 |
DIE MELGISEDEK ORDE
VERSKEIE SKRYWERS
Hoofstuk 31
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
DIE LAASTE BELOFTES VOOR DIE
WEDERKOMS MOET IN VERVULLING
GAAN 19 Voort nou met ons Melgisédek-orde ondersoek.
Vir elkeen wat nog in sy of haar
blindheid nie weet wat hulle te doen staan in
die donker toekoms van ons volk nie, hou op om u te
bekommer, begin te juig en te jubel, want u is Sion, die
gekose een, en daar is verlossing belowe, beskerming in
die verwoestingstye wat voorhande is. Weet dat dit donker
tye is wat wag op elkeen, daar is ongelooflike natuurfratse,
pessiektes, Uhuru-nag, atoomoorlog, kernafval vanuit die
lugruim en `n verskriklike Antichris-heerskappy wat voorlê.
Maar u sal beskerming geniet, maar SLEGS deur die
inhoud van hierdie EEN VERBOND, want daar is maar Een
Sionskind en nie meer nie. Dit sê nie ek nie, maar ons
Hemelse Vader sê dit vir ons in Openbaring 120 aan
Judith de Beer, gegee op 20 September 2007.
Wee die valse vrug
Salig is die eerlike onvrugbares wat hulself besig
hou met goeie werke wat gebore is uit waarheid en
gees. Dit is beter om kinderloos deur die lewe te
gaan, as om `n giftige vrug, as gevaar vir ander se
lewe te baar. In wellus wil die leuen vir haarself `n
kind verwek en in die wieg van die waarheidskind,
wil sy haar telg neerlê. As `n enkel suiwer vrug, is
klaar My Sionskind gebaar en wee die valse
saad, wat in sy plek wil staan en Natan sal Ek
stuur om die gruwel oop te vlek en in die valse
moederskoot sal die onsuiwer fetus sterf. Die
waarheid sal die leuen ontbloot, wee daarom die
valse skoot.
Die Joël 2 beloftes vir die eindtyd
Ons lewe tans in die tydperk van Joël 2:23-32 en hierdie
beloftes moet sigbaar waar word in ons, Sion in Suid-Afrika,
se midde. As hierdie beloftes waar word, kan elkeen mos
nou verseker weet dat dit die plek sal wees wat ons Vader
uitgekies het om in te woon.
23 En julle, kinders van Sion, juig en wees bly in
JaHWeH julle Elohey, want Hy gee julle die Leraar tot
Geregtigheid en laat op julle neerdaal die reën, die
Leraar en die laat reëns, soos voorheen. [Maleági 3:1]
Hierdie leraar is die Gees van Waarheid wat sal manifesteer
in die twee getuies, naamlik die twee olyfbome en die twee
gemeentes van Openbaring 11 en Sagaria 4.
24 Dan sal die dorsvloere vol koring wees en die
parskuipe van vars wyn en olie oorloop.
Hierdie is vars nuwe openbarings wat gegee sal word,
produkte van die laat reën en die Leraar.
25 En Ek sal julle vergoed die jare wat die
treksprinkaan, die jong sprinkaan, die kommandowurm
en die sprinkaan verslind het - My groot Leërmag wat
Ek teen julle gestuur het. [Boekrol van die Opregte 80:33; JôWEl
1:4]
Hierdie tydperk verwys na die tydperk (nou 13 jaar) wat die
swart kommunistiese regering die Boervolk vertrap en alles
kaalgevreet het.
26 Dan sal julle oorvloedig eet en versadig wees en die
Naam van JaHWeH julle Elohey prys wat wonderbaar
met julle gehandel het, en My volk sal in ewigheid nie
beskaamd staan nie.
27 En julle sal weet dat Ek in die midde van JisraEl
is, Ek - JaHWeH julle Elohey, en niemand anders nie;
en My volk sal in ewigheid nie beskaamd staan nie.
JaHWèshua sal Homself aan hierdie groep vertoon, eers in
verhulde vorm, in `n wolk, daarna openlik.
