 |
DIE MELGISEDEK ORDE
VERSKEIE SKRYWERS
Hoofstuk 13
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
DIE VERVALLE MELGISÉDEK KASTEEL
AS VOORBEELD VAN DIE MELGISÉDEKORDE
SELF 11 In die Groot Evangelie van Johannes -
Boek 10 van Jakob Lorber lees ons die
pragtige verhaal van ons Meester wat besoek
gaan aflê het in dieselfde ou vervalle Melgisédek kasteel
van 2000 jaar gelede, waarin Hy as JaHWeH Self gewoon
het ten tye van Abraham se lewe op aarde. Hierdie kasteel
was bewoon deur tien baie arm Judese gesinne. Wat
hierdie verhaal so merkwaardig maak, is dat daar vir ons
hier aan die eindtyd geweldig baie weggesteek is in hierdie
besoek van ons Meester aan hierdie vervalle kasteel. Ook
nou is die geestelike Melgisédek kasteel vervalle in die
harte van die volk. JaHWèshua woon feitlik in niemand se
harte meer nie.
Ek lys die verhaal so kortliks as moontlik hierna, met
kommentaar waar nodig. Boek 10 - hoofstuk 55
[11] Toe ons die stad nader, sê Ek vir die kommandant:
“Gaan met jou geselskap nou voor ons uit die stad in,
en laat die tien Judese gesinne weet dat Ek na hulle
toe sal kom en by hulle sal oornag! Al die res sal later
wel vanself duidelik word.”
[12] Toe die kommandant dit van My gehoor het, loop
hy met syne onmiddellik vooruit, gaan dadelik na die
Judeërs en vertel hulle wat hulle te wagte staan.
[13] Die straatarme Judeërs sê egter vir die
kommandant: “O, hoë gebieder in die naam van die
keiser! Dit sou alles wel goed wees; maar waar moet
die meer as veertig mense in die vervalle huis `n
toereikende onderdak vind? Ou, vervalle kamers is
daar nog wel voldoende; maar wie wil daar woon?
Paddas, adders, salamanders en skerpioene is daar
meer as genoeg, maar mens kan tog geen mense
daarin herberg gee nie. Wat ons eie kamers betref, die
het self nouliks voldoende ruimte om in te woon, veral
snags, en dit sou moeilik wees om, behalwe ons, nog `n
paar mense behoorlike onderdak te gee. Van enige
versorging kan al heeltemal geen sprake wees nie,
aangesien ons self meer as straatarm is.
[14] Probeer dus die groot Meester en Leraar, oor wie
se wonderbaarlike dade ons reeds heelwat gehoor het,
daarvan te laat afsien om by ons onderdak vir die nag
te soek en te wil neem; daar is in hierdie stad immers
verskeie goed ingerigte herberge.”
Hierdie kommandant stel dus die voorloper voor, wat
vooruitgaan om die Judese gesinne te waarsku dat die
Messias op pad is. Ook is ons Boervolk, die stam Juda in
die eindtyd en sal die voorloper ook na ons, in ons vervalle
geestelike kasteel kom, met vervalle kamers (onsuiwer
harte) met baie gedrogte daarin (leuens en versinsels).
17] Terwyl die kommandant nog met die oudste spreek,
arriveer Ek (JaHWèshua) met die leerlinge al voor die
Judese huis, wat as `n verbrokkelde ou kasteel op `n
hoogte buite die stadsmuur was.
[18] Die kommandant merk My onmiddellik op, hardloop
My tegemoet en wil My begin te vertel hoe dit daar met
die Judese huis en haar bewoners gaan.
[19] Maar Ek sê vir hom: “Vriend, spaar jou die woorde,
aangesien Ek lankal weet! Maar Ek het inderdaad -
soos wat jy reeds voor hierdie mense opgemerk het –
as’t ware na hulle toe gekom, omdat Ek baie goed
weet hoe dit met hulle huis en met hulle self gestel
is. Laat ons dus dadelik na die oudste gaan!”
Die Meester in die woning van die tien Judese
gesinne
56 Vergesel deur die kommandant, loop Ek na die
oudste van die huis, by wie hom ook nog enkele
besorgde huisvaders bevind, wat ons bekyk om te sien
wat ons sou doen as ons sien wat se ou ruïne die huis
was.
