 |
DIE MELGISEDEK ORDE
VERSKEIE SKRYWERS
Hoofstuk 14
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
OPENBARINGE OOR DIE MELGISÉDEKORDE
WAT OPGERIG GAAN WORD IN
SUID-AFRIKA 12 Die ware betekenis lê egter daarin dat ons
Meester na `n spesifieke groep Judeërs (Sion)
sal kom aan die eindtyd, hulle geestelik kom
oprig, soos wat Hy nou doen in Suid-Afrika, met genoeg
voorraad/geestelike literatuur, sowel as genoegsame geestelike
wyn/liefde, sodat die kasteel sal dien as versamelplek
van alle kinders van Sion, wat regoor die wêreld versprei is.
In die res van die openbaringe aan Jakob Lorber en Dudde
leer ons nie veel meer oor hierdie onderwerp nie, maar
danksy die onlangse profesieë gedurende Mei 2007 tot
Oktober 2007 aan Judith de Beer, het Vader ons baie meer
lig gegee. Ons sal die profesieë nou behandel:
Openbaring 11 aan Judith de Beer
5 Junie om 09h30
....... Ons begin vandag met jou tweede vraag eerste.
Julle baie klein volkie (Boervolk) is My volk wat as
voorbeeld vir die hele wêreld sal dien. Selfs deur die
enorme foute wat julle begaan het, sal dit ook as ‘n
leerskool vir alle volkere dien. Daarom sê Ek weer:
Verbly jou O Sion, die hart van jou wese sit in die
Suidpunt van Afrika. My dag het naby gekom dat Ek
hierdie vertrapte klein weeskind by die hand gaan vat
en met die genade van My liefde sal Ek Myself hom
reinig. Onder My leiding sal hy in Gees en Waarheid oor
My nuwe volmaakte aarde regeer. Sion, jy is My uitverkorene
wat dwars oor die hele wêreld verteenwoordig is
en in al jou onontbeerlike lede, sal jy as een koning
onder die naam Melgisédek uit jou “HART” oor My
volmaakte skepping regeer. Vertaal daarom hierdie
werke ook in ander tale .......
Omdat die hart so belangrik is in die geestelike opset van
die mens, want dit is waar die kontakpunt sit tussen die
geestelike en die fisiese, via die klein lewenskamertjie in die
hart, beteken dit dat die hart is waar JaHWèshua is, of
anders gestel, sal die hart van die Melgisédek koning IN die
hart van JaHWèshua wees. Die ander onontbeerlike lede
sal vanoor die res van die wêreld kom om hier, in die land
suid van die riviere van Kus (Etiopië) te versamel (sien ook
Jesaja 18 en Sefanja 3).
Openbaring 54 aan Judith de Beer
19 Julie 2007 om 19h00
Die geboorte van die priesterkind
Alles in my oneindigheid swyg in stille verwondering oor
die lewende energie wat deur ewige ruimtes in alle
ewighede invloei en wat afkomstig is uit die blydskap
van my Vaderhart, oor die geboorte van `n hemelse
kind op hierdie klein aarde.
Eens op `n tyd in die hemele, ten aanskoue van
oneindige hemelskares, is daar vergadering gehou en
daar was sekere uitverkieste geeste teenwoordig wat
met My `n kontrak aangegaan het. Hierdie engele het
onderneem, om net soos wat Ek as mens oor die aarde
gegaan het, dieselfde te doen. Nie een het homself
ontsien nie en het `n moeilike menslike kruis wat baie
versoekings insluit, vir hulself gekies. Hierdie hemelwesens
het al hul godgegewe mag asook hul selfkennis
vrywillig neergelê en is as swak onbeholpe mensekinders
op hierdie aarde gebore en `n baie moeilike
weg het hulle oor hierdie aarde gegaan en niks is hulle
gespaar nie. Die wêreld het met lis gelok en wesens
van groot naam het hard geval, maar telkemaal het Ek
hulle self met die hand opgehelp. Die tyd het nou ryp
geword en daar is onder hulle sommiges wat iets begin
vermoed, wat die oeroue liefde vir My onwillekeurig laat
ontvlam en met vurigheid getrou aan hul aard, wil hulle
weer lojaal werksaam in hul ordes raak vir My en uit
engele kom daar vir My nou liefdevolle kinders uit
hierdie wêreld voort en sal vir My in slegte tye, getroue
Israeliete in ontsaglike gevare help bewaar. En so word
daar uit hierdie eerstelinge vir My `n priesterskind
gebaar en my Melgisédek koningskind, sal vir ewig
saam met My oor My hele skepping waak.
Op 19 Julie 2007 openbaar ons Vader dat die tyd nou ryp
geraak het vir hierdie orde om gebaar te word, wat `n
Melgisédek koning- en priesterorde gaan wees as `n enkele
eenheid wat onder en in Hom sal funksioneer.
Openbaring 127 aan Judith de Beer
Donderdag 27 September 2007 om 2h00.
Kerk en politiek
..... Maar reeds is Ek besig om in My getroues se harte,
met My ware lewende woord, in te trek en vanuit hier
sal Ek onder My Melgisédek orde regeer en My
uitverkore priesters, sal menig kind vanuit die
oneindigheid in waarheid en liefde, na My, hul God en
Vader, keer.
Openbaring 151 aan Judith de Beer
20 Oktober om 6h30
Die toekomstige Melgisédek orde
Netsoos aan My leerlinge van ouds sê Ek aan julle, wie
My in hierdie tye vanuit die opregte liefde van jul harte
wil volg; Volg My. Ook aan die blindes wat aan die hand
van ewe blinde wêreldkinders wil ronddwaal, doen ook
julle, volgens die keuse van julle vrye wil. Die
wêreldbevolking bestaan huidiglik meestal uit `n klomp
gestagneerde navolgers, wat dit wat hul meester, die
Wêreldmoondhede, as treffer van die dag vir hulle
aanbied, of dit nou die politiek, tegnologie, mode of die
geloof is, slaafs navolg.
My kinders het Ek op hierdie aarde as kreatiewe
vindingryke wesens geplaas, wat deurentyd met nuwe
gedagtes en idees na vore kan kom en die vermoë het
om op eie stoom te kan ontwikkel. Een van die redes
dat julle volkie die hele tyd besig is om koppe te stamp,
is juis as gevolg van die feit dat bykans almal onder julle
ook met sterk leierseienskappe toegerus is en daarom
sal die van julle, wat tot die geestelike eindronde van
hierdie getraumatiseerde eindtye, in My Naam sal kan
deurdring, deel uitmaak van My Melgisédek orde,
wat niks anders sal wees as `n geestelikwêreldse
parlement, bestaande uit Goddelike koningskinders
nie.
Wees daarom kreatiewe kinders van God, wat My, julle
Verlosser, keer op keer nuut en lewend, vanuit julle
harte aan julle naastes sal voorstel.
Ja, leef volgens julle eie unieke standaarde en
karakters en moenie blinde navolgers van verdraaide
leerstellings wees nie. Staan in hierdie tye soos Daniël
van ouds vas en moet julle knieë nie voor een enkele
faset van die wêreldmoondhede se vele afgode buig
nie.
|
|
|
 |
|
