Hoofstuk 6

Enkele gebeure in Kanaän het ‘n goeie voorbeeld gedien van My sorg, voorsorg en seën, maar omdat My volk My weë verlaat het en vol eieliefde ‘n eie koning begeer het aan wie hulle sigbare eer kon betoon, het hulle weer verval in slegte gevolge en slawerny. Die KONING VAN MY VOLK het verseker die beeld van die Volk voorgestel en daarom sal hierdie les gepas wees om karakters, beroepe en eerbetoning te bespreek. Die ware eerbetoning wat Ek vra, is net NEDERIGE, OPREGTE LIEFDE wat van My getuig voor ander wanneer Ek die geleentheid daarvoor skep. Lei dus ‘n nederige beroep waarin ander My kan dank vir die diens deur jou hande en seën jou naaste met die opbrengs van jou arbeid. Daaruit sal jy geseën word om al jou afhanklikes ryklik te versorg. Amein.

Koning Dawid, die nederige, jong skaapwagter, het ‘n volk gekry om te seën, omdat sy hart My as Kanaän geneem het, Amein. Sy droom was nie groot of ydel nie, maar gerig op BEHAGING VAN MY deur sy weë en dit het My hart verbly. Amein.

Laat banvloek en ydele oorloë ver wees van die KINDERS VAN MY LIEFDE. Laat hulle op hulle knieë neerval en My vra om uitkoms en hulp en weer sal Ek verbonde oprig met My geslagte wat kom. Amein.

Ek seën elkeen met begeertes uit My, koester en voed om WYSHEID te ontvang in MY MIRIAM-GEES wat soos KONING SALOMO oor My aardes sal spreek en aan Wysheid geken sal word. Amein.

My Liefde gee Ek julle in hierdie dae, My kinders. Wees ontvanklik en loop uit die sinagoges van julle verstande na die tempels van julle harte waar Ek julle offers wil ontvang. Amein.