 |
DIE MELGISEDEK ORDE
VERSKEIE SKRYWERS
Hoofstuk 33
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
DIE NUWE MELGISÉDEK-ORDE, SOOS
GEOPENBAAR AAN BERTHA DUDDE 21 Net soos wat die eerste opgerigte Melgisédek
-orde voor `n kataklisme (die sondvloed)
opgerig is, hy daarna weggeneem is na die
Paradys, terwyl ons Vader die aarde se vernietiging
toegelaat het, en Melgisédek na die vloed weer op aarde
geplaas is in `n nuwe verlossingstydperk, om as houer te
dien vir die verkondiging van die hemelse woord van ons
Vader, so sal dit ook nou aan die eindtyd gebeur. Ons staan
weer voor `n wêreldwye natuurkataklisme, so groot en omvangryk,
dat ons sou beswyk as ons nou alles daaromtrent
moes weet. Terwyl die aarde se bevolking geheel en al
uitgewis gaan word, en wel in die materie gekluister gaan
word, sal die klein groepie gereddenes, die Melgisedékorde
en die vrou (volk) daarby, ook weggeneem word na die
Paradys, waar hulle sal vertoef totdat die ou aarde verwoes
is, en die nuwe een, die 1000jarige Vredesryk opgerig is,
waarna hulle sal terugkom aarde toe, in verheerlikte
liggame, as die Nuwe Melgisédek-orde om as nuwe geslag
te dien vir ons Vader, sodat rein onbesmette blanke kinders
gebore kan word op die nuwe aarde. Hierdie sal die eerste
taak van die Melgisédek-orde wees, naamlik die vul van die
aarde met die suiwer saad en suiwer Woord. Daarna sal
hierdie opdrag vergroot word en sal die orde uiteindelik oor
die ganse heelal strek.
Let wel dat die “wegneming” anders is as die “wegraping”
wat die kerke verkondig. Hulle verkondig `n wegraping voor
die groot verdrukking, hierdie wegneming is `n wegneem na
die groot verdrukking, en net voor die finale uitwissing.
Boek 1 ‐ Die wederkoms van die Meester ‐ Die
teenwoordige tyd. Die getuie van die nuwe
aarde
2 Mei 1951
U almal sal getuie wees van My krag en heerlikheid en
u sal My wederkoms belewe, ten dele liggaamlik en ten
dele geestelik. Want die tyd neig na die einde toe en
alles sal sekerlik geskied soos wat EK dit steeds weer
aan u verkondig het.
U sal My wederkoms belewe en daarvan getuig in die
paradys op die nuwe aarde, want hulle wat aan My
getrou sal bly tot aan die einde, sal EK op die nuwe
aarde plaas. Hulle moet ook daar My woord aan
hulle nakomelinge verkondig, net soos wat hulle dat
ook nou doen in My opdrag.
EK weet wie daarvoor geskik is en EK sal ook My ware
knegte behoed vir die ondergang. EK sal My “dissipels
van die eindtyd” met buitengewone krag voorsien
sodat hulle hulle diens goed sal kan verrig. Sodat hulle
moedig sal kan stry teen almal wat My vyandiggesind is
en wat haat sal betoon teen Myne. Maar nie een van
My volgelinge sal vroeër van die aarde skei alvorens
hulle missie vervul is nie.
En die laaste op hierdie aarde sal die eerste wees op
die nuwe aarde, waar ook hulle opdrag weer dieselfde
sal wees, naamlik om My woord te verkondig, al is dit
ook op `n ander wyse. Hulle sal met vreugde en
verlange opgeneem word en sal herken word as dit wat
hulle is, naamlik `n liefdeblyk van die Vader wat Sy
"kinders" gelukkig wil maak. Alle wesens sal My stem
herken wanneer EK deur hulle tot die mense van die
nuwe aarde sal spreek, want almal het op aarde die
vuurproef deurstaan en aan My getrou gebly. Daarom
sal hulle loon ook groot en verblydend wees. `n
Harmonieuse lewe in die paradys op die nuwe aarde
sal hulle beskore wees, wat geen mens homself sal kan
voorstel nie, sodat My mag en heerlikheid geopenbaar
kan word, want EK self sal by hulle wees.
