 |
DIE BOEK VAN OPENBARING
EMANUEL SWEDENBORG
Hoofstuk 6
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 4
Die inhoud van die hele hoofstuk
Dit behandel die reëling en voorbereiding van alle dinge in die hemel vir
die Laaste Oordeel, wat voltrek sal word vanuit die Woord, en volgens
die Woord, ook aangaande die erkenning dat die Verlosser die enigste
Regter is.
Open. 4:1 Ná hierdie dinge het ek gesien kyk, ‘n geopende deur in die
hemel, (`n openbaring aangaande reëlings van die hemele ter
voorbereiding vir die laaste oordeel vanaf die Verlosser, om voltrek te
word volgens Sy Goddelike Waarheid in die Woord) en die eerste stem
wat ek soos ‘n basuin met my hoor spreek het, het gesê: Kom op
hierheen, (Goddelike invloei, en daaruit `n verhoging van die verstand,
gevolg deur openbaring van persepsie) (begrip) en Ek sal jou toon wat ná
hierdie dinge moet gebeur. (openbarings van dinge wat moet gebeur voor
die laaste oordeel, aangaande dit, en na dit)
Open. 4:2 En dadelik was ek in die Gees, (hy was gelei in `n geestelike
toestand waarin die dinge wat bestaan in die hemel in openbarings
verskyn) en kyk, daar staan ‘n troon in die hemel (die oordeel in `n
verteenwoordigende vorm) en Een sit op die troon. (die Verlosser)
Open. 4:3 En Hy wat daarop sit, het in sy voorkoms gelyk soos die steen
jaspis en sardius; (die verskyning van die Verlosser se Goddelike
Wysheid en Goddelike Liefde in uiterstes) en rondom die troon was ‘n
reënboog wat in sy voorkoms gelyk het soos ‘n smarag. (en dieselfde
verskyning ook rondom die Verlosser)
Open. 4:4 En rondom die troon was daar vier en twintig trone, en op die
trone het ek die vier en twintig ouderlinge sien sit, (die reëling van alle
dinge in die hemel ter voorbereiding vir die oordeel) bekleed met wit
klere; (vanuit die Goddelike Waarhede van die Woord) en hulle het goue
krone op hulle hoofde gehad. (die dinge van Wysheid vanuit Liefde)
Open. 4:5 En daar het weerligte en donderslae en stemme uit die troon
uitgegaan (in voorligting, persepsie en onderrig vanaf die Verlosser), en
sewe vuurfakkels wat die sewe Geeste van God is, het voor die troon
gebrand; (die Nuwe Hemel vanuit die Christene)
Open. 4:6 en voor die troon was daar ‘n see van glas soos kristal,
(persepsie van Goddelike Geestelike Waarheid) en in die middel van die
troon en rondom die troon vier lewende wesens. (die Woord van die
Verlosser vanaf eerste tot laaste, en die bewakers daarvan) vol oë van
voor en van agter (die Goddelike Wysheid daarin)
Open. 4:7 En die eerste lewende wese was soos ‘n leeu, (die Goddelike
Waarheid van die Woord as krag) en die tweede lewende wese was soos
‘n kalf, (die Goddelike Waarheid van die Woord as Liefde) en die derde
lewende wese het ‘n gesig gehad soos ‘n mens, (die Goddelike Waarheid
van die Woord as Wysheid) en die vierde lewende wese was soos ‘n
arend wat vlieg. (die Goddelike Waarheid van die Woord as kennis en
vandaar begrip)
Open. 4:8 En die vier lewende wesens het elkeen vir homself ses vlerke
gehad, (die Woord volgens die krag daarvan, en volgens die bewakers
daarvan) en hulle was rondom en van binne vol oë; (die Goddelike
Wysheid in die Woord, in sy natuurlike betekenis vanuit sy geestelike en
hemelse betekenis) en hulle het sonder ophou dag en nag gesê: Heilig,
heilig, heilig is Jahweh God, die Almagtige, (dat die Woord onafgebroke
die Verlosser leer, en dat Hy alleen God is, en vandaar dat Hy alleen
aanbid moet word) wat was en wat is en wat kom! (die Verlosser)
Open. 4:9 En elke keer as die lewende wesens heerlikheid en eer en
danksegging gee aan Hom wat op die troon sit, (dat die Woord alle
waarheid en goedheid, en alle aanbidding aan die Verlosser wat sal
oordeel toeskryf) wat tot in alle ewigheid lewe, (dat die Verlosser alleen
lewe is, en dat ewige lewe vanuit Hom alleen is)
Open. 4:10 val die vier en twintig ouderlinge neer voor Hom wat op die
troon sit, en aanbid Hom wat tot in alle ewigheid lewe, (die
verootmoediging van almal in die Hemel voor die Verlosser) en werp
hulle krone voor die troon en sê: (die erkenning dat hulle Wysheid vanuit
Hom alleen is)
Open. 4:11 U is waardig, o Jahwehshua, om te ontvang die heerlikheid
en die eer en die krag, (dat die Koninkryk die Verlosser sin is deur
meriete en geregtigheid, omdat Hy die Goddelike Waarheid en die
Goddelike Goedheid is) want U het alles geskape en deur u wil bestaan
hulle en is hulle geskape. (dat alle dinge van die Hemel en die kerk
gemaak en gevorm was, en mense hervorm en wedergebore is vanuit die
Verlosser se Goddelike Liefde deur Sy Goddelike Wysheid, of vanuit Sy
Goddelike Goedheid deur Sy Goddelike Waarheid, wat ook die Woord is)
`n Geopende deur – wanneer dit verwys na die hemel – is toegang tot die
hemel, Maar hier ook – openbaring, omdat hy sê ‘ek het gesien en
gekyk.’
|
|
|
 |
|
