 |
DIE BOEK VAN OPENBARING
EMANUEL SWEDENBORG
Hoofstuk 10
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 8
Die inhoud van die hele hoofstuk
Die kerk van die hervormdes word hier behandel, volgens die kwaliteit
van diegene daarin wat in geloof alleen is, die voorbereiding van die
geestelike hemel vir kommunikasie met hulle, die ondersoek en
openbaring van diegene daarin, wat in die innerlike van hierdie geloof is,
van diegene wat in die uiterlike daarvan is, wat hulle is volgens die begrip
van die Woord, dat hulle in valsheid en vandaar in boosheid is.
Open. 8:1 En toe Hy die sewende seël oopgemaak het, (ondersoek deur
die Verlosser na die toestand van die kerk, en vandaar na die lewe van
diegene wat in Sy Geestelike Koninkryk, synde diegene wat in naaste
liefde en die geloof daarvan is, in hierdie geval wie in geloof alleen is)
toe kom daar stilte in die hemel omtrent ‘n halfuur lank.(dat die engele
van die Verlosser se Geestelike Koninkryk grootliks verbaas was toe
hulle diegene wat beweer het hulle is in die geloof in sodanige toestand
sien).
Open. 8:2 En ek het die sewe engele gesien wat voor God staan, (die hele
Geestelike hemel in die teenwoordigheid van die Verlosser, hoor en doen
wat Hy beveel) en sewe basuine is aan hulle gegee. (die ondersoek en
openbaarmaking van die toestand van die kerk, en daaruit die lewe van
diegene wat in geloof alleen is)
Open. 8:3 En ‘n ander engel het gekom en met ‘n goue wierookbak by die
altaar gaan staan, (Geestelike aanbidding, wat vanuit goedheid van naaste
liefde is deur die Waarhede van geloof) en baie reukwerk is aan hom
gegee, om dit met die gebede van al die heiliges op die goue altaar voor
die troon te lê (versoening dat die engele van die Verlosser se Geestelike
Koninkryk nie beseer sal word deur die geeste van die sataniese
koninkryk daar onder nie);
Open. 8:4 en die rook van die reukwerk het met die gebede van die
heiliges uit die hand van die engel opgegaan voor God (die beskerming
van hulle deur die Verlosser)
Open. 8:5 En die engel het die wierookbak geneem en dit met vuur van
die altaar volgemaak en dit op die aarde gegooi; (Geestelike liefde,
waarin hemelse liefde is, en die invloei daarvan tot in laer dinge, waar
hulle was wie in geloof geskei van naaste liefde was) en daar het stemme
gekom en donderslae en weerligte en aardbewing. (nadat kommunikasie
geopen was met hulle, was daar gehoor redenerings aangaande geloof
alleen, en bevestigings ten gunste van dit)
Open. 8:6 En die sewe engele met die sewe basuine het hulle gereed
gemaak om te blaas. (dat hulle gereed gemaak en omgord was, om die
toestand van die kerk te ondersoek, en vandaar die toestand van lewe met
diegene wie se godsdiens geloof alleen is)
Open. 8:7 En die eerste engel het geblaas, (die ondersoek en openbaring
van die kwaliteit van die toestand van die kerk met diegene wie innerlik
in die geloof was) en daar het hael en vuur gekom met bloed gemeng,
(die valsheid vanuit helse liefde wat goedheid en waarheid vernietig, en
die Woord vervals) en dit is op die aarde gegooi. En ‘n derde van die
bome het verbrand, (dat met hulle, alle liefde en begrip van waarheid wat
die mens van die kerk vorm, gesterf het) en al die groen gras het
verbrand. (dus elke lewende ding van geloof)
Open. 8:8, en die tweede Engel het geblaas - openbaring van
wat die toestand van die kerk is met diegene wat uiterlike in daardie
geloof is) iets soos ‘n groot berg wat brand met vuur, is in die see gegooi.
(die verskyning van helse liefde met hulle) En ‘n derde van die see het
bloed geword, (dat al die algemene waarhede met hulle vervals was)
Open. 8:9 en ‘n derde van die lewende skepsele in die see het gesterwe
(dat hulle wat gelewe het, en nog die geloof lewe, nie hervorm kan word
en lewe ontvang nie), en ‘n derde van die skepe het vergaan. (dat al die
kennis van goedheid en waarheid vanuit die Woord, vir die bediening van
werk en lewe, met hulle vernietig was)
Open. 8:10 En die derde engel het geblaas, (die ondersoek en openbaring
van die toestand van die kerk met diegene wie se godsdiens geloof alleen
is) en ‘n groot ster wat soos ‘n fakkel brand, het uit die hemel geval, (die
verskyning van hulle eie intelligensie vanuit hoogmoed wat voortkom
vanuit helse liefde) en dit het geval op ‘n derde van die riviere en op die
waterfonteine. (dat al die waarhede van die Woord daaruit heeltemal
vervals was)
Open. 8:11 En die naam van die ster word genoem Alsem; en ‘n derde
van die waters het als geword, (die helse valsheid vanwaar hulle eie
intelligensie kry, en waardeur al die waarhede van die Woord vervals is)
en baie mense het gesterwe van die water, omdat dit bitter geword het.
