Hoofstuk 12

Wees geseënd deur die woorde van hierdie boek in jou siel op te neem as nog ‘n BROOD UIT MY HANDE, want hiermee sal ‘n nuwe geslag voor My opstaan, wat een sal word met al die aspekte van MY WESE. Hierdie hemel op aarde is die begin van al die beloofde eindes en oorgange van tye. Neem daarom sorg daarin om hierdie werk die hoogste te ag onder julle. Maak dit vir die opvoeders onder julle ‘n geseënde belewenis deur hulle by te staan met redelike voldoening aan behoeftes.

Ek wil hiermee die riglyne beëindig en die praktiese leer open, sodat daar nog meer geestelike opheldering sal plaasvind onder al My kinders.

Waarde ver bo julle maatstawwe, het hierdie boek se woorde in die mens se hand, want sonder My opheldering bly die mens gekluister in ‘n verstand van redenasies en vêr van ‘n hart van nederige diens. Dien My, soos wat Ek begeer en word soos Dawid, oor vele aangestel vir die verloop van jou ewige bestaan. Amein.

My vriende sal MY STEM herken en jubel in die klank daarvan, want weer het EK MY BROOD mildelik gedeel en MY WYN vir hulle geskink. DIE BRUILOF is die geleentheid waaroor Ons juig en vrolik gesels en Ek bedien elkeen wat teenwoordig is met My Gees se gawes. Amein.