EK sal in die wolke kom en hulle tuisbring. Hulle sal by
My bly omdat hulle My "kinders" geword het deur hulle
getrouheid wat hulle aan My bewys het in die laaste
geloofstryd. Hulle sal My onbevrees bely en van My
getuig sonder dat hulle My vantevore gesien het, en
daarom mag hulle My ook in alle glorie aanskou voordat
die einde gekom het.
Wat EK voorspel, sal ook vervul word, dus sal u My
wederkoms belewe. Nog glo u nie dat die tyd so naby is
dat u die verskrikkings van die einde sal moet beleef
nie, dat die aardoppervlak vernietig sal word deur My
toelating. Nog glo u nie dat die voorspellings deur
sieners en profete die huidige tyd betref nie. Dat u
mense in hierdie tyd groot dinge sal belewe wat geen
mens homself kan voorstel nie, omdat sulks nog nooit
op aarde gesien is nie. Maar met verwondering en
ontsetting sal die mensdom spoedig hierdie gebeurtenisse
kan volg wat `n ontbinding van die aarde
geloofwaardig sal maak, en dan sal dit met rasse
skrede die einde tegemoet gaan.
My uitverkorenes sal die tyd deurstaan omdat dit My wil
is en omdat die uitverkorenes ook in hierdie tyd sal
getuig en oor hierdie gebeurtenisse sal spreek, sodat
My mag en heerlikheid openbaar kan word, ook onder
die nakomelinge van die mensegeslag op die nuwe
aarde.
Want hierdie gebeurtenisse moet deur oorlewering vir
die nageslag bewaar bly, want daar sal ook weer `n tyd
kom waarin die sonde die oorhand sal kry en daar nie
meer aan My gedink sal word nie. Dan sal hulle
getuienis vir die mense tot waarskuwing en vermaning
wees wat My heeltemal sal vergeet, en welke noodlot
hulle sal tref. Dan sal gewag gemaak word van die
ondergang van die ou aarde en die laaste gerig wat
beslis het oor lewe en dood, oor geluksaligheid en
verdoemenis.
Boek 1 ‐ Die wegneming
20 Februarie 1953
Slegs `n klein skare sal My aan die einde van die
aarde in alle heerlikheid kan aanskou, want hulle sal
weggeneem word voor die oë van hulle medemense.
Die agterblywendes sal dan prysgegee word aan die
liggaamlike- en wat veel erger is, aan die geestelike
dood. So gou as wat Myne die aarde verlaat het, sal die
vernietiging plaasvind en alles wat in, op en bo die
aarde leef, sal deur die vlammende elemente
verteer word, wat uit die aarde sal uitbreek en geen
skeppingswerk sal oorslaan nie.
Maar Myne sal nie deur die vernietigingswerk getref
word nie, want EK sal hulle al vooraf wegneem. Die
aanblik van hulle plotselinge wegneming sal die mense
met ontsetting slaan, want Myne sal voor hulle oë in
die hoogte verdwyn. Slegs Myne sal My egter kan
sien wanneer EK in alle prag en heerlikheid sal kom, vir
die ander sal EK onsigbaar bly, omdat hulle wat in die
hande van My teenstander geval het, nooit meer My
heerlikheid sal kan aanskou nie. Maar voordat hulle tot
besinning sal kom oor die bonatuurlike verskyning van
die wegneming, sal hulle einde reeds gekom het, want
die aarde sal haarself open en almal verslind wat van
My afgeval het - en dit bly ook tot aan die einde.
Die gebeurtenis van die wegneming is onbegryplik vir
die mense van hierdie aarde, want daar speel iets af
wat heeltemal in stryd is met die wet. Iets onnatuurlik,
wat ongelooflik sal wees vir hulle wat nie in My glo nie
en nie van My verlossingsplan van ewigheid af wil weet
nie. Tog sal dit gebeur soos wat EK vir u aangekondig
het: Die mense wat nog liggaamlik lewend is, sal EK
verplaas na `n oord waar daar vrede is, en dit sal in
één oomblik geskied. Hulle sal hierdie gebeurtenis self
bewustelik belewe en vol lof en jubeling vir My wees.
