 |
DIE BOEK VAN OPENBARING
EMANUEL SWEDENBORG
Hoofstuk 11
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 9
Die inhoud van die hele hoofstuk
Die ondersoek en openbaring van die toestande en lewe van diegene in
die kerk van die hervormdes, wat geleerd en wys genoem word deur die
bevestiging van geloof geskei van naaste liefde, en van regverdiging en
redding deur dit alleen. Die ondersoek en openbaring van diegene daarin
wat nie so geleerd en wys is nie, en in geloof alleen is, en wat lewe soos
hulle wil. Laastens van diegene daarin, wat niks weet, behalwe dat geloof
die alles is waardeur `n mens gered word, en niks anders as dit nie.
Open. 9:1 En toe die vyfde engel blaas, (die ondersoek en openbaring van
die toestande van diegene in die kerk van die hervormdes, wie geleerd en
wys genoem word deur die bevestiging van geloof geskei van naaste
liefde, en die regverdiging en redding deur dit alleen)
sien ek ‘n ster wat uit die hemel op die aarde geval het, (die invloei vanuit
die hemel van Geestelike Goddelike Waarheid in die kerk met hulle om te
ondersoek en te openbaar) en aan hom is die sleutel van die put van die
afgrond gegee. (die oopmaak van hulle hel)
Open. 9:2 En hy het die put van die afgrond oopgemaak, en daar het rook
opgekom uit die put soos rook van ‘n groot oond, (die valsheid van die
sondige begeertes van die natuurlike mens wat voortkom vanuit hulle
bose liefdes) en die son en die lug is deur die rook van die put verduister
(dat die Lig van Waarheid daaruit duisternis geword het)
Open. 9:3 En uit die rook het daar sprinkane uitgekom op die aarde (dat
valsheid van die laagste dinge met hulle was soos wat dit met diegene
was wat sinlik geword het, en wat alle dinge sien en oordeel vanuit die
sintuie en hulle dwaalbegrippe,) en aan hulle is mag gegee soos die
skerpioene van die aarde mag het. (die krag van oortuiging dat hulle
valsheid, waarheid is.
Open. 9:4 En aan hulle is gesê dat hulle nie die gras van die aarde of
enige groenigheid of enige boom moet beskadig nie maar net alleen die
mense wat die seël van God nie op hulle voorhoofde het nie, (die
Goddelike Voorsienigheid van die Verlosser, dat dit vir hulle nie
moontlik sal wees om enige waarheid en goedheid van geloof weg te
neem nie, ook nie enige liefde en persepsie daarvan, maar kan van enige
ander wegneem wat nie in naaste liefde en derhalwe nie in geloof is nie.
Open. 9:5 En dit is aan hulle gegee, nie om hulle dood te maak nie, maar
dat hulle vyf maande lank gepynig sou word; (dat ewemin sal hulle in
staat wees om van hierdie die aanleg van begrip en gewillige waarheid
van goedheid weg te neem, maar dat dit vir hulle alleenlik moontlik sal
wees om `n bedwelming te veroorsaak vir `n kort tydjie), en hulle
pyniging was soos die pyniging van ‘n skerpioen wanneer hy ‘n mens
steek. (dat dit vanuit hulle oortuigings krag is)
Open. 9:6 En in dié dae sal die mense die dood soek en dit nie vind nie;
en hulle sal verlang om te sterwe, en die dood sal vir hulle wegvlug.
(hulle sal wens dat die onderwerpe van geloof en begrip toegesluit en die
wil toegemaak mag word, deur middel waarvan Geestelike Lig en lewe
vernietig word, en dat dit tog nie gedoen kan word.)
Open. 9:7 En die voorkoms van die sprinkane (die verskynings en beelde
van diegene wat in hulself geloof geskei van naaste liefde bevestig het)
was soos dié van perde wat vir die oorlog toegerus is, ( omdat hulle kan
redeneer, kom dit vir hulself voor asof hulle besig is om te veg vanuit die
begrip van waarheid vanuit die Woord) en op hulle koppe was iets soos
krone wat net soos goud gelyk het, (dat hulle vir hulself as oorwinnaars
voorgekom het) en hulle gesigte was soos die gesigte van mense. (dat
hulle aan hulself as wys voorgekom het)
Open. 9:8 En hulle het hare gehad soos vrouehare, (en dat hulle aan
hulself voorgekom het asof hulle in die liefde van waarheid is) en hulle
tande was soos dié van leeus. (dat die sintuiglike dinge, wat die uiterste
van die lewe van `n natuurlike mens is, het aan hulle voorgekom asof dit
krag oor alle dinge het)
Open. 9:9 En hulle het borsharnasse gehad soos van yster, (dat argumente
vanuit dwaalbegrippe waardeur hulle veg en die oorhand kry, vir hulle so
kragvol skyn te wees dat hulle nie weerlê kan word nie), en die gedruis
van hulle vlerke was soos die gedruis van baie strydwaens met perde wat
opruk na die oorlog. (hulle redenerings, volledig verstaan asof dit vanuit
die waarhede van leerstellings vanuit die Woord was, waarvoor hulle
vurig moet veg)
Open. 9:10 En hulle het sterte gehad soos dié van skerpioene, (die
waarhede van die Woord vervals is waardeur hulle bedwelming
veroorsaak), en daar was angels in hulle sterte, en hulle mag was om die
