 |
DIE MELGISEDEK ORDE
VERSKEIE SKRYWERS
Hoofstuk 26
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
LUCIFER SLAAN TOE OP DIE NUWE HUIS
Gedurende hierdie tyd was die Dogter van Sion fluks besig
om die profesieë van Jakob Lorber te vertaal, en hierdie
geestelike voedsel was vir ons soos manna uit die hemel.
Op `n dag ontvang ek `n profesie van `n Amerikaanse vrou
oor die Boerevolk in Suid-Afrika en was onmiddellik vasge142
vang. Ek het op haar webwerf ingegaan en haar geskrifte/
profesieë begin lees. Ek was verstom oor die magdom
inligting wat ons “Vader” aan haar deurgegee het. Hierdie
“profeet” se naam was Linda Newkirk. Ek het haar
persoonlik gekontak en was aangenaam verras oor die
innemende, sagte en liefdevolle persoonlikheid van hierdie
vrou. Hierdie vrou het werklik net liefde oor die telefoon
uitgestraal. Wanneer sy telefonies gebid het vir hierdie volk,
het die elektriese rillings teen jou ruggraat af- en opgegaan.
Haar boodskappe was kragtig en ek moet erken, ek was
“hooked”, soos die Engelsman sê. Vir `n volle jaar het ons
telefoniese kontak gehad, soms een uur op `n slag. Dogter
van Sion het gestaak om die boeke van Lorber te vertaal,
en Newkirk se profesieë is onmiddellik vanuit Engels na
Afrikaans vertaal. Honderde boeke is gedruk en versprei
onder die volk. Die profesieë is letterlik opgeëet deur
soekende mense. Daar het persoonlike boodskappe gekom
vir myself, vir die Dogtrer van Sion gemeente, vir die
Boerevolk. Dreigende boodskappe vanaf “Vader” is vir
Mandela en Mbeki gegee, en sommige is persoonlik
afgelewer. Dit was `n besonder besige tyd vir die Dogter
van Sion, maar reeds het die grootste euwel van die
mensdom begin deurskemer, naamlik hoogmoed. Ons het
gedink ons is die onmisbare skakel in ons Vader se plan,
ons het baie belangrik geword en die persoonlike boodskappe
aan ons het dit verder aangehelp. Die aanslag van
Lucifer was baie subtiel, maar dodelik effektief.
Gedurende hierdie jaar, 2003/2004, was talle groepe binne
die volk besig met oproepe tot verootmoediging en gebed.
So het ons as Dogter van Sion ook uitgereik en `n verootmoedigingsdiens
beplan vir die 27ste April 2004, op die
swartes se Vryheidsdag. Uitnodigings is landwyd uitgestuur
na alle regse geloofsgroeperinge, maar weinig het belang
gestel. Dogter van Sion was al teen die tyd melaats by ons
mede-geloofsgenote, oor die dinge wat by Bloedrivier
gebeur het, maar ook oor die stroom van nuwe openbaringe
wat die land ingegaan het. Alhoewel ons die dag sowat 300
boere bymekaar kon kry vir die verootmoediging, was daar,
buiten ons, slegs 2 Israelgroepe wat as groepe verteenwoordig
was.
Ook op hierdie dag is daar `n spontane Gelofte opgestel en
geteken, waar ons beloof het om voortaan in broederliefde
met mekaar om te gaan. Die dag was gekenmerk deur `n
sterk en tasbare geestelike teenwoordigheid van engele.
Judith de Beer, `n Boeredogter van Sion, het `n pragtige
visioen-ervaring gehad onder gebed, waar sy gesien het
hoedat Vader geestelike gawes neerstort op hierdie
groepie. Min het ons geweet dat dit beloof was vir die toekoms,
en dat sy, Judith, self die eerste een was wat hierdie
uitstorting sou beleef in Junie 2007.
Die verrigtinge is weereens afgesluit met nog `n
klipstapeling onder dieselfde eikeboom op die terrein van
die Dogter van Sion. Tydens hierdie geleentheid, waar ons
die klipstapel met die silwer Boek van Herinnering bo-op
met olyfolie gesalf het, het `n wonderbaarlik ding tydens
gebed gebeur. Die silwer buiteblad van die Boek van
Herinnering was ongeveer `n half-sentimeter dik met olie
gegooi, so ook die klipstapel. `n Hele 750ml bottel is
gebruik. Toe ek die gebed beëindig, my oë oopmaak, merk
ek dadelik op dat die olie op die Boek verdwyn het. Ek sê vir
Callie Herbst, my broer; waar is die olie? Dit was weg. `n
Jong seun van 18 jaar staan toe nader en vertel die
volgende: Hy sê dat toe ons gebid het, open Vader sy
geestelike oë en hy sien die volgende:
Regs langs die hoop klippe wat so pas gepak was, het ons
Meester, JaHshua gestaan. In Sy regterhand het Hy `n
silwer swaard vasgehou, en met sy linkerhand se mou, het
Hy die olie van die voorblad van die silwer Boek van
Herinnering afgevee! Daardie hoendervleis en rillings wat
by elkeen se rug afgegaan het, sal ek nooit vergeet nie.