28 En daarna sal Ek My Gees uitgiet op alle vlees, en
julle seuns en julle dogters sal profeteer, julle oues
drome droom, julle jongelinge visioene sien. [JeségiEl
13:11-13; MattithJaHûW 16:3]
29 En ook op die diensknegte en op die
diensmaagde sal Ek in dié dae My Gees uitgiet. [JeségiEl
24:27]
Dit sal dus die teken wees, naamlik talle profesieë deur ons
seuns en dogters, drome deur oues en visioene deur
jongelinge. Indien u dus ernstig op soek is na hierdie groep,
sal dit `n baie groot leidraad wees. Verseker gaan Lucifer
ook `n valse aanslag loods en elkeen sal binne-in sy eie
hart moet ingaan en versekering kry dat hyself by die regte
groep is. Ook alle voorafgaande eienskappe van die
Melgisédek-orde moet ook teenwoordig wees in so `n
groep.
30 En Ek sal wondertekens gee aan die Hemele en op
die Aarde: bloed en vuur en pilare van rook.
31 Die son sal verander word in duisternis en die maan
in bloed, voordat die groot en deurlugtige dag van
JaHWeH kom.
Weereens `n bevestiging dat hierdie dinge sal plaasvind
tydens of net voor groot katastrofiese natuurgebeure wat
wêreldwyd sal plaasvind.
32 En elkeen wat die Naam van JaHWeH aanroep, sal
gered word; want op die Berg van Sion en in
Jerusalem sal daar ontkoming wees soos JaHWeH
gesê het, en onder die oorblyfsel van die wat
JaHWeH sal roep.
Elke Israeliet wat JaHWeH se Naam aanroep sal op die
Berg Sion, by die wedergebore Melgisédek-orde en by die
Nuwe Leer (Jerusalem) ontkoming ontvang van die bose
Antichris heerskappy wat aan die eindtyd opgerig gaan
word.
Die trek uit Egipte
Nou vir die belangrike vraag. Waar gaan hierdie berg aan
die eindtyd wees? Ons weet dat die berg geestelik verwys
na die hoogste geestelike vlak wat ons as mense in die
vlees kan bereik, naamlik die volkome wedergeboorte van
die gees, terwyl ons nog in die vlees is. Maar dit is ook
logies om af te lei dat die vrou/volk in die wildernis sal wees,
ten tye van die verdrukkingstydperk op aarde. Die afleiding
kan gemaak word dat dit op `n spesifieke plek sal wees. Vir
leidrade sal ons dus na die groot trek uit Egipteland moet
gaan kyk, waar die volk ook in drie fases moes trek tot in
Kanaän. Interessant stel die tabernakel se konstruksie ook
hierdie drieledige trek voor.
Eerstens stel die voorportaal die Egipte slawerny, die
vleeslikheid voor, beskryf deur die vleispotte van Egipte,
waarheen almal altyd na terugverlang. Daarna gaan hulle
deur die Rooi see (wedergeboorte van die siel) voorgestel
deur die waskom as doop van gehoorsaamheid vir diegene
wat die eerste Pasga korrek gevier het.
Nou is hulle in die woestyn/wildernis, voorgestel deur die
Heilige Vertrek in die tabernakel, waar hulle siele gesuiwer
word deur die onderhouding van die wet en die eet van die
hemelse manna. Daarna gaan hulle deur die besnydenis,
dan deur die Jordaan (wedergeboorte van die gees), wat
die tweede voorhangsel voorstel.
Nou kom hulle in Kanaän aan, voorgestel deur die
Allerheiligste Vertrek, wat die volkome eenwording met
Vader aandui, waar hulle sou vertoef en binne die orde van
Vader sou leef. Helaas het dit nie toe so plaasgevind nie,
maar ons wat vandag in die Melgisédek-orde kan ingaan,
weet dat dit hierdie keer werklik so sal plaasvind. Satan
gaan nie weer slaag nie, want ons Melgisédek Priester,
JaHWèshua, het hom oorwin op die vloekhout.
Die geestelike trek uit die vlees
Hierdie trek is ons laaste trek hier aan die eindtyd. Dit is `n
geestelike trek uit ons vleeslike toestand waarin ons was
voordat ons bekeer is. Elke persoon trek ook op sy tyd en
so is ons `n hele volk Sion, waar die meeste in Egipte/vlees
is, sommige al in die woestyn, besig met suiwering en hier
en daar is een wat al deur die Jordaan (geestelike doop) is
en wat in Kanaän aangekom het.