mense vyf maande lank skade aan te doen. (die subtiele vervalsings van
die Woord, waardeur hulle die begrip verdonker en vir `n kort tydperk
bekoor, en dus mislei en boei)
Open. 9:11 En hulle het as koning oor hulle die engel van die afgrond; sy
naam in Hebreeus is Abáddon, en in Grieks het hy die naam van
Apóllion. (dat hulle in die sataniese hel is, wat in valsheid van begeertes
is, en deur die totale vervalsing van die Woord het hulle die kerk
vernietig
Open. 9:12 Die een weë het verbygegaan; hierna kom daar nog die
tweede weë. (nog verdere weeklaag oor die toestand van die kerk)
Open. 9:13 En die sesde engel het geblaas, (die ondersoek en openbaring
aan die hervormdes van hulle toestand en lewe in die kerk wat nie so wys
is nie, en tog die alles van godsdiens in geloof plaas, en lewe soos hulle
wil en aan dit alleen dink)
en ek het ‘n stem gehoor uit die vier horings van die goue altaar wat voor
God is, Open. 9:14 en dié het aan die sesde engel met die basuin gesê (‘n
bevel vanaf die Verlosser vanuit die geestelike hemel aan diegene wat sal
ondersoek en openbaar maak) Maak die vier engele los wat gebind is by
die groot rivier, die Eufraat. (dat die uiterlike bande van hulle weggeneem
moet word, sodat die innerlike van hulle verstand mag verskyn)
Open. 9:15 Toe is die vier engele losgemaak (dat toe die uiterlike bande
weggeneem was, die innerlike van hulle verstand verskyn het) wat gereed
gehou was vir die uur en dag en maand en jaar, om ‘n derde van die
mense dood te maak (dat hulle ewig in die poging was om geestelike lig
en lewe weg te neem van die mense van die kerk.
Open. 9:16 En die getal van die leërs van perderuiters was twee maal tien
duisend maal tien duisend; (die redenerings aangaande geloof alleen,
waarmee die innerlike van hulle verstand gevul was, is vanuit die groot
hoeveelheid blote valsheid vanuit boosheid) en ek het hulle getal gehoor.
(dat hulle kwaliteit begryp was)
Open. 9:17 En só het ek in hierdie gesig die perde gesien en die wat op
hulle sit, (dat dit toe ontdek was dat die redenerings van die innerlike van
hulle verstande aangaande geloof alleen, verbeelding en denkbeeldig was,
en dat hulle hulself kranksinnig was met hulle)
met vuurrooi en blou en swawelgeel borsharnasse.(dat hulle in
verbeelding en denkbeeldige argumente vanuit helse liefde en hulle eie
intelligensie is, en in die begeertes daarvan en in verbeeldingskrag
aangaande geloof alleen asof dit krag was dat in hulle gedagtes en
redevoerings, innerlik besigtig, is daar niks, en daar kom niks vanuit hulle
voort, behalwe die liefde van self en die wêreld, en die trots van hulle eie
intelligensie, en die begeertes van boosheid en valsheid vanuit hierdie
twee.
Open. 9:18 Deur hierdie drie plae is ‘n derde van die mense gedood, deur
die vuur en deur die rook en deur die swawel wat uit hulle bekke
uitgegaan het; (dat dit daarvan is wat mense van die kerk omkom)
Open. 9:19 want hulle mag is in hulle bek (dat hulle alleenlik die oorhand
kry deur hulle redevoerings en bevestiging van geloof)
en in hulle sterte; want hulle sterte is soos slange en het koppe, en
daarmee rig hulle skade aan. (die rede is, dat hulle sintuiglik en
omgekeerd was, spreek waarhede met hul lippe, maar vervals waarhede
deur die beginsel (leerstellings) wat die hoof van hulle godsdiens vorm en
so mislei hulle dus)
Open. 9:20 En die orige mense wat deur hierdie plae nie gedood is nie,
(diegene in die hervormde kerk wat nie so geestelik dood is van
denkbeeldige redenerings, en van eie liefde, en die trots van hulle eie
intelligensie, en van begeertes, derhalwe nie soos diegene tevore genoem,
en nog geloof alleen die hoof van hulle godsdiens maak) het hulle nie
bekeer van die werke van hul hande nie, (dat hulle nogtans nie die dinge
van hulle natuurlike vermy het as sonde, wat booshede van elke soort is)
om die duiwels te aanbid, (dat hulle dus in die boosheid van hulle sondige
begeertes was, en dat hulle een is met hul soort in die hel) of die afgode
van goud en silwer en koper en klip en hout (dat hulle in aanbidding dus
vanuit blote valsheid was) wat nie kan sien of hoor of loop nie. (waarin
daar niks van geestelike en ware verstandige lewe is nie).
Open. 9:21 En hulle het hul nie bekeer van hul moorde en hul towerye en
hul hoerery en hul diefstalle nie. (dat die kettery van geloof alleen in hulle
harte dwaasheid, uitvlugte en hardheid veroorsaak, sodat hulle nie
enigiets dink van die Bevele van die Tien gebooie, ook nie aan enige
sonde wat vermy moet word, omdat dit in die guns van die duiwel is en
teen God.
Deur die “blaas van die basuin”; word bedoel, om te ondersoek en
openbaar te maak die toestand van die kerk, en daaruit die toestand van
lewe met diegene wie se godsdiens geloof alleen is.
|
|
|
 |
|