[2] Toe Ek by die oudste kom, sê hierdie oudste: “U is
almal by ons goed welkom, Meester en Leraar; maar
wat ons teenoor die groot barmhartigheid wat U ons
bewys kan doen, sal verseker nie vir U welkom wees
nie! Kyk net na ons huis, en na ons klere en U sal,
sonder dat U iets verder hoef te sê, vanself goed sien
hoe dit daar met ons almal uitsien!”
[3] Ek sê: “Vrede vir julle! Hoe dit daar met julle uitsien,
weet Ek - maar vir die grootste deel is die armsalige
toestand julle eie skuld; want deur traagheid en deur
haas geen vertroue op God, die enigste Meester en
Gewer van alle goeie dinge, sal geen enkele mens dit
op hierdie aarde ver bring nie.
“Vrede vir julle” bedoel die inhoud van die Vredesverbond
soos voorheen beskryf. Ons Meester berispe hulle dadelik
oor die toestand van hulle geestelike huis as gevolg van
traagheid en ongelowigheid, soos ook vandag in ons volk.
[4] Solank julle nog middele en krag het, doen julle niks
om julle ou huis te verbeter nie, laat julle niks geleë lê
aan JaHWeH en maak julle julleself vertroud met die
blinde leer van die Griekse wyses, waardeur julle nog
baie kere beklaenswaardiger geword het as wat julle
ooit vroeër was.
[5] Nou het julle selfs slawe van die heidene geword
en moet eerder met swaar werk karige brood van hulle
bedel as dat julle vir hulle kan sê: “Ons het dit in die
sweet van ons aangesig verdien!” Want dit is nie maklik
om mense te dien wat in geen enkele God glo en ook
nie in `n voortlewe van die siel na die dood van die
liggaam en derhalwe ook aan geen enkele vergelding in
die groot wêreld aan die ander kant nie, en derhalwe
geen naasteliefde het nie en selfs vyande van hulle eie
lewe is.
Ook is ons vandag vasgevang in `n blinde Christenleer wat
so verwater is deur die Griekse wyses, Roomse wyses en
latere Europese en Afrikaanse wyses. Ons leer is so
afgewater, dat ons ook vandag slawe van heidene in ons
eie land geword het, omdat die kerke, met hul Afrikaanse
wyses, ons oorhandig het aan die swart heidene deur hulle
geestelike hoereerdery met die politici.
[6] Wel nou, in julle grootste nood het julle aan die ou
JaHWeH begin dink en by Hom om hulp gaan smeek,
en dat die My ook daartoe gebring het om na julle toe te
kom en julle te help, voor die aangesig van die baie,
blinde heidene, wat eweneens ter wille van hulle
Diogenes die geloof in hulle gode laat vaar het. Ek sal
dit doen sodat ook hulle sal merk dat die ou God nog
leef en julle help wat in Hom glo, Sy gebooie hou en in
waaragtige en onwankelbare vertroue in Hom die
korrekte hulp verwag.
[7] Laat My julle ou, meer as half vervalle huis sien, en
ons sal kyk of daarin oornag kan word en of dit wat
beskadig is, gerepareer kan word! Daarna sal ons
julle voorraadkamers ondersoek, om te sien hoeveel
voorraad daar nog aanwesig is!”
Ook was daar in hierdie tyd `n groep behoudendes wat aan
die ou JaHWeH begin dink het, die Skrif begin ondersoek
het en nader aan Hom probeer kom het, deur die
vervalsings te korrigeer. Hulle huis (harte) was weliswaar
ook vervalle, maar hulle het probeer. Na hulle toe kom ons
Messias ook aan die eindtyd om ons vervalle kasteel op te
rig in ons harte.
[8] Die oudste sê: “O groot Meester en Leraar! Die huis
moes vroeër wel baie groot en kleiner kamers gehad
het; maar ons kon daar maar nouliks sewe in gebruik
neem, en selfs dit is al erg beskadig. Alle ander is vol
allerlei soorte ongediertes en is grotendeels nie eers
meer vir mense bewoonbaar nie. Ook ons
voorraadkamers verkeer vereers in `n baie miserabele
toestand. Slegs één is daar wat nog half bruikbaar is;
maar selfs die een is leeg op `n paar beskimmelde
broodkrummels na. Maar laat ons U wil volg en tog
gaan kyk, sodat U, o groot Meester en Leraar, met U
eie oë kan aanskou hoe dit met ons, afstammelinge van
Gad en Ruben, in hulle land gestel is!”