Hulle het die toets van getrouheid deurstaan en ontvang
nou die loon daarvoor, en vir hulle liefde en hulle geloof
in My sal EK die paradys vir hulle open.
Dan sal daar weer `n nuwe verlossingsperiode begin en
Myne sal die stam van die geslag op die nuwe aarde
vorm. Maar slegs die geloof kan dit begryp, die
verstand verweer homself hierteen en sal twyfel totdat
die dag van die einde gekom het.
Boek 1 ‐ Oor die laaste oordeel en die nuwe
aarde
9 Oktober 1959
U kan uself geen korrekte voorstelling maak op welke
manier die laaste oordeel sal plaasvind nie. Dit moet
egter vir u genoeg wees om te weet dat dit `n werk is
wat van baie korte duur sal wees, met `n
vernietigingskrag waaraan alles ten offer sal val. U sal
geen tyd meer hê om u gedagtes en strewes te
verander nie, want alles sal met so `n snelheid geskied
dat u geen tyd meer sal hê om na te dink nie. U sal in `n
oomblik geoordeel word, - dit wil sê, ten lewe of ten
dode sal in `n baie kort tyd kom. U, My getroues, wat
sal bly tot aan die einde, sal weggeneem word en
die ontroues sal verslind word deur die aarde, wat vir
hulle siele `n hernieude kluistering in die vaste materie
sal beteken.
Slegs die mense waarin nog `n klein vonkie Godsgeloof
is, sal op die laaste moment nog die krag kan opwek
om My aan te roep, om nog gered te word en om vir die
hernieude kluistering gespaar te bly. En ofskoon hulle
nie behoort aan hulle wat weggeneem word nie, sal
hulle lot tog ligter wees. Want hulle word dan `n nuwe
beliggaming toegestaan waarin hulle hulself moet en
ook kan bewys.
Die nuwe aarde sal dan vry wees van versoekings deur
My teenstander, wat vir `n lang tyd gebonde sal wees,
soos wat dit geskryf staan. Dit is `n daad van
buitengewone barmhartigheid, waarop maar heel
weinig mense hulle beroep het, want die mensdom sal
aan die einde heeltemal aan My teenstander
onderdanig wees. Heel selde sal `n mens homself nog
losmaak van sy kettings in die aangesig van die laaste
oordeel wat vreeslik sal wees, want alle mense sal `n
ontsettende dood tegemoet sien kom. Maar voordat
hulle veel kon gedink het, sal dit reeds gebeur het, en
Myne sal getuie wees van hierdie gebeurtenisse. Dit is
My wil dat hulle My almag en heerlikheid en My
regverdigheid en “toorn” teen die sondaars leer ken, en
daarvan kan getuig solank hulle lewe. Want hulle sal
die stam vorm van die nuwe geslag op die nuwe
aarde.
Die voorval van die wegneming kan ewemin voorgestel
word, omdat dit buite die wetlike ordening plaasvind en
dit het nog nooit op hierdie aarde voorgekom dat mense
opgeneem was en in lewende lywe omhoog gevoer
is nie. EK sal hulle ongedeerd in `n paradysagtige
landskap plaas van waaruit hulle dan na die nuwe
aarde gebring sal word, sodra sy volgens My wil
gevorm is. EK sal geen lang tyd daarvoor nodig hê nie,
want al die geestelike verlang om die nuwe beliggaming
van hulle ontwikkelingsweg, wat ooreenkom met hulle
graad van rypheid, voort te sit. Die mense sien nie die
skeppingsdaad van die nuwe aarde nie, derhalwe is dit
ook nie nodig vanweë die mense om by `n bepaalde
tydsduur te hou nie. Die mense wat weggeneem is, se
tydsbewussyn ontbreek, sodat hulle nie sal kan
beoordeel in welke tydsbestek die nuwe aarde ontstaan
het nie.
My mag is onbegrens en sal homself openbaar by die
skepping van die nuwe aarde, want sy sal weer nuwe
skeppinge laat sien waarvan u mense hulleself geen
voorstelling kan maak nie. Hulle wat op die nuwe aarde
mag lewe, sal hulleself onmeetlik salig maak, want dit
sal `n ware paradys op aarde wees. Die van Myne wat
My in die geloofstryd trou gebly het, sal ook hulle loon
daarvoor ontvang.
