 |
DIE BOEK VAN OPENBARING
EMANUEL SWEDENBORG
Hoofstuk 13
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 11
Die toestand van die kerk tussen die hervormdes word steeds behandel,
volgens die kwaliteit van diegene wat innerlik in geloof alleen is, wat
teenstrydig is met die twee noodsaaklikhede van die Nuwe Kerk. Wat
verklaar dat die Verlosser alleen God is van hemel en aarde, en dat Sy
Menswese Goddelik is. Dat mense moet lewe volgens die bevele van die
tien gebooie. Hierdie twee noodsaaklikhede was aan hulle bekend
gemaak. Dat hulle dit heeltemal verwerp het. Dat hulle weer opgerig was
deur die Verlosser. Dat hulle wat dit verwerp het gesterf het.
Dat die toestand van die Nuwe Kerk geopenbaar was vanuit die Nuwe
Hemel.
Open. 11:1 En ‘n riet soos ‘n stok is aan my gegee, (dat die aanleg en
krag was gegee om te verstaan en te sien die toestand van die kerk in die
hemel en in die wêreld, en die engel het gestaan en gesê: Staan op en
meet die tempel van God en die altaar en die wat daarin aanbid. (die
Verlosser se teenwoordigheid en Sy bevel, dat hy die toestand van die
kerk in die Nuwe Hemel moet sien en ken).
Open. 11:2 Maar die voorhof buitekant die tempel moet jy uitlaat en dit
nie meet nie, (dat die toestand van die kerk op aarde, soos wat dit
huidiglik is, verwyder en nie geken sal word nie), want dit is aan die
heidene gegee; (omdat die toestand van daardie kerk vernietig en verwoes
is deur booshede van lewe) en hulle sal die heilige stad twee en veertig
maande lank vertrap. (dat dit elke waarheid van die Woord sal verstrooi,
selfs totdat niks oorbly nie).
Open. 11:3 En Ek sal aan my twee getuies gee (diegene wat in die hart
bely en erken dat die Verlosser die God van hemel en aarde is, en dat Sy
Menswese Goddelik is, en wat aan Hom verbind is, deur `n lewe volgens
die bevele van die tien gebooie) dat hulle, met sakke bekleed, (intussen in
rou as gevolg van die negatiewe ontvangs van die Waarheid), duisend
twee honderd en sestig dae lank sal profeteer. (dat hierdie twee
geloofsartikels, die erkenning van die Verlosser, en `n lewe volgens die
bevele van die tien gebooie, wat die twee vereistes van die Nuwe kerk is,
moet geleer word tot aan die einde, en die nuwe begin).
Open. 11:4 Hulle is die twee olyfbome en die twee kandelaars wat voor
die God van die aarde staan. (Liefde en intelligensie, of naaste liefde en
geloof, vanaf die Verlosser met hulle)
Open. 11:5 En as iemand hulle wil beskadig, gaan daar vuur uit hulle
mond en verslind hulle vyande; (dat hulle wat begeer om hierdie twee
noodsaaklikhede van die Nuwe Kerk te vernietig, sal sterf van helse
liefde) en as iemand hulle wil beskadig, moet hy op dieselfde manier
gedood word (dat hy wat hulle veroordeel sal op dieselfde wyse
veroordeel word)
Open. 11:6 Hulle het mag om die hemel te sluit, sodat daar in die dae van
hulle profesie geen reën val nie; (dat hulle wat hulself wegdraai van
hierdie twee noodsaaklikhede nie enige Waarheid vanuit die hemel kan
ontvang nie), en hulle het mag oor die waters, om dit in bloed te verander
(dat hulle wat hulself wegdraai van hulle die waarhede van die Woord
vervals), en om die aarde te tref met allerhande plae so dikwels as hulle
wil. (dat hulle wat hulle wil vernietig, sal hulself in alle soorte boosheid
en valsheid werp, so dikwels en so ver hulle dit doen).