(die uitsterf van Geestelike lewe as gevolg van die vervalste waarhede
van die Woord)
Open. 8:12 En die vierde engel het geblaas, (die ondersoek en openbaring
van die toestand van die kerk met diegene wie se godsdiens geloof alleen
is, as synde in die boosheid van valsheid en valsheid van boosheid) en ‘n
derde van die son is getref en ‘n derde van die maan en ‘n derde van die
sterre, sodat ‘n derde van hulle donker sou word (dat as gevolg van
boosheid uit valsheid en van valsheid uit boosheid, het hulle nie geweet
wat liefde is, of wat geloof, of enige waarheid is) en die dag vir sy derde
deel nie lig sou gee nie, en die nag net so. (dat daar nie meer enige
Geestelike Waarheid of natuurlike waarheid is wat diensbaar vir
leerstellings en lewe met hulle vanuit die Woord is nie)
Open. 8:13 En ek het gesien en gehoor ‘n engel wat in die middel van die
hemel vlieg, (instruksie en voorspelling vanaf die Verlosser) wat met ‘n
groot stem sê: Wee, wee, wee hulle wat op die aarde woon, vanweë die
orige geluide van die basuin van die drie engele wat nog sal blaas! (die
innerlike bewening oor die verdoemde toestand van diegene in die kerk,
wat hulself bevestig het in leerstellings en lewe in geloof geskei van
naaste liefde)
Die verduideliking
Daar is twee koninkryke waarin die hele hemel verdeel is, die hemelse
koninkryk, en die geestelike koninkryk. Die hemelse koninkryk bestaan
uit diegene wat in liefde teenoor die Verlosser is, en daaruit in Wysheid.
Die geestelike koninkryk bestaan uit diegene wat in naaste liefde is, en
daaruit in intelligensie, omdat liefde teenoor die naaste in hierdie tyd
genoem word “naaste liefde” en intelligensie, geloof en waarheid, bestaan
die geestelike koninkryk uit diegene wat in naaste liefde is, en daaruit in
geloof. Nou omdat die hemel geskei is in twee koninkryke, is die hel ook
geskei in twee koninkryke wat teenoorgesteld is van hulle, die duiwelse
koninkryk en die sataniese koninkryk. Die duiwelse koninkryk bestaan uit
diegene wat in die liefde van oorheersing vanuit eie liefde is, en daaruit in
dwaasheid, want die liefde is teenoorgesteld van hemelse liefde, en die
dwaasheid daarvan is teenoorgesteld van hemelse wysheid. Die sataniese
koninkryk bestaan uit diegene wat in die liefde van oorheersing vanuit die
hoogmoed van hulle eie intelligensie is, en vandaar in waansinnigheid,
hierdie liefde is teenoorgesteld van geestelike liefde, en die
kranlsinnigheid daarvan is teenoorgesteld van geestelike intelligensie.
Deur dwaasheid en kranksinnigheid word bedoel dwaasheid en
kranksinnigheid in hemelse en geestelike dinge. Soortgelyke dinge moet
verstaan word van die kerk op aarde, soos gesê van die hemel, want hulle
is een. Aangaande hierdie twee koninkryke, sien die werk van Hemel en
Hel.
Die openbaring behandel alleenlik die toestand van die kerk aan die einde
daarvan. Daarom, wat nou volg behandel diegene wat in die twee
koninkryke van die hemel is, en van diegene in die twee koninkryke van
die hel, en hulle kwaliteit. Open. 8:8-16 behandel diegene in die
geestelike koninkryk, en die sataniese koninkryk. Open.17-18 behandel
diegene wat in die hemelse koninkryk is, en in die duiwelse koninkryk, en
daarna die laaste oordeel, en volgende die Nuwe Kerk wat die Nuwe
Jerusalem is.
Deur duiwels en satans word bedoel die hel.
Omdat almal in die een hel genoem word, word dit duiwels genoem wat
van die wil is, en in die ander word satans genoem wat van die denke is
|
|
|
 |
|