Hierdie sewe kamers stel die sewe gemeentes aan die
einde voor en die voorraadkamers is ons geestelike
literatuur. So lyk ons Bybels dan ook soos ou beskimmelde
brood van al die vervalsings deur vertalers.
[9] Hierop loop ons deur alle vertrekke van die groot
huis, en dit sien alles so daaruit soos wat die oudste dit
beskrywe het.
[10] Toe ons onsself egter in die buitenste en laaste
vertrek bevind, sê Ek: "Nou sal jy God se mag in My, dit
wat My liggaam betref, wat ook `n Menseseun is, leer
ken! Kyk, ons is oor brokstukke van mure, dele van
pilare, doringstruike en oor allerlei ongediertes wat die
vertrekke deurdring het, en deur koninklike versierde,
fraai vertrekke, wat van alles voorsien was waarin
goed oornag kon word, laat ons ons tog terug
maak. Ek wil dit, en so sal dit wees!”
[11] Nouliks het Ek dit so gesê, of die hele huis was al
volkome verander, en toe ons daarna deur alle kamers
en vertrekke heen loop, was daar nêrens meer enige
beskadiging te ontdek nie.
[12] Die Judeërs van die huis slaan hulle hande bokant
hulle hoofde teen mekaar en roep vol blye
verwondering: “Dit kan alleen Hy doen, wat die hemel
en aarde geskape het; daarom aan U alle lof, o groot
God, wat aan `n mens so `n mag gegee het!”
[13] Daarna besoek ons die voorraadkamers, wat
eweneens gevul was met alles wat die mense nodig
het om hulle honger en dors te stil. Toe word die
verbasing nog groter, en vir `n lang tyd kon hulle van
louter verbystering nie praat nie.
Hier verander JaHWèshua Self ons innerlike kasteel, Hy
laat die eerste wedergeboorte van die siel plaasvind in ons
harte, en ons geestelike voorraad vul Hy self aan deur die
Nuwe openbarings aan die eindtyd, soos wat Hy belowe
het. Ons honger en dors na die Woord word dus gestil.
Die getuienis van die oudste oor die Meester
57 Na `n oomblik spreek die oudste die volgende
woorde: “Nee, nee, nee - dit is ongehoord! Moses en
Elia, die twee grootste profete, het groot dinge gedoen,
ja, groter as wat `n mens met die suiwerste verstand
ooit in staat was om te omvat en te begryp en wat selfs
die mees gelowige gemoed nouliks kan glo! Maar wat is
vergeleke by die wonderbaarlike werk en al die
wonders, wat deur die genoemde twee profete gedoen
is, volgens die wil van JaHWeH, van Wie se Gees van
mag hulle vervul was?! Alle profete, sowel die grotes as
die kleinstes, het gesê: “Die Meester wil dit, en die
Meester spreek!” Maar U, o grote Meester sê: “Ek wil
dit” en dit is so!” En in één oomblik gebeur daar wat U
wil! Daarom is U meer as Moses en Elia!
[2] U is die Meester Self in alle volheid, en ek het nou
as ou man in U my heil gesien en sou nou wil sê: “O
Meester, Meester, laat U ou dienaar in vrede oorgaan
na die groot wêreld aan die ander kant! Want U is die
Beloofde vanuit Uself! U ewige Gees het uit die mond
van die profete gespreek en U neerdaling voorspel, en
U, wat die ewige Waarheid en Trou self is, het U woord
gehou en het in `n liggaam van vlees en bloed na ons
sondige mense gekom om ons weer opnuut op te rig,
sowel die Judeërs as die heidene, wat ook kinders van
Noag is en eens saam met die pre-Abrahamiete één
volk gevorm het onder die groot opperkoning en
allerhoogste priester Melgisédek van Salem.
Daarom aan U alleen alle eer en alle lof, o Meester,
Meester, Meester!”
[3] Ek sê: Nou, nou, dit is wel goed en waar so! Dat julle
weggesakte geloof deur hierdie daad van My op één
slag weer opgerig is, is wel goed te begryp, net soos die
feit dat julle My onmiddellik herken het; maar in die
toekoms moet julle jul geloof deur werke van ware
naasteliefde eers lewend maak, anders het dit in My
oë geen waarde vir die lewe van julle siel nie. Want Ek
het enkel deur My oorgrote liefde na julle mense toe
gekom, en so kan julle mense ook alleen maar weer
deur liefde vir My en vir jou naaste na My toe kom en op
die manier tot die ewige lewe van julle siele, as My egte
kinders; dit moet julle goed onthou!
