 |
DIE BOEK VAN OPENBARING
EMANUEL SWEDENBORG
Hoofstuk 14
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 12
Die inhoud
Hier word die Nuwe Kerk en die leerstellings daarvan behandel
Deur die “vrou” word bedoel die Nuwe Kerk
Deur die “kind” wat sy voortbring die leerstellings daarvan
Diegene in die huidige kerk word ook behandel, wat vanuit leerstellings
glo in `n drie eenheid van persone, (drie-enige-God) en die tweeledigheid
van die persoon van die Verlosser, en net so in regverdiging deur geloof
alleen. Deur diegene wat glo in regverdiging deur geloof alleen, word die
“draak” bedoel. Dan word die vervolging van die Nuwe Kerk deur hierdie
behandel, as gevolg van die leerstellings daarvan, en die beskerming
daarvan deur die Verlosser, totdat dit vanaf min vermeerder tussen baie.
Open. 12:1 En ‘n groot teken het in die hemel verskyn (openbaring vanaf
die Verlosser aangaande Sy Nuwe Kerk in die hemele en op aarde, en
aangaande die moeilike ontvangs en weerstand teen die leerstellings
daarvan) ‘n vrou wat met die son bekleed was, en die maan was onder
haar voete, (die Verlosser se Nuwe Kerk in die hemele, wat die Nuwe
Hemel is, en die Verlosser se Nuwe Kerk wat op die punt staan om op die
aarde te verskyn, wat die Nuwe Jerusalem is) en op haar hoof ‘n kroon
van twaalf sterre; (Wysheid en intelligensie vanuit die kennis van
Goddelike goedheid en Goddelike Waarheid vanuit die Woord)
Open. 12:2 en sy was swanger en het uitgeroep in haar weë en
barensnood. (die leerstellings van die Nuwe Kerk wat op die punt staan
om voort te kom, en die moeilike ontvangs daarvan, as gevolg van die
teenstand deur diegene wat bedoel word deur die “draak”)
Open. 12:3 En ‘n ander teken het in die hemel verskyn, (openbaring vanaf
die Verlosser aangaande diegene wat teen die Nuwe Kerk en die
leerstellings daarvan is) en daar was ‘n groot vuurrooi draak (diegene in
die kerk van die hervormers wat God drie en die Verlosser twee maak en
wat naaste liefde skei van geloof, en geloof redding maak, en nie
terselfdertyd naaste liefde nie) met sewe koppe (kranksinnigheid vanuit
die vervalste en ontheiligde Waarhede van die woord) en tien horings,
(baie krag) en op sy koppe sewe krone; (al die Waarhede van die Woord
vervals en ontheilig)
Open. 12:4 en sy stert het die derde van die sterre van die hemel
meegesleep en hulle op die aarde gegooi. (deur vervalsings van die
Waarhede van die Woord het hulle al die Geestelike Kennis van
Goedheid en Waarheid van die kerk vervreem en het deur aanwending in
valsheid hulle heeltemal vernietig. En die draak het gestaan voor die vrou
wat op die punt was om te baar, sodat hy haar kind sou verslind sodra sy
gebaar het. (dat hulle wat bedoel word deur die draak, sal streef om die
leerstellings van die Nuwe Kerk dood te maak met die eerste verskyning
daarvan).
Open. 12:5 En sy het ‘n manlike kind gebaar, (die leerstellings van die
Nuwe Kerk) wat al die nasies met ‘n yster septer sou regeer; (wat deur
Waarhede van die letterlike betekenis van die Woord, en terselfdertyd,
deur rasionele dinge vanuit natuurlike lig almal sal oortuig wat in dooie
aanbidding vanuit geloof geskei van naaste liefde is, wat gewillig is om
oortuig te word) en haar kind is weggeruk na God en sy troon.
(beskerming van die leerstellings deur die Verlosser, en die beskerming
daarvan deur die engele van die Hemel)
Open. 12:6 En die vrou het na die woestyn gevlug waar sy ‘n plek het wat
deur God gereed gemaak is (die kerk eers tussen min), dat hulle haar daar
sou onderhou duisend twee honderd en sestig dae lank. (die toestand van
die kerk dan, dat intussen voorsiening gemaak word vir die groei daarvan
tussen baie, totdat dit die volle groei daarvan bereik het)
Open. 12:7 En daar het oorlog in die hemel gekom: Migael en sy engele
het oorlog gevoer teen die draak, en die draak en sy engele het oorlog
gevoer; (die valsheid van die vorige kerk veg teen die Waarhede van die
Nuwe Kerk)
Open. 12:8 en hulle kon nie oorwin nie, en hulle plek was in die hemel
nie meer te vinde nie. (dat hulle oortuig daarvan was dat hulle in valsheid
en boosheid is, maar tog het hulle daarin gebly, en dat hulle daarom
weggeskeur was van vereniging met die hemel en neergewerp was.