Hierdie toestand word beskryf in Openbaring 12, waar die
vrou (gesuiwerde Sion) na die wildernis vlug, saam met
diegene wat al geboorte gegee het, in haar midde. Hulle is
diegene wat reeds die volkome wedergeboorte gesmaak
het (in Kanaän). Hier is beide groepe saam. Tans is ons
nog almal fisies in Egipte, alhoewel die geestelike toestande
verskillend is. Tussen Egipte en die wildernis/woestyn, net
voor die Rooi See, is daar wel `n baken wat vir ons dalk lig
op die onderwerp kan gee. Die volk het by Migdol laer
opgeslaan, voordat hulle die Rooi See (eintlik Rietsee)
bereik het. Dit is ook hier waar die bonatuurlike goddelike
beskerming, in die vorm van die opening van die Rooi See,
plaasgevind het. Sien Exodus 14:2-4:
2 Sê aan die kinders van JisraEl dat hulle moet omdraai
en laer opslaan voor die aangesig van Pi-Hágirot,
tussen Migdol (beteken “TORING” in Hebreeus) en
die see. Reg teenoor Baäl-Sefon moet julle laer
opslaan by die see.
3 Dan sal Farao van die kinders van JisraEl sê: Hulle is
verdwaal in die Aarde, die wildernis het hulle ingesluit.
4 En Ek sal Farao se hart verhard, dat hy hulle
agtervolg; en Ek wil My aan Farao en sy hele leërmag
gewigtig maak, en die Egiptenaars sal weet dat Ek
JaHWeH is. En hulle het so gedoen.
Hierdie plek, Migdol, wat toring beteken hou die sleutel van
ons hedendaagse trek uit Egipte, waar `n konfrontasie met
die Draak-groep (Farao en sy leër) sal plaasvind. Eerstens
moet Migdol in jou eie hart gevind word. Die volgende
gedeelte in 2 Samuel 22: 47-51 gee ons meer lig op hierdie
toring/ Migdol in ons harte. Migdol word egter algemeen
aanvaar as “skaapstoring” en nie net “toring” nie.
47 JaHWeH leef! En geloofd sy my Rots, en laat
verhoog wees die Elohey wat die Rots is van my
Lossing!
48 Die El wat my die wraak gee en volke onder my
neerwerp;
49 en wat my uitlei onder my vyande uit; ja, U verhef
my bo my teëstanders, U bevry my van die man van
geweld.
50 Daarom wil ek U loof, o JaHWeH, onder die nasies,
en tot eer van U Naam wil ek musiek maak;
51 Hy is die Toring (Migdol in Hebreeus) wat die
Verlossing van Sy koning groot maak en wat Medelye
het met Sy gesalfde, aan Dawid en aan sy saad tot in
ewigheid.
Hier beskryf Samuel dat JaHWeH leef, verwysend na ons
Verlosser, JaHWèshua, wat ons sal uitlei onder ons vyande
uit. Hy noem Hom die Toring/Migdol en dat Hy medelye het
met Sy gesalfde, Dawid en sy saad, wat in die eindtyd die
Melgisédek-orde sal wees. (Verwys na vorige gedeelte in
hierdie boek oor die Soutverbond met Dawid en sy saad.)
dus `n bewys dat die eintlike, die Ware Migdol, ons
Verlosser, JaHWèshua is, Verlosser van die skape, oftewel
toring van die skape – die Skaapstoring.
Daar is egter nog `n toring in die Nuwe Testament, wie se
handelinge baie belangrik is in ons studie van Migdol, en dit
is die vrou wat deur ons Meester van sewe duiwels verlos
is, genaamd Maria Magdalena, ook genoem Mirjam die
Migdalieth in die Boek van Herinnering, waar laasgenoemde
haar eintlike naam in Hebreeus is. Sy was ook die
vrou wat by ons Meester se graf gewaak het en Hom eerste
gesien/herken het. Haar naam beteken ook Migdol/toring.
Hierdie vrou se verhaal, waar sy verlos word van haar
besetenheid (haar geestelike uittog uit Egipte) word wel in
Lukas 7 en 8 beskryf, maar is ietwat verwarrend. Die
werklike verhaal, soos vertel deur JaHWèshua Self, vind
ons in Die Groot Johannes Evangelie – Boek 6: Dit is
belangrik om te sien hoedat hierdie vrou, as die “klein
skaapstoring/Migdol” deur die “Groot Skaapstoring/Migdol”
genees word van haar sondige toestand, voorgestel as die
trek uit die vleeslike Egipte na die geestelike toe. In die
gees vind hierdie genesing dus ook plaas by die geestelike
Migdol/skaapstoring, net voor die Rooi See kruising, wat die
skeiding tussen siel en vlees voorstel.