Open. 11:7 En wanneer hulle hul getuienis voleindig het, (nadat die
Verlosser die twee noodsaaklikhede van die Nuwe Kerk geleer het), sal
die dier wat uit die afgrond opkom, teen hulle oorlog voer en hulle
oorwin en hulle doodmaak; sal hulle wat in die innerlike van die
leerstellings van geloof alleen is hierdie twee noodsaaklikhede verwerp).
Open. 11:8 en hulle lyke sal lê op die straat van die groot stad (dat hulle
totaal verwerp is), wat geestelik genoem word Sodom en Egipte, (twee
helse liefdes, wat die liefde van heerskappy vanuit eie liefde is, en die
liefde van regeer vanuit die hoogmoed van eie intelligensie, wat bestaan
in die kerk waar Een God nie erken word, en die Verlosser nie aanbid
word, en waar hulle nie lewe volgens die voorskrifte van die tien gebooie
nie), waar ook onse Verlosser gekruisig is (erken nie die Verlosser se
Goddelike Menswese, en, is gevolglik in `n toestand van verwerping).
Open. 11:9 En mense uit die volke en stamme en tale en nasies sal hulle
lyke drie en ‘n halwe dag lank sien (wanneer hulle almal, wat, aan die
einde van die huidige kerk en die begin van die Nuwe Kerk, in valsheid
van leerstellings en boosheid van lewe vanuit geloof alleen gewees het en
sal wees, gehoor het en sal hoor van die twee noodsaaklikhede), en nie
toelaat dat hulle lyke in die graf gelê word nie. (dat hulle, hulle
veroordeel het en hulle sal oordeel).
Open. 11:10 Die bewoners van die aarde sal bly en verheug wees oor
hulle (die genot van die emosie van die hart en siel in die kerk tussen
diegene wat in geloof alleen was.), en sal vir mekaar geskenke stuur,
(verenig deur liefde en vriendskap), omdat dié twee profete die bewoners
van die aarde gepynig het. (dat hierdie twee noodsaaklikhede van die
Nuwe kerk, as gevolg van hulle teenwerking teen die twee
noodsaaklikhede in die kerk van die hervormdes, word hulle in
minagting, teensin en afkeer gehou).
Open. 11:11 En ná die drie en ‘n halwe dag het ‘n gees van die lewe uit
God in hulle ingegaan (dat hierdie twee noodsaaklikhede, gedurende die
begin en vordering van die Nuwe kerk, met diegene wat hulle ontvang,
deur die Verlosser lewend gemaak sal word), en hulle het op hul voete
gaan staan, en ‘n groot vrees het geval op die wat hulle aanskou het.
(opskudding van verstand en ontsteltenis teen Goddelike Waarhede)
Open. 11:12 En hulle het ‘n groot stem uit die hemel vir hulle hoor sê:
Kom op hierheen! (dat hierdie twee noodsaaklikhede van die Nuwe Kerk
deur die Verlosser in die hemel opgeneem was, waar hulle vandaan kom,
en waar hulle is, en die beskerming van hulle)
En hulle het opgevaar na die hemel in die wolk, (die opneem van hulle in
die hemel, en die vereniging daar met die Verlosser deur Goddelike
Waarheid van die Woord in letterlike betekenis daarvan ), en hul vyande
het hulle aanskou. (dat hulle wat in geloof geskei van naaste liefde was
het hulle gehoor, maar het in hulle eie valsheid gebly).
Open. 11:13 En in dié uur het daar ‘n groot aardbewing gekom, en ‘n
tiende van die stad het geval, (`n merkwaardige verandering van toestand
het met hulle plaasgevind, en dat hulle weggeskeur is van die hemel, en
neergewerp is in die hel), en sewe duisend mense het in die aardbewing
omgekom (dat al diegene wat geloof alleen bely, en daarom die werk van
naaste liefde as niks beskou, het gesterf), en die ander het bevrees geword
en aan die God van die hemel heerlikheid toegebring. (dat hulle wat hulle
verwoesting aanskou het, het die Verlosser erken en was geskei).
