Hoofstuk  2

My liewe kinders,

Neem My woorde aan Noag as julle beginpunt vir jul aardse lewe. Daar het die nuwe lewe vir My skepping begin te midde van onheil oral rondom.

‘Gaan jy en jou gesin in die Ark en daar sal Ek julle behoed.’

My kinders, GEHOORSAAMHEID aan My, AFSONDERING in My heiligheid en die LIEFDE onder mekaar is nodig om van hierdie aardse bestaan ‘n nuttige saak te maak.

Dit is die drie grondbeginsels wat julle my kleintjies mee moet omvou om hulle met BARMHARTIGHEID na My te trek.

Dit is vêr van ‘n siel wat geskok na hierdie verdorwe, verworpe siele kyk om uit sy eie nader aan die om hom te kom, vandaar die ‘op myself ingestelde’ bestaan van ‘n jongeling. Maak alles van die self deel van die beskermende ONS waar Liefde en gehoorsaamheid wet is en die kleintjie sal My leiding en sorg begin verstaan.

Dank My vir die eenheid en vesting tussen julle gesin in My kleintjie se teenwoordigheid en bid vir My beskerming en dit sal van vroeg af tweede natuur by My kleintjies raak.

Noag het nog ‘n baie belangrike eerste lewensles vir My kleintjies, naamlik, die water wat moes opdroog voordat nuwe land vir hulle nuwe lewe aan hulle gegee is.

Die water is wêreldse invloede en skommelings. Sodra die bestaan van die gesin in hulle Ark nie meer geskoei is op die golwe en storms van die ‘noodlot’ nie, maar op MY BERG VAN VEILIGHEID EN SORG tot rus gekom het, sal die gesin nuwe lewe, rus en vreugde in hulle bestaan vind. Eers dan sal vrede na hulle as gesin terugkeer. Amein.