hemele gekom: MikaEl en
sy Boodskappers het oorlog gevoer teen die Draak, en
die Draak en sy boodskappers het oorlog gevoer;
8 en hulle kon nie oorwin nie, en hulle plek was in die
Hemele nie meer te vinde nie.
9 En die groot Draak is neergewerp, die ou slang/
Nagash wat genoem word Duiwel en Satan, wat die
hele wêreld verlei, hy is neergewerp op die Aarde, en
sy boodskappers is saam met hom neergewerp.
Hierdie Draak-groep sal egter op `n sekere stadium uit die
geestelike realm gewerp word, slegs na die fisiese toe en
hulle geestelike krag sal nul wees. Hierdie hele gebeurtenis
word ook beskryf in Jesaja 66 en sluit aan met Openbaring
12.
66:1 SO sê JaHWeH: Die Hemele is My Troon en die
Aarde die Voetbank van My Voete. Waar is dan die
Huis wat julle vir My sal bou? En waar die plek wat
My rusplek sal wees? [Génesis 1:1; 1 Kronieke 28:2; Psalm 99:5]
2 Want My Hand het al hierdie dinge gemaak, en so het
dit alles ontstaan, spreek JaHWeH. Maar op hierdie een
sal Ek let: op hom wat arm is en verslae van gees,
en wat bewe vir My Woord.
Hier verklaar ons Vader duidelik dat Hy Sy huis sal bou in
die harte van diegene wat arm en verslae van gees is en
wat Sy Woord vrees/onderhou. Dit is net Sion wat hom aan
die eindtyd nog aan JaHWèshua se Woord sal hou, dus
dieselfde huis as in Openbaring 12. Hierdie mense is dus
die Melgisédek-orde onder leiding en beskerming van
MikaEl, die aartsengel wat ons die MikaEl-groep genoem
het.
5 Luister na die Woord van JaHWeH, julle wat vir Sy
Woord bewe! Julle broers, julle haters wat julle
verstoot om My Naam ontwil, sê: Laat JaHWeH
eerbaar word, dat ons julle Vreugde kan aanskou! Maar
hulle sal beskaamd staan!
6 Hoor - ’n rumoer uit die Stad! Hoor - uit die Tempel!
Hoor - dit is JaHWeH wat Sy vyande hulle dade
vergeld!
Die volgende twee verse beskryf die Draak-groep, naamlik
ons broers in die kerke wat ons haat en verstoot oor
Apartheid/heiligheid. Dan die rumoer uit Babilon, hulle
hoerstad, wanneer JaHWeH hulle sal vergeld, oftewel op
die aarde gaan neerwerp, omdat hulle die wedergeboorte
van Sion wil verhinder.
7 Voordat Sy Weë gekry het, het Sy gebaar; voordat
smart oor Haar gekom het, is Sy van ’n seuntjie
verlos. [2 ShemuEl 1:28; 2 Konings 4:17; JeshaJaH 65:9; Openbaring
12]
8 Wie het so iets gehoor? Wie het sulke dinge gesien?
Sal die Aarde op een enkele dag geboorte skenk? Of
word ’n nasie met een slag gebaar? Want Sion het
Weë gekry, meteens Haar kinders gebaar.
9 Sou Ek naby die geboorte bring en Haar nie laat baar
nie? sê JaHWeH. Of sou Ek wat laat baar, self toesluit?
sê jou Elohey.
Hier sien ons die wedergeboorte wat in Sion plaasvind,
naamlik die totstandkoming van die Melgisédek-orde van
eerstelinge uit die 12 stamme van Israel.
10 Wees bly saam met Jerusalem en juig in Haar,
almal wat Haar liefhet! Wees vrolik saam met Haar, baie
vrolik, almal wat treurig oor Haar was!
11 sodat julle kan suig en versadig word aan die Bors
van Haar vertroostinge; sodat julle kan uitdrink en julle
verlustig in die volheid van Haar Glansrykheid.
Juig oor die nuwe leer, die Nuwe Jerusalem, wat
neergedaal het na Sion, en wat veroorsaak het dat sy, Sion,
wedergebore is. Hierdie heerlike geestelike moedersmelk
word dan oorvloedig vir Sion gegee, veral gedurende die
tydperk waar sy na die wildernis gevlug het en onderhou
word, geestelik en fisies.
12 Want so sê JaHWeH: Kyk, die Vrede lei Ek na Haar
toe soos ’n rivier en die rykdom van die nasies soos ’n
oorlopende stroom; en julle sal suig, julle sal op die
heup gedra word en op die knieë getroetel word.
13 Soos iemand wat deur sy Moeder getroos word, so
sal Ek julle troos; en julle sal in Jerusalem getroos
word.
14 En julle sal Haar sien, en julle hart sal vrolik wees, en
julle gebeente sal groei soos die jong gras; dan sal die
Hand van JaHWeH bekend word aan Sy knegte, en
Hy sal op Sy vyande grimmig wees. [2 Ezra 7:26]
Hierdie Vrede is die Vrede van JaHWèshua, die Vrede van
die Vredesverbond van Pinehas, die vrede van Apartheid
wat na Sion toe gelei word in die wildernis, waar die
Trooster (Gees van Waarheid) binne hierdie nuwe leer
(Jerusalem) deur die Melgisédek-orde se lede sal werk na
die volk toe. Hierdie orde word dan bekend as die Hand van
JaHWeH, oftewel Sy uitvoerende mag op aarde, genoem
die Raad van JaHWeH. (sien Jesaja 14:26)
|
|
|
 |
|
