 |
DIE MELGISEDEK ORDE
VERSKEIE SKRYWERS
Hoofstuk 30
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
16 DESEMBER 2006 – DIE NUWE
GELOFTE
Hierdie Geloftefees op 16 Desember 2006 was weereens by
Kameeeldrif 225 gehou, en al drie Geloftes is gelees, die 1838,
die Dogter van Sion–Boek van Herinnering-gelofte en die
Dogter van Sion Nuwe Huis-gelofte. Dit het spontaan gebeur,
nadat ons besef het dat ons Vader hierdie laaste Gelofte
geseën het. Die huis was nou funksioneel en mense het
weekliks ingestroom na hierdie huis, waarvan ons die deure
per gelofte vir Sy kinders oopgehou het.
Die res van 2006 en 2007 was gekenmerk deur wonderlike
geestelike openbaringe wat na ons toe gekom het. Die
grootste deel van die Lorberboeke se vertaling was
169
afgehandel, so ook die meeste van die Bertha Dudde werke
wat vanuit Hollands na Afrikaans vertaal is. Gedurende hierdie
tyd open Dogter van Sion nog `n webwerf,
www.nuweopenbaring.co.za waar al die direkte openbaringe
van ons Vader geplaas word. Al die boeke word gratis in
elektroniese formaat beskikbaar gemaak. Duisende mense
begin die webwerf maandeliks besoek en die nuwe openbaring
begin nou wêreldwyd bekend te raak.
Die wonderlikste gebeurtenis het egter die oggend van 30 Julie
2007 plaasgevind, toe Judith de Beer, `n Boeredogter van die
Dogter van Sion (nou wel sowat 50 jaar oud en nie meer `n
dogtertjie nie!) die innerlike stem van ons Vader hoor. So gee
Hy toe die eerste direkte boodskap deur na Sy Sionsvolk, die
Boerevolk in Suid-Afrika. Van daar af het sy ononderbroke elke
dag `n boodskap ontvang en vandag, 22 September 2007, is
ons reeds by die 122ste boodskap. Een van die mooistes,
gegee op 6 Julie 2007 lees as volg.
Uittreksel uit openbaring 41: ... Maar nog altyd in My
wysheid het Ek trou `n oorblyfsel bewaar en onder julle
volk het `n geringe groepie `n nuwe skriftelike
ooreenkoms met My aangegaan en in hierdie nuwe
skriftelike kontrak lê die hoop en opstaan van julle
volk.
Hierdie ooreenkoms kan net die Nuwe Gelofte wees, die een
wat op 22 September 2003 afgelê is vir die eerste keer en wat
onder die eikeboom bevestig is met `n klipstapel. Die een wat
Hy op wonderbaarlike wyse bevestig het met `n verdorde ou
eikeblaartjie. Hierdie inhoud sal deeglik bestudeer en nagekom
moet word deur elkeen in hierdie Sionsvolk.
Hierdie geskrif word tans geskryf, en dit is vandag die 23 ste
September 2007, een dag na die 22 September 2007, die dag
waar ons weereens hierdie Gelofte afgelê het as herinnering
aan ons belofte aan JaHWeH. Wat `n wonderlike
geseënde dag het ons nie gehad nie. Sy teenwoordigheid
was tasbaar vir elkeen wat daar was. Daardie middag
16h00 gee die Vader die volgende boodskap aan Judith,
naamlik Openbaring 122:
Die vyeboom se finale bot
“Nog altyd was My boodskappe en profesieë van so `n
aard deur profete en sieners aan die mensdom
oorgedra, sodat niemand `n vasgestelde tyd van die
einde daaraan kon koppel nie. En vir baie eeue het baie
geslagte voortdurend gespekuleer oor die spesifieke tyd
van My wederkoms en telkemale en met die nodige
tekens, het die vyeboom dikwels, tot aansporing van
vele geslagte se geestelike groei, gebot. Maar Ek sê
nou vir julle, sy loot het baie sag en groen vir sy
finale bot geword. Die onder julle wat julle gesig van
hierdie openbaringe wegdraai, omdat dit nie voldoen
aan die vereistes, wat volgens julle standaarde, rondom
My gebou is nie en julle julle daarom in hoogmoed en
trots vir my skaam, vir julle sê Ek: Die dag van die groot
ontmoeting het naby gekom, en ook sal julle nie
voldoen aan die verwagtinge wat ek rondom julle gebou
het nie, en wanneer julle in wanhoop na MY sal roep,
sal Ek julle die gesig wegkeer, omdat Ek My vir julle sal
skaam.
Maar My kinders waarsku Ek met `n dringendheid, dat
Satan die vermoë het om met `n flinke tong en vaardige
spraak, homself baie geloofwaardig aan die mens te
kan oordra. Wees daarom dubbel versigtig vir enigiets
wat na `n te maklike oplossing lyk.”
Hoe wonderlik is hierdie bevestiging nie! Dankie Abba
Vader, dat U ons nog `n kans gegee het in 1997, dat u mis
gegooi het op hierdie boom, dat u hom nie uitgespit het nie,
dat U hom voortdurend onderhou het, 49 keer daarna te
Bloedrivier en Kameeldrif 225, daarna die 50ste keer as
vrylating en ons daarna as volwaardige eie boom, op 22
September gevestig. Dankie, dankie dankie. Amein.
EINDE VAN INSETSEL OOR HUIS VAN SION OP ROTS
|
|
|
 |
|
