 |
DIE BOEK VAN OPENBARING
EMANUEL SWEDENBORG
Hoofstuk 15
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 13
In die hoofstuk word voortgegaan om die draak se leerstellings en geloof
te behandel en wat daar deur bedoel word. Dit word beskryf wat die
kwaliteit daarvan is met die lekedom, en daarna wat die kwaliteit daarvan
is met die geestelikes. Deur die dier wat uit die see kom, word die
leerstellings en geloof van die lekedom beskryf, deur die dier vanuit die
aarde word die leerstellings en geloof met die geestelikes beskryf.
Laastens die vervalsing van die Waarheid van die Woord deur die
geestelikes.
Open. 13:1 En ek het ‘n dier uit die see sien opkom (die lekedom in die
kerke van die hervormdes, wat beginselvas in die leerstellings en geloof
van die draak aangaande God en Redding is ) met sewe koppe (en
kranksinnigheid wat volg vanuit blote valsheid) en tien horings, (baie
krag) en op sy horings tien krone (die krag vanuit baie vervalsing van
waarhede van die Woord) en op sy koppe ‘n naam van godslastering, (en
die ontkenning van die Verlosser se Goddelike Menswese, en
leerstellings van die kerk nie aangehaal vanuit die Woord, maar van
selfverkryde intelligensie)
Open. 13:2 En die dier wat ek gesien het, was soos ‘n luiperd, (in `n
kettery vernietigend vir die kerk omdat dit verkry is vanuit waarhede van
die Woord wat vervals is) en sy pote soos dié van ‘n beer, (en vol van
dwaalbegrip vanuit die die letterlike betekenis van die Woord - gelees
maar nie verstaan nie) en sy bek soos die bek van ‘n leeu; (deur
redenerings en argumente vanuit valshede (asof vanuit waarhede) en die
draak het hom sy krag gegee en sy troon en groot mag. (dat hierdie
kettery die oorhand kry en in die algemeen heers as gevolg van die
ontvangs daarvan deur die lekedom)
Open. 13:3 En ek het een van sy koppe gesien net of dit dodelik gewond
was, (dat die leerstellings van geloof alleen nie ooreenstem met die
Woord waarin werke so gereëld aanbeveel word) en sy dodelike wond is
genees (was die geneesmiddel vir dit beskou en aangewend) En die hele
wêreld het verwonderd agter die dier aan gegaan. (dat hierdie leerstellings
en geloof toe met blydskap ontvang was)
Open. 13:4 En hulle het die draak aanbid wat die dier mag gegee het,
(deur die erkenning dat dit sodanig is as wat neergelê is deur die leiers en
leermeesters, wat die gesag daarvan vasgestel het volgens die ontvangs
wat hulle daarvoor gekry het onder die oorgrote gemeenskap in die
algemeen) en die dier aanbid (en die erkenning daarvan deur die
gemeenskap dat dit die Heilige Waarheid is) en gesê: Wie is aan die dier
gelyk? Wie kan teen hom oorlog voer? (en die voortreflikheid van die
leerstellings, omdat dit nie deur enigiemand weerspreek kan word nie)
Open. 13:5 En ‘n mond is aan hom gegee wat groot woorde en
godslasteringe uitspreek, (maar dat dit leer wat boos en vals is) en aan
hom is mag gegee om dit twee en veertig maande lank te doen. (die
vryheid om die booshede en valshede van daardie leerstellings te leer en
te doen, selfs tot aan die einde van die kerk en die begin van die Nuwe
Kerk)
Open. 13:6 En hy het sy mond oopgemaak om te laster teen God, om sy
Naam (deur hulle bewerings wat skandale teen die Wesenlik
Goddelikheid en Goddelike Menswese van die Verlosser is, en
terselfdertyd teen elke ding verwant aan die kerk, verkry vanuit die
Woord, waardeur die Verlosser aanbid word) en sy tabernakel en die wat
in die hemel woon, te laster, (deur skandale teen die Verlosser se
Geestelike Koninkryk en teen die hemel te pleeg).
Open. 13:7 Dit is ook aan hom gegee om oorlog te voer teen die heiliges
en hulle te oorwin, (en dat hulle die Goddelike Waarhede van die Woord
bestry het, en hulle op die grond gewerp het) en aan hom is mag gegee
oor elke stam en taal en nasie, (en gevolglik heerskappy oor al die dinge
van die kerk, ”beide” die leerstellings daarvan en die lewe daarvan)
Open. 13:8 En al die bewoners van die aarde sal hom aanbid, almal wie
se name nie van die grondlegging van die wêreld af in die boek van die
lewe van die Lam, (en dat almal daardie leerstellings van ketterry sal
erken as Heilig in die kerk, behalwe diegene wat in die Verlosser glo) wat
geslag is, geskrywe is nie (en dat die Verlosser se Goddelike Menswese
nie erken was vanaf die eerste stigting van die kerk nie).
Open. 13:9 As iemand ‘n oor het, laat hom hoor.(en dat hulle wat begeer
om wysheid te kry hierna moet op let.
Open. 13:10 As iemand krygsgevangenes maak, gaan hy in
krygsgevangenskap (dat hy wat deur middel van hierdie leerstellings van
kettery ander mislei, om nie goed te glo en goed te lewe nie, sal homself
die hel ingetrek word deur sy eie booshede en valshede) en as iemand met
die swaard doodmaak, moet hy met die swaard doodgemaak word (dat hy
wat deur middel van valshede die siel van `n ander vernietig, word
homself vernietig deur valshede en sterf). Hier is die lydsaamheid en die
geloof van die heiliges. (dat die mense van die Verlosser se Nuwe Kerk,
deur versoekings vanaf sulke dinge, ondersoek word om die kwaliteit van
sy lewe en geloof vas te stel).