Die genesing van die besete jong vrou Maria
Magdalena
Hoofstuk 185 Maar kort daarna, ongeveer na `n
kwartier, kry die gids (Maria/Migdol) van die Romeine,
wat andersins as publieke vrou met ontugtige manne
verkeer, vanweë teveel van die genoemde wyn
geweldige krampe, en sy jammer en vertrek haar gesig
terwyl haar ledemate en spiere vreeslik vol krampe
word.
Hierdie stel die sondige toestand van Sion voor, voorgestel
deur Maria Magdalena/Migdol, waar ons volk in allerlei
vleeslike en geestelike hoerery vasgevang sit. Die Romeine
stel ook die Roomse godsdiens voor waarin Maria Migdol
vasgevang sit.
[2] Die Romeine was daardeur hewig ontsteld, omdat
hulle so `n verskynsel as `n buitengewone slegte Malum
Omen* beskou het. Hulle sê: 'Wee ons, die gode het
baie kwaadgeword vir ons, omdat ons `n vreemde God
gaan opsoek het! Wat doen ons nou?' *(slegte voorteken)
[3] Lasarus sê: ‘Bly gewoon rustig! Want ek ken hierdie
persoon al geruime tyd; sy het al `n aantal jare las van
hierdie siekte, en sy het dit al meermale gehad, veral as
sy ietwat te veel wyn gedrink het. Ons Judeërs noem
dit besetenheid deur één of dikwels ook meer bose
geeste. In vroeër tye, toe daar nog baie vroom mense
onder die Judeërs te vinde was, kon sulke bose geeste
deur die gebed van `n vroom mens verjaag word; maar
in hierdie tyd bestaan dit nouliks meer. Natuurlik sou
ons besondere Man dit wel oombliklik kon doen, as Hy
dit wou hê!
[4] Kyk, dit is die oorsaak van die verskynsel en verder
heeltemal niks nie! Hoe kan julle gode vir julle kwaadword,
terwyl hulle tog nêrens anders kan bestaan as in
die fantasie van mense wat van `n ware God niks weet
nie, omdat hulle nog nooit iets oor Hom gehoor het nie?
Waarom nie? Dit lê in die ewige groot wysheidsplan
ingesluit van Hom wat die mense geskape het.'
[5] Dit stel die Romeine gerus, en hulle kom toe weer na
die gids kyk, wat haar in `n ellendige toestand bevind,
en ietwat medelye vir haar voel.
[6] Die vernaamste Romein kom na ons tafel toe, waar
ons baie rustig sit, soek juis vir My uit en sê: 'Beste
vriend, is daar dan glad niemand onder u wat die
ongelukkige meisie bietjie kan help nie? U sit egter so
ongeïnteresseerd daar, terwyl hierdie arme vrou met die
dood veg! Ek sou haar beslis graag gehelp het as ek `n
middel teen die kwaal sou ken; maar dit is by ons
Romeine nog baie sleg gestel met die genees van die
spesiale soort kwale.'
[7] Ek sê: 'U het uself tot My gewend, sonder om te
weet wie Ek is; maar u halwe vertroue dat daar aan ons
tafel iemand is wat die besetene sou kon help, het u na
My toe gebring. En Ek sê u dat u gees u al die regte
Man aangewys het, wat haar ook sal help tot haar
liggaamlike welsyn en tot welsyn van haar siel. Let
dan goed op met watter middele Ek hierdie jong vrou vir
altyd sal help!'
[8] Toe staan Ek van My stoel af op, gaan na die
heeltemal verstyfde jong vrou wat op die grond lê, strek
My hande oor haar uit en bedreig die sewe bose
geeste in haar.
Hierdie sewe bose geeste stel die absolute teendeel van die
sewe ware geeste van ons Vader voor, soos voorheen in
hierdie boek vermeld, wat JaHWèshua uit Sion se harte sal
uitdryf aan die eindtyd. Dit is die valse liefde, die wêreldse
wysheid, die verkeerde orde, onwilligheid, gebrek aan erns,
ongeduld, en onbarmhartigheid.