Ons het GEWEET dis waar, want die oomblik was so
gewyd en groot. Hiermee het ons geweet dat hierdie
Gelofte Sy guns weggedra het en ons was verheug
daaroor.
Gedurende Augustus 2004 kry ek `n benoude oproep vanaf
`n Amerikaanse lughawe af. Linda Newkirk is besig om te
vlug. Sy beweer die CIA jag haar en wil haar doodmaak.
Kan sy Suid-Afrika toe kom, want sy het nêrens op aarde
waarheen sy kan gaan nie. Nou ja, ons het toe sowat `n jaar
gelede `n skriftelike Gelofte aan ons Vader gemaak dat ons
ons huis sal beskikbaar stel vir Sy kinders. Ek het geen
keuse gehad nie, ons het dadelik geld ingesamel en haar
kaartjie betaal. Op 13 Augustus kom sy toe hier in Suid-
Afrika aan, en dit word toe die stormagtigste 50 dae van my
en Dogter van Sion se lewe. Alles en almal berei voor op
haar koms, die rooi tapyt word letterlik vir haar oopgesprei.
Honderde mense besoek die Dogter van Sion gedurende
hierdie tyd. Sy sien daagliks tot 7 groepe waarvoor gebid
word. Ek is getuie van wonderbaarlike bekerings, demone
wat uitgedryf was, mense wat genees was en vele ander
wonderlike dinge. Maar, helaas, tussen al die wonderwerke,
kom die dodelike gif van Satan ook toe deur en weereens is
dit die hoogmoed wat sy tol kom eis. As Ms Newkirk iets
wou hê, en dit word nie vinnig genoeg na haar sin gegee
nie, kom daar kort daarna `n hemelse boodskap en dit in die
vorm van; “So spreek JaHWeH”, .... en dan doen ons dit,
sonder om vrae te vra. So het sy dan ook alle teenstand
weggevee, so het sy `n Trust laat opstel waarin sy die hoofaandeelhouer
sou wees, want sê sy, in God se orde is die
profete heel bo, dan die apostels, dan die herders en
evangeliste. So het sy byna die hele plaas begin beheer, en
as iets drasties nie gebeur het nie, sou sy dit ook nog onder
ons uitgehad het. Maar prys ons wonderlike Vader, Hy was
nog steeds in beheer, en het net verlang dat ons liefde
onder mekaar moes gehad het, want dit was met hierdie
onderlinge liefde, wat hierdie valse insypelaar verslaan is.
Die dodelikste ding wat sy gedoen het, was om aan mense
titels en range te gee, en gemaak het of dit JaHWeH Self
Die Broederskap alliansie Verbond wat geteken is op 27 April 2004
deur verskeie groepe Israeliete in Suid-Afrika. Nie almal het geteken
nie, en sommige het namens hulle gesin of groep geteken.
was wat dit gedoen het. Hierdie vrou was ongelooflik begaaf
met `n intellek wat vir niks geskrik het nie. Later sou ek
uitvind dat sy een van slegs drie mense in Amerika was,
wat die hoogste onderskeidings ooit in sielkunde behaal
het. Sy het die vermoë gehad om verskillende gesprekke
gelyk te monitor, en uit haar waarnemings het sy mense as
apostels, herders, evangeliste en profete geïdentifiseer. Die
titels was dan later onder gebed, waar sy voorgegee het dat
sy die Vader self raadpleeg, deurgegee aan die mense. Die
mense, en daar was sowat 300 van hulle, was so aangedaan
en geraak deur hierdie vrou, dat ons werklik geglo het
in ons roepings.
Vandag weet ek, dat ons almal, deur hierdie boeke van
haar te gelees het, onsself deur haar gees vervul het, en
dat hierdie selfde gees ons bedwelm het. Hier was dit die
klassieke geval van gees-oordraging, net soos wat mens dit
in valse kerke vind, waar elkeen in die kerk met dieselfde
gees beset raak. Die gevolg was dat ryker mense wat geld
gehad het, ook die beste titels weggeraap het. As jy haar
gunsteling was, het jy profeet of apostel geword. As jy in
haar slegte boekies was, word jy stoorman op die plaas of
jy moet met die diere werk! So het daar toe onder mekaar
`n rangorde ontstaan. Apostels het hulle beter geag as
ander, profete het feitlik mag van lewe en dood gehad, want
een van die profete het sulke lang drome gehad, dat een
nagskof te kort was vir alles wat hy opgedroom het.