U mense sou almal hierdie seën kon ervaar as u die
kort tyd op aarde goed sou benut, maar u glo nie en
doen niks om die ontwikkeling van u siel te vergroot nie,
daarom sal elkeen die loon ontvang wat hy verdien. `n
Geluksalige lewe in die paradys op die nuwe aarde of
die hernieude kluistering in die skepping daarvan, om
na `n eindeloos lang tyd weer as mens op die aarde te
mag kom met `n laaste wilsbeproewing as doel.
BOEK 6 ‐ Die laaste uur van die aarde
BD 8011 - 1 Januarie 1962
...... Dit sal gebeur soos wat dit vroeër verkondig is. Ek
sal Self in die wolke kom om myne weg te neem,
voordat die vernietigingswerk aan die ou aarde begin.
Daar sal geen steen op die ander bly nie, want die
aarde moet hernu word. Daar sal `n nuwe aarde
ontstaan, `n paradysagtige skepping wat al die nog
onontwikkelde geestelike weer sal opneem wat vry
geword het by die verwoesting van die ou aarde, en `n
nuwe omvorming nodig sal hê om verder te kan
rypword. En die nuwe aarde sal tot verblyfplek dien vir
hulle wat My trou gebly het tot die einde, want hulle het
die graad van rypheid bereik wat hulle `n ingaan in die
ligsfere moontlik maak, en wat daarom ook die paradys
mag bewoon. Dit sal vir hulle waarlik dieselfde salige
toestand beteken asof hulle hulle liggaamlike omhulsel
afgelê het en in My geestelike ryk sou ingegaan het.
Hulle moet My as stam van die nuwe mensegeslag
dien, en dan kan `n nuwe verlossingsperiode weer
begin met geestelike ryp mense, wat dan ook die nog
gekluisterde geestelike in hulle omgewing tot `n vinnige
rypwording sal help. Hulle sal so innig deur die liefde
met My verbonde wees, dat hulle hulle kinders en
kindskinders weer daardeur tot liefde sal opvoed, en sal
kan getuig van die glansrykheid van hulle God en
Skepper. En so sal die verlossing uit die vorm vinniger
kan plaasvind, omdat Ek in Jesus (geestelik) lewend
onder hulle kan vertoef, omdat alle mense wat dan
die nuwe aarde sal bewoon, hulleself sal toevertrou aan
hulle goddelike Heiland en Verlosser, Jesus, en in die
bewussyn van hulle oerskuld bewustelik die weg na
Hom toe sal gaan, aangesien elke weerstand dan
gebreek is. Want elke mens sal dan die weg bewustelik
na My toe teruggaan, sodat Ek Self by hom kan vertoef,
aangesien sy groot liefde vir My dit sal toelaat.
Dit is dus die duisendjarige ryk waar die oorwinning oor
Satan sigbaar sal wees, want hy kan en sal geen mens
meer kan bedreig nie, omdat elkeen homself volkome
van hom vrygemaak het, en die terugkeer tot My dan
volbring het. Hy het dan geen toegang meer tot My ryk
nie, totdat hierdie salige tyd weer langsaam sal
verander, en die mense weer `n neiging tot die materie
sal vertoon. Daardeur sal My teëstander se kettings
weer verbreek word en sy invloed sal weer merkbaar
word.
Maar voordat hierdie tyd sal aanbreek, sal baie van die
vergeestelikte as heeltemal verlos My ryk binnegegaan,
en Ek sal `n goeie oes behaal het. En dan begin daar
ook weer die stryd met My teëstander oor die siele,
maar Ek sal oorwinnaar wees. Steeds sal Ek weer siele
van hom ontworstel, en sy magsbasis, waarin hy die
sterk is, verklein.
Steeds sal hy weer self daartoe bydra dat die verlossing
van die gevallenes deurgaan, want wat van My is, gee
Ek nooit as te nimmer op nie, al is Ek ook ewighede
daarmee gemoeid. Die gevallenes sal eenmaal na My
toe terugkeer en sal dan met My verbonde bly tot in alle
ewigheid.