Open. 11:14 Die tweede weë het verbygegaan; kyk, die derde kom gou.
(weeklaag oor die verdraaide toestand van die kerk en dan die laaste
weeklaag)
Open. 11:15 En die sewende engel het geblaas (die ondersoek en
openbaring van die toestand van die kerk na die laaste oordeel met die
koms van die Verlosser en van Sy Koninkryk), en daar was groot stemme
in die hemel wat sê: Die koninkryke van die wêreld het die eiendom van
onse Here (Elohim) geword en van sy Christus (Verlosser), en Hy sal as
Koning heers tot in alle ewigheid. (feesviering deur die engele, omdat die
hemel en die kerk die Verlosser sin geword het, soos wat hulle van die
begin af was, en omdat hulle nou aan Sy Goddelike Menswese behoort,
gevolglik, dat, die Verlosser nou oor beide, die hemel en die kerk sal
regeer vir ewig).
Open. 11:16 En die vier en twintig ouderlinge wat voor God op hulle
trone sit, het op hulle aangesig geval en God aanbid (die erkenning deur
al die engele van die hemel, dat die Verlosser die God van hemel en aarde
is) en gesê:
Open. 11:17 Ons dank U, Here God, Almagtige, wat is en wat was en wat
kom, (belydenis en verheerliking deur die engele van die hemel, dat dit
die Verlosser is wat lewe en Krag vanuit Homself het, en Wie alle dinge
regeer, omdat Hy alleen ewig en almagtig is)
dat U u groot mag aangeneem en as koning geheers het. (die Nuwe
Hemel en die Nuwe Aarde waar hulle Hom as die enigste God erken).
Open. 11:18 En die nasies was vertoornd, (dat diegene wat in geloof
alleen is en daaruit in boosheid lewe, dat hulle woedend was, en diegene
getreiter het wat teen hulle geloof was), en u toorn het gekom en die tyd
van die dode om geoordeel te word (hulle vernietiging en die voltrekking
van die laaste oordeel op diegene wat nie enige geestelike lewe het nie),
en om die loon te gee aan u diensknegte, die profete, en aan die heiliges
en aan die wat u Naam vrees (die geluk van ewige lewe aan diegene wat
in die Waarhede van leerstellings vanuit die Woord was en in `n lewe
volgens hulle), klein en groot, (wat die dinge lief het wat in verband staan
met die Verlosser in `n kleiner en `n groter graad), en om die verderwers
van die aarde te verderf (en te vernietig hulle wat die aarde vernietig).
Open. 11:19 En die tempel van God het in die hemel oopgegaan, en sy
verbondsark is in sy tempel gesien, (die Nuwe Hemel, waarin die
Verlosser in Sy Goddelike Menswese aanbid word, en waar hulle lewe
volgens die voorskrifte van Sy Tien Gebooie, wat die twee
noodsaaklikhede van die Nuwe Kerk is, waardeur vereniging verwesenlik
word), en daar was weerligte en stemme en donderslae en aardbewing en
groot hael. (die gevolgtrekkings, opskuddings, en vervalsings van
goedheid en waarheid, wat voortvloei uit die laer dele).
Riet soos `n staf- die aanleg en krag om te ken en te sien vanaf Verlosser
Riet - min krag
Staf - groot krag
Egipte - natuurlike mens
Levi en Aäron - goedheid en waarheid van die kerk
Tempel en altaar - die kerk
Regterhand - krag
Meet - om te ken
Israel - geestelike kerk
Staf van brood en water - goedheid en waarheid
Jerusalem – (Nuwe Jerusalem) die kerk
Staf van Levi - krag van waarheid en goedheid
|
|
|
 |
|
