Baäl, die dooie god van klip, het nooit sy priesters verhoor, hulle gebede het nooit opgeklim na sy klipoor. MY kinders, Elia het toe begin bid, nadat die valse priesters stilgebly het. Skaars het Elia na MY geroep, of EK het die hemele verlig. EK het gestuur, ‘n grote vuur om die bul, die hout en die altaar te verbrand. Die volk het gesien EK doen MY woord gestand.

 

Toe Elia roep; ‘Slaan dood die priesters van Baäl’, het baie gehoor gegee.

In ‘n see van bloed

Het die priesters vir al die gruwels geboet.

Nou sê EK, MY kinders, dat julle die kwaad moet uitroei uit julle midde, uit julle eie harte, die midde van julle eie wese is wat EK bedoel. Die geveinsdheid is die priester van Baäl, so wees rein, en nie geveinsd, sodat EK julle op die wolke kan kom haal.

Daarmee sê EK ook wees vol rein gedagtes, en dink altyddeur aan MY, dan sal julle in MY bly, geveinsdheid en leuentaal sal ver van julle wees.

Dit sê EK, JAHWEH, julle ALLERMEESTER.

 

Wees vol van MY lof en dien MY

Rein en vry

En EK sal jul lei

Want EK is altyd naby

EK doen MY woord gestand

In elke land

Waar mense MY in waarheid dien.

 

EK, JAHSHUA sê dit.

Amen.

O, amen.