Amen
BOEK 9 ‐ Die koms van die Meester tydens die
grootste nood
B.D.4319 - 31 Mei 19
Ek sal u na My toe bring uit die swaarste verdrukking,
soos wat Ek u beloof het. Die nood sal groot wees, en
wie u lot nagaan, sal erken dat alleen die krag van die
geloof u staande sal hou. Want anders was u te swak
om stand te kon hou teen die bedreigings en
geweldsmaatreëls van u vyande, aan wie u weerloos
oorgelewer is. Dog net onbeskerm van die kant van die
mense, want Ek staan as Beskermer langs u en hierdie
sekerheid moet u vir alle aanvalle ongevoelig maak.
Slegs `n kort tydjie duur hierdie groot nood, dan
kom Ek self om diegene wat Myne is, na My ryk toe te
bring om hulle voor te berei op die lewe in die paradys
op die nuwe aarde. Wanneer u geloof sterk is, as u aan
elke woord van My betekenis heg, sal die laaste nood u
verbygaan en in die hoop op My spoedige koms, sal u
alles gelykmatig verdra en My verwag - want Ek kom
seker en gewis. Ek laat Myne nie in nood nie en Ek sal
kom wanneer daar van menslike kant af geen uitweg
meer te verwag is nie. Ek sal skielik verskyn en slegs
aan diegene wat Myne is, sigbaar wees, en almal na
My toe roep wat aan My getrou is.
Dan sal daar `n gejubel en `n gejuig wees onder die
wat Myne is, wat vol saligheid op My sal toesnel, en
hulle hande na My toe sal ophef.
Hierdie is `n bewys dat die volk al by hierdie gebeurtenis op
een plek versamel sal wees.
Wie glo sal salig word, want hy sal volhard, al is die
wêreld vol van duiwels. Hy weet dat die uur van redding
kom en dat Ek hom nie sal verlaat nie, dat al die duiwels
magteloos is teenoor My. Hy verwag My en as gevolg
van sy diep geloof, beloon Ek hom met die hoogste
prys; met `n nuwe lewe in die paradys op die nuwe
aarde.
U vra waarom Ek hom nie na My toe neem in die
geestelike ryk nie? - Wie hierdie laaste geloofsbeproewing
deurstaan het en My aanneem, is
bekwaam om die stam te vorm van `n nuwe mensegeslag,
en uit hom sal `n nuwe generasie voortkom.
Die aarde sal na haar hervorming weer deur mense
bewoon word wat geestelik gevorderd is en `n lewe lei
vir My en met My, en hierdie mense wil Ek self oplei. En
Ek ken die rypheidsgraad van alle mense, in die
besonder van hulle wat aan die einde vir My stry teen
Satan, en sulke mense het Ek nodig as stamouers vir
die nuwe aarde.
Ek sal hulle liggaamlik en geestelik seën en die nuwe
aarde sal `n paradysagtige verblyfplek vir hulle word.
Kinders en kleinkinders sal in innige verbinding met My
staan en die nuwe mensegeslag sal liefdevol wees.
En weer begin dan `n nuwe ontwikkelingsperiode met
die geestelike wat as mens beliggaam is, wat voor die
voleinding staan en met verlange na My streef en
daardeur vinnig die sielsrypheid bereik op aarde. Want
gedurende die laaste tydperk op die ou aarde, word dit,
kort voor die geestelike wat as mens beliggaam is, baie
vinnig ryp, omdat die stryd tussen Lig en duisternis deur
die geestelike opgemerk word, en die vernietiging van
die ou aarde die geestelike bowendien vir `n kort tyd
vrylaat. Maar dit beteken vir die geestelike `n toestand
van ellende, omdat hulle nog nie die rypheid tot vryheid
besit nie, sodat hulle die nuwe omvorming weldadig
moet ondergaan en met ywer Hoër moet streef, al is
hulle in `n voorstadium en onbewus van die welslae.
Daarom sal die mense dan ook in wonderbare
harmonie lewe, met alle skeppings om hulle heen; die
minerale-, plante en dierewêreld sal hulle heeltemal
volgens die benodigdhede van die mense aanpas en
daar sal die diepste vrede wees in die natuur, net
soos in die harte van die mense. Dit word `n salige
samesyn met My en sal die mense tot gelukkige
skepsele maak. My liefde sal vir hulle alle weë
gelykmaak en hulle harte sal vinniger vir My klop in
vurigste liefde - en alle nood sal dan vergete wees
Hierdie tyd is nie meer ver nie. Spoedig sal Ek self
kom, en My bruid: die kring van Myne ophaal.