[9] Maar die geeste skreeu hardop uit haar buik: 'O
Jesus, Seun van Dawid, laat ons nog `n kort tydjie in dié
huis van ons!'
[10] Maar Ek dreig hulle nog `n keer, en hulle verlaat die
jong vrou op dieselfde oomblik.
[11] En die jong vrou staan op en was vrolik, fris en
gesond asof sy nooit iets makeer het nie. Maar toe sy
My langs haar sien en mense haar vertel dat Ek haar
gehelp het, kyk sy My strak aan en sê: 'Ag, dit is tog die
geweldige man vir wie my hart al sedert `n jaar gelede
steeds vinniger klop! En juis Hy, wat ek oneindig
liefgehad het en nog liefhet sedert ek Hom slegs
eenmaal in die verbygaan gesien het, kom my nou
te hulp! O vriend, U kon my maar eerder laat sterwe
het in plaas daarvan dat ek U nou tot groot verdriet van
my hart weer moet sien, sonder om ooit die hoop te hê
om ook deur u bemin te word! Want U is `n suiwer
mens en ek is `n verdorwe hoer!'
[12] Daarop val sy aan My voete neer, omklem dit
knielend en maak hulle nat met trane van liefde en
berou.
Toe die bose geeste uit is, toe herken Migdol dadelik haar
Meester, en in nederige berou bedank sy Hom vir wat Hy
gedoen het, naamlik om haar uit Egipte te verlos.
[13] Toe kom `n paar leerlinge na vore, wil haar van My
voete wegtrek, en sê vir haar dat so-iets hier nie van
pas is nie.
[14] Maar Ek sê vir die leerlinge: 'Wat gaan dit julle
aan?! Is Ek dan nie Meester oor Myself en nou ook oor
haar nie? As dit vir My teveel word, sal Ek wel vir haar
sê wat gepas of nie gepas is nie! Ek sê vir julle: Hierdie
jong vrou het baie gesondig, - maar sy hou ook meer
van My as julle almal saam; daarom sal haar ook baie
vergewe word. En verder sê Ek nog vir julle, dat orals
waar My evangelie gepredik sal word, ook oor die
voorval en hierdie jong vrou gepraat sal word.'
[15] Toe trek die leerlinge hulle terug en sê niks meer
nie.
[16] Maar Ek sê daarop vir die jong vrou: 'Staan op,
want jy is geholpe, en al jou sonde is jou vergewe! Maar
gaan nou heen en sondig nie meer nie, sodat jy nie
nog iets erger sal oorkom nie! Want as `n bose gees `n
mens verlaat het, trek hy deur dorre streke en woestyne
en soek na `n woning, en as hy niks vind nie, kom hy
weer terug. Dan vind hy sy ou woning skoongevee en
gereinig, sodat hy `n groot begeerte kry om weer daarin
te trek. As hy egter sien dat hy te swak is, gaan haal hy
sewe ander geeste, wat nog erger is as hy, en
gesamentlik trek hulle dan met geweld in die gereinigde
woning in, en hierdie tweede toestand van die mens is
dan nog baie erger as die eerste. Let dus goed op dat
dieselfde jou nie oorkom nie! Staan daarom op, gaan
heen en sondig dus nie meer nie!'
[17] Toe staan die jong vrou op en weet van louter liefde
en dank vir My byna nie wat sy moes doen nie. Na `n
oomblik vra sy My of sy tog hierdie nag nog hier in die
herberg mag bly, omdat dit al laat in die nag geword het.
[18] En Ek sê vir haar: 'Ek praat nie teen jou liggaam
nie, maar teen jou siel en haar talle wêreldse
begeertes; met jou liggaam kan jy gaan waar jy wil!'
[19] Dit was voldoende vir die jong vrou en sy gaan
weer aan tafel sit, - maar haar oë wend sy vir geen
oomblik van My af nie.
Hier sal nog vir ewig gepraat word oor hierdie vrou, Migdol/
Sion aan die eindtyd, wat verlos is van haar sonde in haar
siel, deur die Groot Skaapstoring/Migdol. Let op hoe
vergelyk die Meester haar verder as die een skaap wat
verlore is.