Open. 12:9 En die groot draak is neergewerp, die ou slang wat genoem
word duiwel en Satan, (hierdie wegdraai vanaf die Verlosser na hulself,
en van die hemel na die wêreld, en vandaar tot in die booshede van hulle
begeertes en in valshede) wat die hele wêreld verlei, (dat hulle al die
dinge van die kerk verdraai) hy is neergewerp op die aarde, en sy engele
is saam met hom neergewerp, (tot in die wêreld van die geeste, wat tussen
die hemel en die hel is, vanwaar daar onmiddellike verbinding met mense
op aarde is)
Open. 12:10 Toe hoor ek ‘n groot stem in die hemel sê: Nou het die heil
en die krag en die koningskap die eiendom van onse God geword, en die
mag van sy Christus; (die vreugde van die engele van die hemel, omdat
die Verlosser nou alleen heers in die hemel en in die kerk, en dat hulle
gered word wat in Hom glo) want die aanklaer van ons broeders is
neergewerp, hy wat hulle aanklaag voor onse God, dag en nag. (dat hulle
wat die leerstellings van die Nuwe Kerk teenstaan deur die laaste oordeel
verwyder is )
Open. 12:11 En hulle het hom oorwin deur die bloed van die Lam en deur
die woord van hulle getuienis, (oorwinning deur die Goddelike Waarheid
van die Woord, en deur die erkenning van die Verlosser (en hulle het tot
die dood toe hulle lewe nie liefgehad nie, (wat hulself nie meer liefgehad
het as die Verlosser nie).
Open. 12:12 Daarom, wees verheug, o hemele en die wat daarin woon;
(`n toestand van die hemel, dat hulle in die Verlosser is, en die Verlosser
in hulle) weë die bewoners van die aarde en die see, want die duiwel het
na julle neergedaal met groot woede, (weeklaag oor diegene in die kerk
wat in die valsheid van geloof, en vandaar in boosheid van die lewe is,
omdat hulle in verbinding met die draak is) omdat hy weet dat hy min tyd
het, (omdat hy weet dat die Nuwe Hemel gevorm word, en dus dat daar
op die punt staan om `n Nuwe Kerk op aarde te wees en dan sal Hy en sy
soort neergewerp word in die hel).
Open. 12:13 En toe die draak sien dat hy neergewerp is op die aarde, het
hy die vrou vervolg wat die seuntjie gebaar het; (dat die volgelinge van
die draak in die wêreld van die geeste, onmiddellik, voordat hulle
onderdruk word, begin het om die Nuwe Kerk te teister as gevolg van die
leerstellings daarvan).
Open. 12:14 maar die twee vlerke van die groot arend is aan die vrou
gegee, (die Goddelike omsigtigheid oor die kerk, en beskerming daarvan,
terwyl hulle nog beperk en min is) sodat sy na die woestyn, na haar plek,
kon vlieg, waar sy uit die gesig van die slang onderhou word, ‘n tyd en
tye en ‘n halwe tyd. (dat omrede van die sluheid van verleiers,
voorsiening met omsigtigheid gemaak is, dat die getalle daarvan mag
groei, totdat die groei daarvan volledig is)
Open. 12:15 En die slang het uit sy bek water soos ‘n rivier agter die vrou
aan uitgegooi, om haar te laat wegvoer deur die rivier, (redenerings en
argumente vanuit valsheid in oorvloed om die nuwe kerk te vernietig).
Open. 12:16 En die aarde het die vrou te hulp gekom, en die aarde het sy
mond oopgemaak en die rivier opgesluk, wat die draak uit sy bek
uitgegooi het, (dat daardie argumente en redenerings in al hul oorvloed
tot niks kom voor die Geestelike Waarhede wat rasioneel verstaan word,
wat die Michaels waaruit die Nuwe Kerk bestaan, na vore bring).
Open. 12:17 En die draak was vertoornd op die vrou, en hy het
weggegaan om oorlog te voer teen haar ander nakomelinge wat die
gebooie van God bewaar en die getuienis van Jesus Christus hou, (haat
ontvlam in diegene wat hulself wys dink vanuit hulle bevestigings van die
mistieke vereniging van die Goddelike en die Menswese van die
Verlosser, en regverdiging deur geloof alleen, teen diegene wat erken dat
die Verlosser alleen God van hemel en aarde is, en dat die Tien Gebooie
die Wet van die lewe is, en dat hulle aanvalle op nuwelinge is met die
doel om hulle te verlei)
0pen.12;18 en ek het op die sand van die see gestaan, (sy toestand nou
geestelik-natuurlik, `n teken is van die waarheid en is dan getuienis
wanneer daar ook gespreek word van die kwaliteit van die toestand of
ding dan is dit openbaring. Om in pyn voort te bring is die moeilike
ontvangs van leerstellings van geloof. Vervolging van die vrou as nuwe
kerk en die teenstand daarteen.
|
|
|
 |
|