Spoedig sal die groot nood verby wees, omdat My
belofte vervul moet word: "Ek sal kom in die wolke, om
diegene wat Myne is te haal, en te oordeel die lewende
en die dode".
AMEN
BOEK 13 ‐ Die reiniging van die aarde
B.D.7179 - 7 Julie 1958
En daar sal weer `n nuwe aarde wees, en die mense
daarop sal innig met My verbind wees en lewe volgens
My ewige ordening. Maar die toestand kan alleenlik nog
bereik word deur `n reiniging van hierdie aarde sodat
die ou aarde weer in `n toestand gebring kan word
waarin alles presies georden is. Dit beteken egter nie
dat hierdie orde op die teenwoordige aarde herstel sal
kan word nie, wat baie mense graag sou wou, omdat
die gedagte aan `n einde van hierdie aarde nie in hulle
opkom nie.
Die komende reiniging sal grondig wees en eerste by
die mense plaasvind, hulle wat nie meer lewe volgens
My ewige orde nie. Dit sal egter ook `n skeppingswerk
wees, omdat die gekluisterde geestelike, nuwe
omvorming nodig het om na `n vinniger, geestelike
opwaartse ontwikkeling te beweeg. Want Ek is
voorbereid vir al die geestelike wat al lank genoeg
gesmag het in die harde materie, hulle wat uiteindelik
ook op die hoër weg mag gaan.
Nooit meer sal daar op hierdie aarde `n ommekeer tot
My plaasvind nie, omdat My teenstander deur die
mense self in sy mag gesterk word, wat Hy egter slegs
sal aanwend om `n nog groter aantal afvalliges van My
te bereik. Maar as die teenstander self, saam met alles
wat aan hom onderdanig is, nie gebind word nie, sal die
geestelike peil nie net so laag bly as wat dit reeds is nie,
maar dit sal steeds nog erger word. En dan kan geen
harmonieuse toestand op aarde meer verwag word nie.
Daarom sal Ek `n grondige reiniging teweegbring.
Alles op aarde wat iets geestelik in homself berg, los Ek
op en laat `n nuwe aarde, met `n geheel nuwe skepping
ontstaan, sodat dit weer deur die geestelike betrek kan
word vir hulle verdere ontwikkeling. En Ek bevolk die
aarde slegs met mense wie se graad van ontwikkeling
sodanig is, sodat hulle `n salige lewe in die paradys kan
hê. Dus met mense wat in die laaste stryd op hierdie
aarde is, wie aan My trou bly, en wat Ek daarom as
stam van die nuwe mensegeslag (menseras) op die
nuwe aarde bymekaarmaak.
Elke nuwe skeppingsperiode begin met `n geestelik
ontwikkelde geslag, wat dan weer op die navolgende
geslagte moet inwerk om met hulp ook deels die weg
boontoe te toon, en hulle na hulle voleinding te help.
En omdat My teenstander nou gebind sal wees, sal die
mense aanvanklik nie meer deur hom bedreig word nie.
Dit sal daarom vir `n lang tyd `n paradysagtige toestand
bly waarin al die geskapenes, mense en diere, in
harmonie en vrede sal saamlewe, waarin die liefde die
mense tot `n voortdurende verbinding met My sal dryf,
en waarin Ek sodoende by hulle teenwoordig kan wees.
En die mense sal die ewige heil deelagtig wees totdat
daar weer `n tyd sal kom dat die verbinding sal verslap
en waarin die materie weer haar aantrekkingskrag sal
uitoefen en die mense deur hulle begeertes die kettings
van My teenstander weer sal losmaak sonder dat Ek
hulle sal verhinder. Want die beproewing van die vrye
wil, van die wat tevore heeltemal tot My bekeer was, sal
dan weer nodig wees.