[4] Die geloof in My is wel `n lewende lig uit die hemele,
maar eers deur die werke van die liefde. Soos `n lig,
wat egter skyn in die nag, uitgedoof word as dit nie
gevoed word deur steeds nuwe olie toe te voeg nie, so
doof dit ook sonder die voortdurende werke van die
liefde selfs die aanvanklike mees onwankelbare geloof
uit.
[5] Deur die wonderwerk, wat vir My maklik was om te
doen, het Ek nie alleen julle heeltemal weggevalle
geloof in julle siel opgerig nie, maar ook julle liefde vir
My aangewakker; en in die lig van die ware, ewige
lewensvlam het julle toe ook vinnig en maklik gesien
Wie daar in My na julle toe gekom het.
[6] En noudat julle dit onmiddellik en sonder baie moeite
en prediking gesien het, moet julle ook daarvolgens
handel, sodat julle en julle nakomelinge deur die werke
van die liefde in My Naam in die lewende geloof
bly!”
Hier herken hulle die Meester as JaHWeH self, die oertydse
Melgisédek koning van Salem, wat meer is as Moses en
Elia, die twee voorlopers van die laaste Melgisédek-orde in
ons tyd. Hier word die werke van naasteliefde as onontbeerlik
genoem om die gevalle geloof in die siel weer op te
rig.
Die geestelike ooreenstemming van die
vernuwing van die vervalle kasteel
58 (Die Meester:) “Maar sodat ook julle weet waarom
Ek nou hierdie ou, vervalle kasteel, waarin konings
vroeër gewoon het, weer opgerig en as te ware weer
heeltemal opnuut opgebou het, moet julle let op wat Ek
julle nog gaan sê:
[2] In die eerste plek kom die opnuut oprig van hierdie
ou koningskasteel ooreen met die feit dat Ek die ou,
geheel vervalle geloof in die een, enige ware God,
nou weer oral opnuut tot lewe bring.
[3] Daar is van die ou kasteel van die geloof nog wel
enkele verweerde, verbrokkelde en vervalle
waarheidsreste aanwesig; maar dit deug nie meer as
lewenswoning van My liefde en erbarming vir die siele
van My kinders nie, soos wat julle ten tye van die koning
van Salem was, maar dit deug nog slegs as woning vir
hulle wie se gemoed geheel en al soos die van die
ongediertes lyk wat hierdie kasteel al `n lang tyd
herhaaldelik en in baie vorme bewoon het.
[4] Die kasteel was sodoende `n getroue beeld van hoe
dit nou met die geloof in God en met die hou van Sy
wette daar uitsien, en wel veral in en rondom
Jerusalem.
[5] As daar geen volledige verbetering en ommekeer na
My sal plaasvind nie, sal Ek die stad en iedereen wat
aan haar kant staan nog erger besoek as wat Ek ten tye
van Lot, Sodom en Gomorra besoek het; en daarmee
wys Ek julle op die tweede rede waarom Ek hierdie
kasteel nou opgerig het en weer heeltemal opnuut
opgebou en van alles voorsien het!
[6] As My oordeel oor die goddeloses in Jerusalem en
wye omgewing kom en My weinige getroues op die vlug
sal slaan, sal hulle ook hierheen kom. Neem hulle
ook op, en maak sodoende in julle nou die opnuut
opgewekte geloof heeltemal lewend deur die werke van
die liefde in My Naam!
So word die ou geloof, in ons tyd die verdraaide Christendom,
omskep tot `n kasteel van geloof met vol voorraadkamers
waarna die res van die gelowiges in die wêreld
heen sal kom om beskerming te soek in die tyd van oordeel
wat voorhande is. Die onderhouding van die 12 liefdeswette
sal sentraal in hierdie nuwe opgerigte kasteelharte wees, en
vanoor die hele wêreld, en nie net Jerusalem nie, sal
gelowiges na hierdie kasteel/Melgisédek-orde toe trek
omdat die res van die wêreld geoordeel gaan word.