Hoofstuk 186
[8] Maar die Romein sê vir haar: 'Luister, liewe jong
181
vrou! Ons Romeine het `n ou spreekwoord wat lui: 'As
die dokter daarby is, kan jy niks oorkom nie!' En hier het
ons `n Opperdokter, en daarom kan jy ook ter ere van
Hom wel `n beker leegdrink!'
[9] Toe sê die jong vrou: 'As ek weet dat ek Hom eer
kan bewys deur die wyn te drink, sal ek alle sakke in die
hele Palestina wil leegdrink en dan vir Hom sterwe;
maar ek weet, dat ek deur die drink van wyn Sy eer nie
in die minste vergroot nie. Omdat Hy deur alle magte
van die hemel en van die natuur van hierdie aarde ten
hoogste geëer word, is naas die hoogste eer, my eer
soveel as niks, en daarom drink ek nie nou die wyn so
nie; maar ek drink die wyn uit liefde vir Hom en ook
vir u, goeie manne uit Rome! En laat daarom hierdie
beker vol wyn soveel beteken as: My hart is slegs vir
Hom, en my agting vir u almal!'
[10] Na hierdie goeie toespraak drink sy die beker leeg,
staan van haar sitplek op, kom na My toe en sê: 'O
groot Meester, laat `n onwaardige jong vrou die soom
van U kleed aanraak en soen om haar hart daardeur
ietwat te verlig!'
[11] Daarna kniel sy neer, gryp die soom van My
gewaad en soen dit talle kere, maak dit nat met haar
trane en kon dit toe gladnie meer loslaat nie.
[12] `n Paar leerlinge protesteer en sê: 'Maar Meester,
jaag haar tog weg; sy maak U goeie klere vuil!'
[13] Ek sê: 'Waaroor bekommerd julle julleself! As Ek dit
goed vind, waarom vind julle dit dan nie goed nie?! Sy
was `n sondares, is nou `n ware boetvaardige vrou
en het My juis daarom liewer as baie regverdiges
wat geen behoefte het om boete te doen nie.
[14] Kyk, daar was eens `n mens wat honderd skape
gehad het! En op `n keer verdwaal daar op die groot
weiveld `n skaap in die bossies. Toe hy die aand sy
skape tel, merk hy dat daar `n skaap makeer. Hy dink
nie lank nie, laat die nege-en-negentig skape staan en
gaan gou die verlore skaap soek. En toe hy dit na `n
lang en inspannende gesoek gevind het, neem hy hom
van blydskap op sy skouers en dra hom na die huis.
Toe hy weer by die ander nege-en-negentig kom,
verheug hy hom meer daaroor oor hom wat
geseënd teruggevind is as oor die nege-en-negentig
wat nooit soek was nie.
[15] En kyk, so sal daar ook in die hemel meer
vreugde wees oor één sondaar wat waaragtig boete
doen, as oor nege-en-negentig regverdiges wat nooit
boete hoef te gedoen het nie!
Ook die volgende verhaal/gelykenis verwys na Maria
Migdol/Sion wat in die toekoms by haar Meester se graf sal
staan en huil omdat sy gedink het dat sy Hom verloor het,
maar nadat sy haar lamp/liefde aangesteek het vir Hom, het
Hy Homself EERSTE aan haar openbaar by die graf.
[16] So was daar ook `n vrou wat van haar geld `n
stuiwer verloor het. Sy het baie getreur oor die
verlore stuiwer, het dadelik `n lamp aangesteek en
hom gesoek totdat sy hom teruggevind het. Toe sy die
stuiwer teruggevind het, nooi sy haar bure uit, en gee `n
maaltyd om hulle ook in haar groot vreugde te laat deel.
[17] Kyk, dit sal ook in die hemel gebeur wanneer `n
sondaar hom deur ware boetdoening laat terugvind het!
Want die engele van God sien altyd Sy aangesig, let
goed op die doen en late van die mense en is uitermatig
bly wanneer `n mens uit homself die sonde loslaat en
hom in al sy doen en late na God rig.
[18] En daarom verheug Ek Myself ook oor hierdie
sondares wat haar nou vir altyd van haar sonde
afgewend het; en sy is ook bly dat sy haar egte en ware
heil gevind het. Laat sy daarom haar vreugde geniet!'