Manipulasie en beheer was aan die orde van die dag.
Mense wat nie hulle titels en poste kon verwerk nie, het
afgunstig en hoogmoedig op hul medebroers en -susters
geword.
Ek het nou hierdie fase van die geskiedenis van die Dogter
van Sion redelik in detail geskets, want elkeen van ons
moet gedurig op ons hoede wees teen dieselfde soort van
magsbeheer oor ons lewens. Die ironie is dat die meeste
mense wat vandag nog so lekker lag oor die petalje van die
Dogter van Sion en hierdie verleidster, sit self nog net so
diep in hul eie verleiding vas. Vandag is daar vele vingerwysendes,
wat almal self teenwoordig was, wat gerieflik
vergeet hoe lekker dit was om die groot apostel of profeet
van Linda Newkirk te wees. Wat wel gebeur het met die
opregte mense op die plaas, was dat ons mekaar baie beter
leer ken het, en naasteliefde het werklik gedy onder
mekaar. Mense was baie behulpsaam en ondersteunend.
Op `n dag besluit `n groep om vir Judith de Beer in
Ottoshoop te gaan kuier, en hulle neem vir Ms Newkirk
saam. Hulle was sowat 20 wat van Dogter van Sion gereis
het met `n Unimog. Hier bars die bom toe letterlik. Judith
sien toe deur hierdie vrou se manipulasie en die gort was
behoorlik gaar. Gerrit Venter, eienaar van die Unimog, en
Ms Newkirk bots toe trompop en met die eersvolgende
vergadering op die plaas trek Ms Newkirk in `n vreeslike
tirade teen my en Dogter van Sion los. Sy bid en skreeu dat
die spoeg spat. Dis asof sy letterlik mal geword het. Toe is
al die mooi woordjies en die kamma-liefde verby. Sy was
teengegaan, ek het hulle kant gekies en dit was onvergeefbaar.
God se “alleen-bruid” duld dit toe nie. Hier manifesteer
sy toe as dit wat sy altyd was, naamlik `n gemaskerde
Jesébel-gees. Die mooi kleed van `n engel van die lig val
toe af en onder dit kom die vieslike kleed van boosheid toe
te voorskyn, die kleed van onvergewensgesindheid,
hoogmoed, heerssug en onbeheerste woede. Satana (satan
se vroulike gees) staan toe in haar volle glorie voor ons, en
spoeg soos `n groen mamba.
Van hier af is sy toe vort na Springs, en die skille begin toe
van ons oë afval. Een vir een kom ons almal uit ons beswyming
uit. Mense, dit was erg, en ek kan nou nog presies
voel hoe erg dit was, die verslaentheid, die leegheid en die
vernedering wat `n mens gevoel het oor hierdie groot
verleentheid waarin jy jou volk laat beland het. Veral ek was
verpletter. Ons, die uitverkose Dogter van Sion, met God se
uitverkose bruid was dan op pad om die koninkryk op te rig!
Nou sien ons dat dit alles `n versinsel en misleiding van
Lucifer was. Vandag weet ek dat net die liefde onder
mekaar ons gered het, en dat dit die alleenlike faktor was
waarmee ons Liewe Vader ons oë oopgemaak het. Die
liefdesband onder mekaar kon sy nie gebreek kry nie. Soos
een man het ons saamgestaan, die oorblywende boeke
verbrand en elke teken van haar bestaan by ons uitgewis.
Baie skade was gedoen, en nie `n bietjie aan die menslike
ego`s nie. Ons by die Dogter van Sion sou weer van voor af
moes begin. Vandag dank ek ons Abba Vader vir hierdie
toets waardeur ons moes gaan. Dit het baie van ons
verdeemoedig. Ook weet ek vandag dat Lucifer nie verniet
een van sy bestes gaan haal het in Arkansas in Amerika om
haar na hierdie klein plasie in Suid-Afrika te laat kom nie.
Vanaf hierdie einste plek sou nog meer wonderwerke
plaasvind met betrekking tot die toekomstige planne van
ons Hemelse Vader vir Sy Sionsvolk.
Dadelik het ons met hernieude ywer voortgegaan met die
vertalings van die Groot Johannes Evangelie van Jakob
Lorber, wat ons toe al byna vir een jaar nagelaat het.
Hierdie boeke van ons Meester JaHshua was waarlik ons
redding gewees, want dit was daarmee wat ons kon
staande bly teen Lucifer se gesant. Hiermee het die 16de
Desember 2004 ook nou aangebreek en ons het ons
gereedgemaak vir die Geloftevieringe op Kameeldrif.
|
|
|
 |
|