Hierdie boonste gedeelte van die kasteel wat ons Meester
so wonderbaarlik herstel het, stel die siele van die mense in
die laaste Melgisédek-orde voor wat herstel gaan word en
wat van genoegsame geestelike voorraad voorsien gaan
wees. Nou is daar egter ook `n verborge gedeelte onder die
grond wat die gees voorstel. Kom ons lees verder:
Die kasteel van Melgisédek
59 (Die Meester:) “Maar in hierdie kasteel is ook nog `n
groot, van basaltstene gemesselde kelder! Het jy dit
nog nooit ontdek en gesien nie?”
[2] Die oue en `n paar van sy byna ewe oud nefies sê:
“Ja, daar moes vroeër wel `n kelder vol uitstekende
wyn bestaan het, en daar moet ook ander skatte in
verborge wees, maar niemand van ons het dit ooit
gewaag om hom in die onderaardse ruimte te begewe
en daarin tussen allerlei kwaadaardige ongediertes en
ander bose magte speurwerk te doen nie, en sodoende
ken niemand die egte, korrekte toegang tot die
genoemde kelder nie. Waar en hoe kan mense daarin
kom? Deur U mag sal ook dit, net soos al die ander,
hom nou wel in `n uitstekende toestand bevind?”
[3] Ek sê: “Sekerlik, as julle dit glo; maar aangesien
niemand van julle die ingang ken nie, volg My, so sal
Ek julle na die kelder bring!”
[4] Daarop volg die oue en nog tien van sy familielede
My met `n aangesteekte fakkel van was, wat ons uit die
kombuis neem, waar daar baie van in voorraad was, en
wat ons ook daar aansteek. Van die genoemde groot
kombuis lei `n pilaregang na `n groot poort, wat van `n
plaat basalt gemaak was. Ek laat sien hoe die poort
baie maklik geopen kon word, en Ek Self open die
groot, swaar poort. Toe die poort oop is, word daar
dadelik `n breë trap sigbaar, waarlangs mens baie goed
in die baie ruim, groot kelder kon kom.
Die onderaardse kelder, wat die gees van die mens
voorstel, waarin die lieflikste wyn verborge lê, wat die Liefde
voorstel, kon nie bereik word nie. Nou eers, met die
Messias uiteindelik hier, kan Hy Self die weg wys na die
kelder/gees van die mens en Hy open die poort deur te sê,
“Volg My”.
[5] Toe ons in die kelder kom, waaroor hierdie arm
Judeërs weer buitengewoon verbaas was, tref ons daar
`n groot aantal groot en klein klipvate en `n nog groter
hoeveelheid klip, silwer en ook goue drinkgerei aan,
waarna die arm Judeërs natuurlik baie verbaas kyk en
waarvan hulle nie weet of hierdie dinge ook op
wonderbaarlike wyse deur My geskape was of dat dit,
wat die uiterlike daarvan laat vermoed, nog uit die
oertyd stam nie.
[6] Maar Ek sê vir hulle: “Wat ons hier gevind het, stam
alles nog uit die tyd van die groot koning en
hoëpriester van Salem. Dit was op aarde sy kasteel
wat net soos die berge met hulle dikwels baie
wonderbaarlike grotte en gate nie deur mensehande
gebou is nie, maar deur dieselfde mag waardeur dit nou
weer opnuut opgebou is. Want Ek alleen is die ware
Koning van Salem en Hoëpriester Melgisédek in
ewigheid!
[7] Maar neem nou die kraffie in die hand en vul dit met
wyn, waarvan hom hier in die groot vate `n meer as
groot voorraad is!”
[8] Nou neem die arm Judeërs wel vol vreugde die
drinkgerei, maar hulle weet nie hoe hulle die wyn uit die
groot klipvate moes kry nie, wat met swaar, gladde
klipplate volkome hermeties (lugdig) afgesluit was.
[9] Toe toon Ek hulle onderaan die vate, wat met `n stop
diggemaak was, `n ietwat uitspringende opening, trek
die stop met gemak uit die opening, en onmiddellik
stroom daar ryklik `n ou, uitstekende wyn uit in die
drinkgerei, wat daaronder gehou word; want die uiters
kragtige geur daarvan vertel dadelik aan alle
aanwesiges, waar ook die kommandant en een van sy
onderoffisiere by was, dat mens hier met `n ou,
uitstekende wyn te make het.