Elke verlossingsperiode bring baie van die eens gevalle
geestelike terug na My. Sou Ek egter geen einde aan
hierdie huidige toestand maak nie, dan was daar
waarlik geen geestelike sukses meer te behaal nie. Ek
het aan die teenstander netso die reg gegee om vir die
wesens te veg. Hy misbruik egter sy reg deurdat hy die
grense van sy bevoegdheid te buite gaan, deurdat hy
probeer verhinder dat die mense enige kennis oor My
ontvang, hulle God en Skepper van ewigheid. Maar die
aardse lewe is aan die mense gegee om te beslis aan
watter Meester hulle wil behoort. En daarom moet hulle
ook oor beide meesters ingelig wees, wat My
teenstander egter met alle moontlike middele probeer
verhinder. En daarom maak Ek `n einde aan sy
aktiwiteite, en hy sal weer tesame met sy aanhangers
gekluister word. Ek herstel in die eerste plek oral die
wetlike orde om aan al die gevallenes die opwaartse
ontwikkeling te waarborg, soos wat dit My plan was
sedert die ewigheid.
AMEN
BOEK 13 ‐ Die deurgee van die Goddelike
woord aan die nageslag op die nuwe aarde
B.D.4054 - l & 2 Junie 1947
Dit sal maar `n klein skare/groepie wees wat My
koms verwag, voordat die laaste oordeel sal kom.
Slegs weinig mense sal daar wees wat Ek tot die van
Myne kan tel; wat in geloof sterk sal bly en My sal bely
voor die wêreld en daarom vervolg sal word, sodat
hulle selfs vir hulle lewe moes vrees, as hulle oog nie
geestelik gerig en hulle denke nie geestelik gesind was
nie. Maar hierdie klein gemeente sal weet van die
einde en verwag My met `n diep geloof. En daarom
verdra hulle ook die tyd van nood in standvastigheid en
erken Jesus voor die wêreld as Seun van God. Daarom
neem Ek hulle weg en gee hulle `n paradysagtige
woonplek, totdat hulle die nuut gevormde aarde weer
sal mag betree.
Hierdie klein kudde het die opdrag om My woord te
verkondig aan hulle nakomelinge, sodat dit weer
onvervals aangebied word soos wat Ek dit vir die
mense gegee het en so, as fundamentele leer van die
Christendom, ook op die nuwe aarde moet bly.
Want Ek sorg ook verder vir die wat Myne is, en tot
Myne behoort alleen die wat hulleself by My wil voeg.
Hulle probeer na My toe te kom en wat daarom ook
liefdadig is, want die verlange na My is reeds die
uitdrukking van hulle liefde wat hulleself uitgee in die
liefde tot die naaste. Hulle vervul op die manier My
gebod en aan hierdie bring Ek ook My woord, direk of
indirek. En My woord bevat die leer wat Jesus op
aarde gepredik het omdat Hy met My liefdesgees
deurdring was. Want die mens Jesus het die
vereniging met My reeds op aarde gevind. En sodat ook
die mense op die nuwe aarde tot hierdie vereniging met
My kom, moet hulle oor die leer van CHRISTUS
onderrig word.
Sodoende moet die reine waarheid, wat nou uit die
Hemel vir die mense aangebied word as My woord
deurgegee word op die nuwe aarde, waar sy in haar
totale diepte en wysheid erken sal word as `n
boodskap uit die Hoogte en as `n direkte onderrigting
van God. Daarom sal dit vir `n lang tyd die
fundamentele leer bly, totdat die mense weer materialisties
word en weer sal dink dat hulle My woord moet
verbeter en verander. En dit sal dan weer die oorsaak
wees dat hulle hulle insig sal kwytraak en hulle
geestelike kennis verduister sal word. Maar dit sal My
weer laat besluit om My woord tot die aarde te bring.
Maar tot aan die tyd sal My woord onvervals bly en
verspreiding vind, en elke woord sal as My gawe erken
word. Die mense sal My liefhê en My dien, en hulle sal
mekaar liefde skenk en gelukkig wees op aarde. Want
hulle sal dan in voortdurende verbinding met My lewe
en ontvang daardeur lig en krag. En My nabyheid sal
hulle so laat voel dat hulle sterk en wys sal word, soos
wat Ek dit beloof het.
AMEN
|
|
|
 |
|