Hierdie skaap wat verlore is, is Sion/Migdol wat deur ons
Meester gesoek word, totdat hy haar vind en in die hemelse
sfere sal daar groot blydskap wees wanneer hierdie skaap
weer terug in die Vaderhuis is. Dit was ook hierdie verlore
Migdol aan wie ons Meester Homself EERSTE vertoon het
na Sy opstanding. Sy was egter nog onsuiwer – vertoef nog
in die woestyn, besig met suiwering – maar belangrik is dat
dit sy was wat by Sy graf gestaan en ween het oor die
verlies van haar Losser, soos die weduwee wat haar
geldstuk verloor het, `n lamp opgesteek het en dit gevind
het. Die lamp was die liefde in haar hart vir ons Meester,
wat die ENIGSTE waarborg is om Hom in jou hart te vind.
Migdol/Skaapstoring uit Miga 4
Die volgende gedeelte in Miga 4 handel oor die Dogter van
Sion wat as `n Skaapstoring beskryf word, waarheen die
vroeë heerskappy , die Melgisédek-orde sal kom. Ons sal
gedeeltes van Miga 4 behandel.
4 EN aan die einde van die dae sal die berg van die
Huis van JaHWeH vasstaan op die top van die berge
en verhewe wees bo die heuwels, en die volke sal na
hom toestroom.
2 En baie nasies sal heengaan en sê: Kom, laat ons
optrek na die Berg van JaHWeH en na die Huis van
die Elohey van Jakob, dat Hy ons in Sy Weë kan leer
en ons in Sy Paaie kan wandel. Want uit Sion sal die
Wet uitgaan en die Woord van JaHWeH uit
Jerusalem. [JeshaJaH 2:3]
Hierdie gedeelte verwys na die eindtyd, waar die Berg Sion
reeds opgerig sal wees as die Huis van Jakob, waar
wetgewing en woord sal uitgaan, dus vanuit die reeds
opgerigte Melgisédek-orde uit Sion. Dit is dieselfde berg as
die in Openbaring 14 waar die eerstelinge, die 144 000,
regeer as Sion met die Woord uit die Nuwe Jerusalem, die
Nuwe Leer.
6 In dié dag, spreek JaHWeH, wil Ek versamel die wat
kreupel is, en bymekaarmaak wat verdryf was, en die
wat Ek kwaad aangedoen het.
7 Dan sal Ek die wat kreupel was, tot ’n oorblyfsel
maak en wat ver verwyder was, tot ’n magtige nasie. En
JaHWeH sal Koning wees oor hulle op die Berg van
Sion, van nou af tot in ewigheid.
Hierdie versameling van diegene wat kreupel was stel
Maria/Migdol voor in haar sondige/kreupel toestand, wat
versamel word, gebring word na JaHWèshua voete om die
soom van Sy kleed aan te raak vir genesing.
8 En U, Toring van die skape (MIGDOL), Vesting van
die Dogter van Sion, na Jou sal dit kom, ja, die
vroeëre heerskappy sal kom, die Koningskap vir die
Dogter van Jerusalem. [Spreuke 18:10; Hooglied van Salomo 4:4]
Hier kom die eksplisiete belofte vir Migdol wat gesuiwer is,
naamlik dat sy die Koningskap sal ontvang, die Melgisédekorde,
as klein skaapstoring, deel van JaHWèshua, die Groot
Skaapstoring, wanneer eenwording in gees plaasvind,
oftewel, wanneer JaHWèshua in Sion/Migdol se harte kom
woon. Die wedergeboorte word in die volgende verse
beskrywe, weereens as `n vrou wat in barensnood verkeer,
soos beskryf in Openbaring 12 en Jesaja 66.
9 Waarom skreeu Jy nou so hard? Is daar geen koning
in Jou nie? Of het Jou raadgewer omgekom, sodat
smart Jou aangegryp het soos van Een wat baar?
[Psalm 61; Openbaring 12]
10 Krimp inmekaar en bring voort, o Dogter van
Sion, soos Een wat baar! Want nou sal Jy die Stad
verlaat en op die veld gaan woon; en Jy sal in Babel
aankom - dáár sal Jy gered word, dáár sal JaHWeH
Jou verlos uit die handpalms van Jou vyande. [DaniEl 3:1;
4:30]
|
|
|
 |
|