Hierdie goeie ou wyn stel, net soos die bruilof te Kana, die
wedergeboorte van die gees van die mens voor, deur die
ware Hoëpriester Melgisédek, naamlik JaHWèshua
Messias.
[10] Toe alle kanne gevul en dit een na die ander in die
groot eetsaal op die tafel geplaas was en hulle die wyn
opgedien het, het hulle weer na ons toe gekom, terwyl
ons nog in die kelder was, en Ek sê vir die oue: “Kyk,
hierdie wyn is weliswaar ook gepers van druiwe wat in
die land gegroei het - maar dit is byna net so oud soos
hierdie kasteel! Dit is `n tiendewyn, wat deur alle
konings, waaroor die koning van Salem geheers het,
aan Hom as offer gebring was, en dit moes tot nou
bewaar gebly het, sodat Ek nou, as heeltemal
dieselfde koning, saam met almal wat in My glo en
My volg, van die ou tiendewyn kan drink.
Deur hierdie wyn te drink, kon hulle dus ook vanuit die
Levitiese orde toegang verkry tot die hemelse Melgisédekorde,
deur ons Messias, mits hulle sou afsien van die ou
Levitiese orde en Hom, die ware en ewige Hoëpriester, sou
volg.
[11] Solank hierdie kasteel in My Naam sal bestaan, sal
die wyn ook nie uitgeput raak nie; maar tog sal hierdie
kasteel en `n groot gedeelte van hierdie stad driehonderd
jaar na My hemelvaart deur die mag van ons
teenstanders dermate so verwoes word, dat mense die
plek waar julle nou staan nie meer sal herken nie. Maar
dit is nie belangrik nie; want Ek bou nou `n nuwe
kasteel vir Myself in die harte wat, wanneer dit
eenmaal stewig gevestig is, nooit meer vernietig sal
kan word nie.
Hierdie gedeelte verwys na die vergadering te Nicea in 323
NC toe Konstantyn die vervalste Bybel saamgestel het om
die volk te mislei met `n nuwe vormgodsdiens, maar ons
Meester was hulle een voor en bou toe die huis in die harte
van die mense, en wat nooit vernietig sal word nie.
[12] Hierdie ou gedenktekens sal ook heeltemal
verdwyn, sodat die mense geen afgodery daarmee sal
kan bedrywe nie. Maar tot byna driehonderd jaar na My
hemelvaart sal die kasteel nog daar staan en sal hierdie
wyn nie uitgeput raak nie, en dit sal vir hulle, wat uit
Jerusalem vlug, as onderdak dien en die wyn om hulle
te versterk.”
Uit die tyd van die koning van Salem
60 Nou vra die oue vol diep ontsag: “Meester, Meester,
as mens dit so lees, was die geheimsinnige koning van
Salem tog al gou daar nadat Noag uit die ark gestap het
en die aarde begin verbou het. Sy kinders kon hulle in
die kort tyd tog nie so geweldig vermeerder het nie, dat
daar in die tyd van die koning van Salem op aarde al so
`n groot aantal ander klein konings was, wat Hom die
tiende as offer kon gebring het nie? Net soos baie
ander dinge in ons boeke, klink dit baie misterieus en
kan nie met ons verstand begryp word nie.
[2] En U sê ook dat U sou opvaar! Wat is dit? Waar vaar
U heen, en wanneer? Meester, Meester, verklaar ons dit
ietwat van naderby, sodat ons dit uiteindelik in U Gees
van waarheid, liefde en lewe ook aan ons nageslag kan
uitlê en hulle ons glo wanneer ons vir hulle sê dat U, o
Meester en Leraar Self Die Een was wat aan ons die
buitengewone dinge geopenbaar het!”
[3] Ek sê: “Wat die tyd van die koning van Salem
aanbetref: Hy was daar al ewig vóór enige skepsel en
derhalwe ook vroeër as Noag. Wat egter die aardse tyd
betref, waarin Hyself in die gestalte en persoonlikheid
van `n engel uit die hemele die mense oor Homself en
oor hulle bestemming onderrig het: Hy was daar al van
tyd tot tyd tydens die lewe van Noag en het met hulle
gespreek, maar `n werklike koning- en priesterskap was
eers ingestel `n paar honderd jaar nadat Noag die ark
verlaat het, en die tyd het Noag en sy drie seuns nog
self meegemaak. In die tyd was die aarde alweer
digbevolk, en die baie stamvaders van klein volke voer
die titel koning, en bring elke jaar hulle offers na Salem
en was deur die Koning onderrig.