Open. 13:11 En uit die aarde het ek ‘n ander dier sien opkom, (is die
geestelikes wat beginsel vas in die leerstellings en geloof van die draak is
aangaande God en redding) en hy het twee horings gehad net soos ‘n lam
en het gepraat soos ‘n draak, (dat wat hulle spreek, leer, en skryf is vanuit
die Woord, asof dit die Verlosser se Goddelike Waarheid is, en tog is dit
vervalsde waarheid)
Open. 13:12 En hy oefen al die mag van die eerste dier uit voor sy oë, (en
dat hulle hierdie leer bevestig, waaruit hulle mag kry ) en hy maak dat die
aarde en die wat daarop woon, die eerste dier aanbid, waarvan die
dodelike wond genees is, (omdat hulle onder die gemeenskap in die
algemeen ontvang was, is dit vasgestel en bevestig dat hulle erken en as
heilig in die kerk beskou moet word)
Open. 13:13 Hy doen ook groot tekens, ( en getuig dat die dinge wat hulle
leer waar is, alhoewel hulle vals is) sodat hy selfs vuur uit die hemel laat
neerdaal op die aarde voor die oë van die mense, (en verklaar dat hulle
valshede waarhede is)
Open. 13:14 En hy verlei die bewoners van die aarde deur die tekens wat
hom gegee is om voor die oë van die dier te doen (en dat deur hulle
verklarings en getuienisse lei hulle die mense van die kerk in dwalings),
deur aan die bewoners van die aarde te sê dat hulle ‘n beeld moet maak
vir die dier wat die swaardwond ontvang en lewendig geword het, (omdat
hulle die mense van die kerk oorhaal, om die valse leerstellings te
ontvang, dat geloof die enigste middel van redding is, deur die redes
alreeds genoem).
Open. 13:15 En dit is hom gegee om ‘n gees aan die dier se beeld te gee,
sodat die dier se beeld ook sal praat (dat hulle toegelaat was om die
leerstellings deur middel van die Woord te bevestig, waardeur dit
voorkom asof lewe ontvang word, wanneer dit geleer word) en maak dat
almal gedood word wat die dier se beeld nie aanbid nie, (en dat hulle `n
oordeel van verdoemenis teen diegene het wat nie hulle leerstellings van
geloof erken as die heilige leerstellings van die kerk nie).
Open. 13:16 En hy maak dat aan almal, klein en groot, en die rykes en die
armes, en die vrymense en die slawe (almal in daardie kerk wat ookal
hulle toestand, geleerdheid en intelligensie) ‘n merk op hulle regterhand
en op hulle voorhoofde gegee word; (omdat niemand erken word as `n
hervormde christen tensy hy daardie leerstellings in geloof en liefde
ontvang nie).
Open. 13:17 sodat niemand kan koop of verkoop nie, behalwe hy wat die
merk of die naam van die dier of die getal van sy naam het. (omdat dit nie
wettig vir enigeen is om vanuit die Woord te leer, tensy hy dit erken, en
sweer omtrent die geloof en die liefde daarvan, of iets wat daarmee
ooreenkom).
Open. 13:18 Hier kom die wysheid te pas (dat dit deel is van `n wyse
man, om dit wat in hierdie hoofstuk gesê en verduidelik is, om die
karakter te sien en verstaan van die leerstellings en geloof van die
geestelikes aangaande God en redding). Wie die verstand het, laat hom
die getal van die dier bereken, (dat hy wat in voorligting vanaf die
Verlosser is, die karakter en kwaliteit van die bewyse mag ken, wat hulle
kry vanuit die Woord in bevestiging van daardie leerstellings en geloof)
want dit is die getal van ‘n mens; (die kwaliteit van die Woord en
derhalwe van die kerk) en sy getal is ses-honderd-ses-en sestig. (hierdie
kwaliteit, is dat al die Waarhede van die Woord deur hulle vervals is)
Die dier vanuit die aarde is die geloof van die geestelikes, aarde is die
innerlike van daardie kerk.
Die dier vanuit die aarde word ook genoem die vals profeet, en dit is die
kerk van die hervormdes tot met hoofstuk 16.
Die dier vanuit die see is die geloof van die lekedom wat uiterlik is
Die see is hier die uiterlike van die kerk. Diere is niks anders as vorms
van die natuurlike en geestelike emosies in die natuurlike en geestelike
mens nie, en hierdie emosies word as beelde gesien in die wêreld van die
geeste, en hier op aarde word dit getoon deur ons, spreke en handelings
wat dan ook ons liefde is, want geen mens doen enigiets wat nie met sy
liefde ooreenkom nie, dit gaan nie net oor God en naaste liefde nie,
alhoewel dit die mees belangrike deel van ons lewe is, daarom het liefde
duisende vorms, en wanneer ons daaraan dink in waarheid sal ons besef
dat dit werklik so is.
Die Roomse Katolieke in hoofstuk 17 + 18. Hulle was gesien as diere,
omdat `n draak `n dier is. En in die Woord beteken dier die liefdes van `n
mens. Mak en bruikbare diere is die mens se goeie liefdes
Wilde en onbruikbare diere is die mens se bose liefdes. Die kerk is
mense, skape die gemeente, `n kudde. Hulle leermeester `n herder.
Die rede is dat in die geestelike wêreld die liefdes van `n mens op `n
afstand as diere gesien word. Daarom word die Woord ook volgens die
krag, die liefde, denke en wysheid beskryf deur vier diere `n leeu, kalf,
arend, en `n man en vele meer. Dan.7: 2-7.
Mens en dier saam is mense volgens sy geestelike en natuurlike liefdes
|
|
|
 |
|