[4] Toe die volke hulle egter meer oor die wye aarde
versprei het, vergeet hulle die Koning der konings en
begin hulle van Hom af te skei; ook hulle wat naby Hom
gewoon het, het nie meer na Salem getrek nie. Toe
verlaat die Koning ook die kasteel en besoek hom nog
maar selde. Enkele patriarge het aan Hom trou gebly,
soos byvoorbeeld Abraham, Isak en Jakob, en later alle
groot en klein profete en nou in vlees en bloed ook julle.
[5] Wat My hemelvaart betref, het dit `n dubbele
betekenis. Die eerste sal, van nou af gereken, geen jaar
meer op hom laat wag nie; die tweede egter sal in elke
mens wat werklik in My glo, bewerkstellig word deurdat
die Gees van My Liefde in sy hart sal opstaan en die
verstand van die mens in alle wysheid van die hemele
sal binnelei.
[6] My persoonlike hemelvaart sal egter plaasvind kort
nadat die liggaam van My, weer uit die graf sal opstaan
en so in My goddelike wese sal oorgaan, drie dae nadat
dit gedood is deur die hande van God se vyande.
[7] Soos julle dit gehoor het dat Elia vroeër sigbaar en in
`n vurige wa na die hemel opgevaar het, so sal Ek ook,
sigbaar vir baie van My vriende, van die materiële
bodem van hierdie aarde opvaar na die sigbare hemel.
En voortaan sal Ek nie soos nou persoonlik sigbaar
rondwandel onder alle mense - goeies en slegtes - en
hulle onderrig nie; maar Ek sal alleen in die gees, goed
waarneembaar en herhaaldelik ook sigbaar, onder hulle
wandel en hulle onderrig en lei, die wat in My glo en My
bo alles liefhet en hulle naaste soos hulleself. Want in
die hart van sulke mense sal Ek vir Myself die
genoemde nuwe kasteel bou en My intrek daarin
neem.”
Die aandete in die ou eetsaal
61 (Die Meester:) “Diegene by wie Ek sal woon, sal My
ook goed waarneem en Ek sal hulle Self onderrig en lei,
en so sal julle wat My egter liefhet, altyd deur My
onderrig en gelei word en sal die ewige lewe in hulle hê.
Maar die harte-kastele van hulle wat hulle van My
verwyder, soos wat die konings in die ou tyd hulle
suiwer uit liefde vir die wêreld van die koning van Salem
verwyder het en Hom nie meer ten offer gebring het wat
hulle Hom moes bring nie, sal ook deur My verlaat
word. En soos wat dit was in die tyd van die Koning van
Salem toe Hy hierdie kasteel saam met alle engele wat
Hom gedien het, verlaat het en daar onder die volkere
en hulle konings maar al te gou allerlei tweedrag, nyd,
afguns en daardeur ook oorloë ontstaan het, so sal dit
in die toekoms ook wees onder hulle wie se hartekastele
Ek sal verlaat. Dan sal die een volk teen die
ander opstaan en poog om hom te onderwerp.
[2] In diegene wat in My leer en liefde sal bly, sal Ek ook
bly, en werklik: Uit sy lendene sal strome lewende water
vloei, en wie van die water sal drink sal in ewigheid
nooit meer dors hê nie!
[3] My leer en die goddelike wysheid daarin, is die ware,
lewende water. Wie daarvan drink, sy siel sal weldra
met alle wysheid gevul en vir ewig versadig word, en
dan sal julle nooit meer dors en honger na `n hoëre
waarheid en wysheid nie.
[4] En so het Ek nou aan jou, My ou Judeër, verklaar
wat tevore vir jou duister en onverklaarbaar gelyk het!
Maar dink nou nie wat jy nou al in alle waarheid en
wysheid ingevoer is nie; dit sal jou eers ten deel val
wanneer Ek in die gees van alle waarheid en wysheid
ook in jou hart opgestaan het en na die lewe-hemel van
jou siel opgevaar het. “
Hiermee sluit ons die verhaal in die kasteel van Melgisédek af en
u sal hieruit nog talle ander geestelike waarhede kan uitdiep.
|
|
|
 |
|
